我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“無得輸既下午茶”

瑞士咖啡室 (中環)
香港排名第2,077 (共13,941家餐廳)
周圍地區: 中環
餐廳詳細資料
周圍地區: 中環
2020年6月1日 透過行動裝置

星期六工作完成,同事們提意醫下肚,問我有乜意見, 我意見當然有, 只是無錢。。。。
糧尾出街食飯要食得精明, 我提意最好就是選岩時間, 吃個抵食下午茶。

就帶佢地去利源西街 [瑞士咖啡室] 享受下本土情懷。
大約四點幾餐室內人流不多, 可以隨便坐。

這裡的下午茶餐足足有二十幾款, 真強大。

我點了震店之寶 [常餐] $55
常餐、快餐其實來來去去都係個啲野, 不過最特別就是非一般湯麵 [瑞士雞翼公仔麵(中翼四隻)]
[瑞士雞翼公仔麵] 中翼漲漲卜卜, 上色度十足, 隻隻油潤十足, 瑞士汁簡直超入味,不會過份甜膩, 咬下去亦充滿彈性, 好味到連手指都啜埋。
瑞士汁更滲入湯中,令到湯底變成甜甜地,公仔麵軟硬適中, 無敵。
[牛油多士,火腿奄列 ] 正正常常, 多士夠脆; 火腿奄列則有點單薄。

蔥油豬扒撈公仔麵 $53
份量十足之選, 兩大塊豬扒, 不會炸到柴皮。 肉質仍然充滿陣彈性, 有咬口。
將超多蔥油再加埋甜豉油,撈埋公仔麵一起, 大大啖放入口, 蔥油咸香絕對是爆出來, 甜豉油添色添層次,又一次完勝!


兩個套餐都轉「紅豆冰」
紅豆和花奶是完美比較是1:1
紅豆超多,作為紅豆控的我巧開心。
紅豆粒軟糯棉棉,甜香可口,花奶濃郁, 無得彈。

另一位同事點了 [熱狗餐]
熱狗即點即烘, 熱狗包微微脆口, 熱狗腸比例上細左小小, 加了蕃茄片和介茉醬,份量則剛剛好,加埋杯港式熱奶茶
絕對是下午茶不錯的選擇。

造訪日期: 2020年5月
感謝 Fiona L
該評論乃TripAdvisor會員主觀個人意見,不代表TripAdvisor LLC公司。
發表評論評論 (56)
旅客評等
旅客類型
月份
語言

2 - 6 則評論,共 56

2020年5月23日

來中環處理銀行帳戶,由於還有一些手續要辦,所以決定食埋晏先走。嚟咗「瑞士咖啡室」開餐,之前幫襯過灣仔道嗰間,利源西街呢間反而是第一次來。

原來餐廳共有兩層,座位十分充足。細看裝潢,是典型的舊式茶餐廳格局,書法招牌、閣樓雅座、綠白階磚,再配以掛牆餐牌和舊式油燈等,全部都是香港人的集體回憶,體現了對舊年代的眷戀和致敬。

每張檯均放有一份餐牌,另外牆身上亦掛有手寫餐牌,選項清晰,簡單易明。點咗公司三文治 ($43)、瑞士常餐 ($55) 同一客蔥油豬扒撈麵 ($53)。

公司三文治非常大份,用料十足,麵包入面㚒滿了煎蛋、餐肉、蕃茄、火腿和芝士等,有成三層厚,大份到要分幾口至吃到。外層的多士烘得夠曬脆口,咬下帶焦香,入面的沙律醬亦調校得很不錯,入口甜甜酸酸,令味道更醒胃。

瑞士常餐陣容亦頗豐富,有牛油多士、火腿奄列同瑞士雞中翼公仔麵,如果想改通粉、意粉、米粉、出前一丁或轉茄湯,就要另加 $4。多士烘得啱啱好,牛油亦塗得甚慷慨;奄列嫩滑有蛋香,火腿夠多又切得夠粗身,夾在多士中間同吃,簡直係無得輸。

雞翼大大隻,好飽滿,瑞士汁味道剛好、濃得來又不會太甜,雞肉嫩滑多汁。麵條軟硬適中,加上索滿了甜香的瑞士汁,每一口都是濃濃汁香,配上入味的雞翼,為味蕾帶來另一種與別不同的享受。

另外碟蔥油豬扒撈麵亦睇頭十足,件豬扒值得一讚,夠曬大塊,厚身得嚟仲啖啖肉,質地鬆化軟腍,而帶骨的部位咬落亦甚有嚼口,配埋甜豉油、蔥花,再撈埋公仔麵一齊食,真係令人好滿足,絕對是午飯補充元氣嘅好選擇!

