我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“熱辣辣燒雞🔥”
薔紅的評論

薔紅
香港排名第1,659 (共16,319家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2023年3月22日

Lunch要食飯時同事想食燒雞先諗起薔紅
1.15pm先打電話去order
居然10分鐘內就送到上公司門口

打開隻雞都仲係又脆又熱辣辣嘅🔥
睇得出勁新鮮
食嘅時候仲不斷有雞汁流出嚟
想用手食都有難度🤤
佢地配咗個淮鹽同甜辣醬
而隻雞本身已經有調味😝
所以我覺得配淮鹽會太鹹 但因為脆皮所以會有食乳鴿嘅感覺 Side嘅選擇有薯條/水果沙律/意粉
不過食完半隻雞都已經食唔落其他了🥳

半隻雞+薯條+熱飲+超快送上門先至$72
抵食🤤

造訪日期: 2023年3月
    • 划算度
    • 服務
    • 食物
感謝 Sesame_tong
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
評論 (35)
旅客評等
旅客類型
月份
語言
  • 更多語言

5 - 9 則評論,共 35

2021年10月31日 透過行動裝置

[薔紅 (灣仔)]食完即刻明白點解個個都會post燒春雞🐥

地址:灣仔莊士敦道194-204號灣仔商業中心1樓

推薦度(10👍🏻滿):9👍🏻
滴汗度(10😅滿):不適用
衞生(10⭐️滿):7⭐️
環境(10⭐️滿):7⭐️
賣相(10⭐️滿):9⭐️
味道(10⭐️滿):10⭐️ (主要分數係隻雞,味道賺晒)
價錢(10⭐️滿):9⭐️
服務(10⭐️滿):9⭐️
地點(10⭐️滿):7⭐️

本身今日諗住去壽司郎,但係我攞咗張飛係744號,但原來只係叫到542號。然後我放棄咗。😅

一路諗緊食咩,突然間醒起灣仔有間之前想去食嘅茶餐廳,因為上次去到臨走先見到有人過燒春雞好正,今次喺上環搵唔到咩食,就轉戰灣仔。

餐廳唔近地鐵站,要行兩條街但都唔算好遠。

1999年燒春雞($75)
顧名思義我諗佢係由1999年做到而家,佢屹立不倒咁多年應該實有佢嘅道理嘅,一定要嗌返一份嚟試吓啦!
再配埋佢嘅紅豆冰,一個字「正」!
完全冇嗌錯,而家餐廳咁高頻最大部份原因都係因為隻雞。半隻雞嚟到佢俾埋手套你非常窩心。
首先薯條係炸得好脆!
一開波諗住斯文啲食用刀切,一切開啲肉汁同埋雞油係咁流出嚟,已經feel到佢有幾Juicy ,然後唔係好搞得掂就用佢提供嘅手套,佢彼得你有佢嘅道理。用手食真係非常原汁原味,直接先來食雞肉非常滑好入味。
佢俾咗泰式甜辣醬同淮鹽。都同隻雞好。姐姐本身都好入味啦,所以就咁食到非常正!

鐵板西冷扒($80)

由於隻雞非常出色,西冷扒相對變得比較平淡,份量好大份,不過就梁兄牛肉味。普通茶餐廳水準。而因為即起條根想食茶餐廳嘅奇怪意粉,就嗌我跟意粉,佢係有少少肉醬意粉味用茄汁炒,都唔錯。不過就唔好諗住佢會係西餐廳嗰種質地,都係烚得好透既。

西多士($35)

當然唔少得甜品啦,帶嚟都茶餐廳會有咩甜品吖,唔通比件cake你咩?我就嗌咗茶餐廳特色西多士。👍🏻呢個作為一個結尾,非常完美冇得頂!

㊙️:成餐飯$212,CP值超高
㊙️:啲位係迫咗少少,但係好食就冇所謂啦
㊙️:另外,值得一讚嘅係茶餐廳嘅叔叔非常貼心,我哋買咗好多嘢,一入去佢哋已經好主動比多張凳我地方,但然後因為個位冷氣比較大,佢哋即時幫我哋轉左張卡位。而且佢哋落單亦都好快手,上菜亦都好快手,亦都一眼關七,一舉手佢哋就過嚟幫你問你有咩需要。👍🏻

造訪日期: 2021年10月
感謝 GoPlaces65707696032
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年10月7日 透過行動裝置

