我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“老字號信心保證👍🏻正宗泰國菜館”

黃珍珍泰國菜館
餐廳訂位
香港排名第1,627 (共14,645家餐廳)
價位: US$15 - US$20
菜系: 泰式料理
更多餐廳詳細資料
餐廳詳細資料
用餐選擇: 預訂
周圍地區: 九龍城區
3 週前評論 透過行動裝置

老字號信心保證正宗泰國菜館

相信好多人聽過名字都說之前食過,那就是位於九龍城的「黃珍珍泰國菜館」。而我卻是第一次來,原來咁好味食到停唔到口

黃珍珍第二代傳人 Jacky 好熱情招待每一位客人,好細心咁推介客人最新鮮嘅菜式,熱情到好似識咗好耐嘅朋友咁其實第一次見

因為家姐搬咗去九龍城,所以家庭聚會就多咗喺九龍城,今次一家人嚟試吓呢間正宗泰國菜館。

去黃珍珍泰國菜館必吃的就是「生蝦刺身」,平時食生蝦通常配辣椒同蒜頭,但黃珍珍就採用左傳統泰式食法,將生蝦、涼瓜、辣椒、蒜頭一啖放入口,肉質緊實富彈性,味道爽甜鮮美。記得點埋正宗酸辣泰式醬汁,滋味無窮,非常醒胃。

「柚子沙律」黃珍珍嘅柚子沙律超大碟,好清甜爽口,唔會太酸又唔辣,味道調得啱啱好,非常開胃又美味。

「燒澳洲和牛舌」你以為生蝦刺身係必點,其實我就覺得這碟燒澳洲和牛舌,先係唔可以錯過嘅菜式,從來未試過食牛舌食到好似食緊和牛咁,入口即化,相當難忘。

「串燒鮮白鱔」鱔皮烤得又脆又香,而肉質仍有點彈牙,保持到鱔的鮮甜。熱辣辣的鮮嫩魚肉在口中慢慢的漏油溶化,那滋味真的不能形容!

「燒日本魷魚」口感嫩口又入味,味道香濃帶甜,口感Q彈。

「炸單骨雞翼」採用無激素雞翼,仲用左新鮮泰國香料醃製,外脆內嫩,單骨做法好方便,小朋友都食到。

「冬蔭公湯」三隻大大隻新鮮生猛嘅大頭蝦,非常搶眼,爽口鮮甜,蝦膏特濃

「泰式明爐元朗烏頭」好多人都好怕食烏頭,因為好怕食到佢陣泥味而黃珍珍嘅烏頭係喺香港飼養的激罕烏頭,肉質幼嫩好多,黃油豐盛而且一啲泥味都冇,果然係好味。

「招牌咖哩炒蟹、法式麵包」個咖喱炒蟹汁不得了,配埋個法式麵包食超夾。法式麵包超脆口,本來已經飽到十成食唔落,但因為個法式麵包太好味,忍唔住就食咗成個

「馬拉盞炒泰國通菜」食泰國菜通常都會叫通菜,但原來黃珍珍嘅通菜真係來自泰國,爽口好多。

「菠蘿炒飯」去到尾聲已經飽到暈,菠蘿炒飯就比屋企人分咗,我要留肚食甜品

「泰式炒粉」當我以為我已經飽到極點,但最後又俾呢碟泰式炒粉吸引咗試左一啖,咁好味嘅?酸酸甜甜好開胃,又忍唔住再食多幾啖,今日好似黑洞咁係咁食

「椰汁西米糕」晶瑩通透既椰汁西米糕,大菜糕口感伴隨椰汁香味,仲要冰涼口感,飯口甜品最適合不過。

「芒果糯米飯」幾飽都要食既芒果糯米飯,有黑白糯米配鮮甜芒果,越食越掛住泰國,越食越想去旅行。

忘了飲品,我地叫左芒果汁、奇異果汁、菠蘿汁同珍多冰,全部新鮮果汁唔係糖水溝出嚟

老闆話所有菜式都無落味精,所以食完唔會好口渴。一路寫一路好想再食

味道
環境
服務
抵食

黃珍珍泰國菜館
九龍城打鼓嶺道 23 號百營中心地下

造訪日期: 2020年11月
3  感謝 Lovecathcath
該評論乃TripAdvisor會員主觀個人意見,不代表TripAdvisor LLC公司。
發表評論評論 (83)
旅客評等
旅客類型
月份
語言
  • 更多語言

1 - 5 則評論,共 83

2020年4月25日

老父常嚷著要快些使用手上由中電早前發放的「齊飲齊食齊加油」200元美食現金券,生怕到了期便變成癈紙,所以終日叮囑我快快從指定食肆名單中選出合心水的餐廳。名單中各式各樣的食肆也有,本想選一間中菜了事,不過偶而間看到九龍城黃珍珍居然榜上有名,記憶中已經有多年没有光顧過黃珍珍了,所以便決定和屋企人來食晏。