飲品點咗紅豆冰同凍奶茶,紅豆冰用心製作,紅豆與奶比例剛好,紅豆軟腍、奶味突出,味道香甜,頗不俗;凍奶茶亦唔錯,茶底香,口感柔滑,無嚡口嘅感覺,香滑富層次。

其實懷舊冰室真的是我們的珍貴文化遺產,值得將之繼續保留,真的希望這類港式冰室,能永遠延續下去。

造訪日期: 2020年5月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2020年5月18日

利源西街充滿舊式排檔,兩旁都有舖頭及食店,中間嘅排檔會遮住餐廳招牌及門口,建議如响電車路街口行入去,瑞士咖啡室係响右手邊,可以先靠右行會易搵啲。

舊式茶記陳設,地磚係經典綠色紙皮石,牆上嘅餐牌仍沿用手寫式,伙記哥哥都好友善,感覺到依家好難搵嘅人情味。平日大約兩點嚟到,已經坐滿客人,不停翻枱,係中環區內算幾受歡迎嘅茶記。

瑞士雞翼常餐 (改出前一丁)
份量好足,半燶牛油多士丶啖啖火腿嘅奄列丶瑞士汁雞翼好入味,改出前一丁,就更加滿足

茶餐B
牛油多士丶輕輕煎過嘅火腿,雙反蛋丶牛肉湯意粉,好豐富嘅茶餐

咖央西多士
厚厚蛋漿包着方包,中間搽咗咖央,蛋漿仲炸到微脆,另有糖漿可自行添加,港式茶記風味,正!

奶茶
响茶記一定要試奶茶,口感厚滑,茶香丶味回甘

鹹檸七
原罐七喜上,鹹檸檬化痰潤喉,甜中帶咸,消暑解膩良品, 好耐無飲過喇~

造訪日期: 2020年5月
感謝 jy0v0
該評論乃TripAdvisor會員主觀個人意見,不代表TripAdvisor LLC公司。
2020年5月12日 透過行動裝置

瑞士咖啡室 (中環)
中環利源西街12號地下

位於中環利源西街的瑞士咖啡室裝潢彷似回到懷舊老香港時期,不論地磚、卡位都有30年代香港味道。

餐廳主要提供常餐、特色餐,輕盈早餐、下午茶☕️,麵包類西多士等。

大推瑞士常餐:
包含有牛油多士 +火腿奄列:多士烘得好脆口, 有鹽牛油塗滿了多士,啖啖牛油香。火腿奄列火腿份量多到溢出,配上滑蛋,咸度恰到好處,濃濃蛋香。

瑞士雞翼公仔麵:上網睇左食評大推瑞士雞翼,決定一試,雞翼皮薄餡靚,肉質滑嫩,瑞士汁好入味不會死咸,公仔麵軟硬程度適中,好巧功夫

白汁雞皇飯:香港人好鐘意有汁飯,呢到白汁份量多,而用上的雞柳有一陣花雕酒香,誠意可加,濃濃忌廉一食上癮,啖啖牛油香仲好細心有幾埋椰菜,感覺上健康點。

港式奶茶:香濃幼滑,用上黑白淡奶,奶味濃,茶底偏苦,要加糖中和。

總結:
中環區必食茶記
大推瑞士雞翼公仔麵

#中環#茶記#瑞士雞翼#瑞士咖啡室#公仔麵#白汁雞皇飯#忌廉#港式奶茶☕️

造訪日期: 2020年5月
2  感謝 SANDRAFUNG
該評論乃TripAdvisor會員主觀個人意見,不代表TripAdvisor LLC公司。
2020年2月12日

一個四十蚊嘅早餐有奄列通粉菠蘿油,火腿絲多到好似唔洗錢咁。菠蘿油皮脆熱辣辣,舊牛油又係好大舊,食落去超滿足。

造訪日期: 2020年1月
    • 划算度
    • 服務
    • 食物
感謝 poonchiulam
該評論乃TripAdvisor會員主觀個人意見,不代表TripAdvisor LLC公司。

查看過瑞士咖啡室 (中環)的旅客也查看過

 

去過瑞士咖啡室 (中環)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單