相信係灣仔一帶返工既朋友仔對呢間「隱世」茶餐廳唔會覺得陌生,事關佢既燒春雞🐔真係出晒名大件夾抵食🤤 而話佢隱世係因為佢係喺一棟商業中心入面,要行一層樓梯先見到真係唔講都唔知呢度有間茶餐廳呀😳
經同事認識到呢間茶餐廳,短短兩個月已經幫襯左四次🤣最近一次6月底去幫襯時見到茶餐廳門口擺左好大塊告示版出黎,原來衛詩雅係youtube上有條片介紹呢度既燒春雞,而經過藝人加持後價錢已經由$68加到去$70啦😩
雖然價錢加左少少但食客依然係好多,繁忙時間幫襯要等位就無可避免啦🤷🏻‍♀️好彩茶餐廳空間都幾大,入面有幾間麻雀房因應人數而安排入座。坐過兩次房雖然自成一角傾計比較暢快,不過就要忍受房入面殘留落黎既煙味啦🚬
.
除左燒春雞,茶餐廳基本有既早/午/常餐同小菜都可以係呢度搵到。
每次見到餐廳入面貼左唔少鐵板餐🥘實物圖都有興趣想試,只係每次都敵不過燒春雞既魅力,其他同事都係咁話😝
***********************************************************
🍴脆皮春雞籃 配白飯/意粉/薯條/薯仔雜果沙律 (不連餐飲) ($70)
一客春雞籃有半隻雞,雖然叫做燒春雞但其實係用油炸出黎,繁忙時間即叫即炸都係等左5-10分鐘就熱辣辣上桌,金黃色外皮仲要脆卜卜,肉質非常juicy👍🏻燒雞隨付淮鹽同泰式酸辣醬,個人認為就咁食已經好惹味,其中三次幫襯都覺得雞胸位醃得咸左d ,最近一次就覺得味道perfect💯
茶餐廳非常貼心,除左提供刀叉🍴亦都跟左一包食雞孖寶,入面有一對即棄膠手套🧤同濕紙巾,咁就唔洗食到成手油啦🙆🏻‍♀️
值得注意⚠️既係燒春雞真係非常辣手♨️,非常辣手♨️,非常辣手♨️,一路用手搣d雞油一路流出黎,大家食既時候真係要小心呀
-
✨意粉🍝
呢度既意粉唔係水煮而係用茄汁炒過。食過一次份量都頗多,不過就略為油膩
-
✨薯條🍟
問同事要左幾條黎試,雖然係新鮮炸起不過食落口感奇怪,好似食緊薯仔開出黎既粉咁…
 -
✨薯仔雜果沙律🥗
份量頗多,有青瓜粒、紅蘿蔔粒、罐頭雜果、薯仔粒同蕃茄片
-
✨維他奶麥精紅豆冰🍹 (套餐加配價$10,單點$22)
見到menu有幾杯夏日特飲覺得幾吸引
麥精本身已經幾甜下,加上呢度既紅豆蓉偏甜,成杯飲品都好甜🤦🏻‍♀️

造訪日期: 2020年6月
2  感謝 big_foodie_yanny
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年4月5日

以前在灣仔修頓打籃球後,都會和一班波友在附近的餐廳醫肚。剛巧有事需到灣仔,辦完後便到其中一間餐廳回味😋
-
今次去的餐廳是一間茶餐廳,有小菜,扒餐等等,但每次去我只會點同一款食物,很專一,從未轉過其他🤣
-
1. 脆皮春雞籃配意粉 $68
每次點這隻燒春雞都冇失望過,用膠手套撕雞肉食更有風味🤟🏻金黃色的外皮加上剛炸起的香氣已經令人食慾大開,雞皮香脆,雞肉嫩滑,每次撕開雞肉,都有很多雞油滴出黎,很邪惡🤤本人較愛蘸雞醬食,如果唔夠,可以問店員再加醬😂

造訪日期: 2020年1月
    • 划算度
    • 服務
    • 食物
感謝 glassesgor
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2019年10月23日 透過行動裝置

同事推介,又點可以錯過。

來到時門口位置已經人山人海,水洩不通,因為又到黃金食飯時間;雖然地方闊絡,坐位細看都不少,但都被坐滿了。(12:45離場...結帳會有優惠,亦是進場的好時機)

維他奶紅荳冰
以紅豆冰底先來,再加一枝樽裝維他奶(自行倒入杯內)。
紅豆起沙,飲落極為暢快。

店內更貼心派發袋袋(一次性手套),方便食客食雞。

店中王牌登場,店員都忙過不停。

脆皮春雞籃配薯條 - $68

春雞出來時色澤金黃,而且外皮薄脆,雞肉切開肉質嫩滑,食落亦相當入味,真的色香味俱全。

估不到灣仔這商業區都有這色香味俱全,仲要經濟又抵食。

造訪日期: 2019年10月
感謝 JaydenCSH
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過薔紅的旅客也查看過

 

去過薔紅嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單