第四坡疫情還未控制好， 六點後只有外賣沒有堂食之下， 趁住買餸時間出來走走， 發現在明德商場地下有間越南菜叫春嬌， 新開的光猛又整潔， 門口餐牌上的價錢相宜， 所以就入去一試。 還有一個優惠是用手機掃描QR Code落單每款主菜即減$2， 我就點春嬌火車頭金邊粉$61、 鴛鴦春捲撈檬$38、招牌春嬌小食拼盤$36、 春嬌豬肉粉包$34、 越南咖啡跟餐價$8、 玫瑰茉莉花茶跟餐價$2、 龍眼水。

春嬌火車頭金邊粉～ 有超大塊又厚身的花膠、牛丸彈牙、牛肉和牛腩軟腍， 湯底熱辣辣的， 味道香濃， 金邊粉份量好多， 抵食。

鴛鴦春捲撈檬～ 炸春捲口感酥脆，有兩粒蕃薯仔， 撈檬的靈魂當然是魚露甜酸汁， 甜甜酸酸非常開胃。

招牌春嬌小食拼盤～ 拼盤有扎肉、鳳爪、春捲和炸蝦丸， 扎肉香濃富肉味， 鳳爪酸酸甜甜， 春捲酥脆， 炸蝦丸香口好味， 小食份量剛剛好。

春嬌豬肉粉包～ 熱辣辣的豬肉粉包，吃時蘸魚露品嘗，令這清新菜式倍添滋味。

越南咖啡～ 喜歡越南咖啡香味較濃，酸味較淡，口感細滑。

玫瑰茉莉花茶～ 茉莉花味很清香， 點了一杯凍的，沒有冰粒，原汁原味。

龍眼水～ 味道少甜帶清淡， 杯裏面有大量龍眼肉， 真材實料。

到坑口想食越南菜，又多一間選擇了。

春嬌
地址: 將軍澳培成里10號明德邨明德商場地下4-6號舖