在進入餐廳門口之際,看到門外貼上~ 外賣自取 / 堂食一律八折,心想,埋單時真要計一計用美食現金券抵抑或用八折抵。

餐廳一共有三層,原本想坐一樓, 可能因為疫情關係,餐廳內的客人不多,今日只開放了地舖待客。餐廳的佈置很有泰國 FEEL ,放了許多木以及銅製擺設,燈光柔和,空間寬敞,坐得舒服,一家人或朋友聚餐最合適。餐牌上的選擇依舊豐富,另外還有七款即叫即做, 保證有鑊氣推介。看了一輪餐牌,最後決定點三款菜另加一湯。

金柚大蝦沙律 $138
頭盤先來一客沙律,來到泰菜館,這款沙律屬必叫之選,新鮮金柚多汁,甜中帶酸,令人十分開胃,沙律入面還有少許花生及碎上的蝦乾,所以味道前奏酸甜多汁,另有點咸香的餘韻,令金柚的果甜味更突出。大蝦肉質爽脆,惟稍欠鮮味,不過一蝶也有五、六隻大蝦,所以賣相其實相當不俗,加分。

珍珍讚海膽蝦炒飯 $138
這款確實是至今食過最好味的海膽炒飯,連平日最不喜愛抓飯的父親也讚口不絶,連續食了兩碗。
這碟熱騰騰的炒飯看似平凡,沒有以搶眼的原隻海膽置頂作為裝飾,主要以鮮蝦粒以及蛋炒成,當中還有點橙黃色應該是海膽的碎粒,嚐一口,才知精髓在其中,不但吃到蛋香,海膽味更是勁濃郁,每一啖都充滿著海膽的鮮味,隠身在炒飯中的蝦肉粒爽口彈牙,增添了飯的口感,兼且炒得相當有鑊氣,飯粒炒至粒粒金黃、乾身,惹味,簡直一試難忘。

小食拼盤 12 件 $163 (8件)
拼盤可選8件或12件,我們選了8件,當中有、春卷、炸魚餅、香葉包雞各兩款,有很多圓型小蝦片鋪在面,拼盤拌以酸梅醬及甜酸醬。整個拼盤其實普普通通,味道OK。

香葉包雞 ~ 稍乾, 味道可以
春卷 ~ 炸得不俗,非常脆口, 入面有大量粉絲、紅蘿蔔、木耳絲、肉碎,味道較淡,沾甜酸醬 / 酸梅醬較為合適
蝦餅 ~ 外皮色澤遍淡,沒有金黃色的效果,賣相先打了少少折扣,不過味道算不俗,厚身大件,入口彈牙有蝦味
魚餅 ~ 大大片,質感在香港魚蛋與日本魚蛋之間,有魚味及香草味,味道不過不失。

拌碟的酸梅醬與甜酸醬的味道剛好相反,微酸中帶微甜,好味

冬蔭功湯 $88
這款湯實有幾個份量可以揀,我們則選了最少的份量,約有一碗半。湯的顏色橙橙黃黃看似很辣,用料豐富 : 一隻大頭蝦在湯中浮潛,湯中還有很多草菇,香芧及其他香料碎,香味濃郁,飲落酸酸辣辣,還有陣陣椰香味,口感濃稠,如果再辣一點便更好。

其實黃珍珍給人的印象是一間較為正宗但不便宜的泰菜館,一個二人餐也要五百幾,坊間已有好多新派泰國菜館出現,品質不俗,價錢實惠,不過論座位舒適度,黃珍珍這方面真是略勝一籌,而那碟海膽蝦炒飯更教人念念不忘,再加上原來美食現金券可以與八折優惠同時使用,認真抵食 !

造訪日期: 2020年3月
    • 划算度
    • 服務
    • 食物
感謝 3point3
該評論乃TripAdvisor會員主觀個人意見,不代表TripAdvisor LLC公司。
2020年1月28日

「黃珍珍泰國菜館」是赫赫有名嘅老字號泰國菜館,在九龍城非常有名。九龍城店鋪有兩層的餐館地方寬敞舒適,食物多款而且美味,絕對值得一嚐,但價錢就不是太平

造訪日期: 2019年9月
1  感謝 moanciel
該評論乃TripAdvisor會員主觀個人意見,不代表TripAdvisor LLC公司。
2019年10月3日

相信一講九龍城泰國菜,
都一定唔會唔知道赫赫有名嘅老字號「黃珍珍泰國菜館」,
「黃珍珍」屹立於九龍城超過30年,
至今仍然係好多食客捧場~

同小妹兩個人黎撐枱腳,
店員好識做呀,安排我地到二樓雅座,
仲可以望到九龍城嘅街景,感覺寧捨寫意~

推薦❗青木瓜沙律($98)
青木瓜口感爽脆,
加上香脆花生和自家調製嘅酸甜醬汁,好開胃呀!
不過第一次食青木瓜沙律配生菜,
幾新穎嘅配搭。

泰式燒豬頸肉(小)($68)
小妹最鐘意食豬頸肉,
所以我地就點左小份,兩個人食就啱啱好!
豬頸肉肉質嫩滑,
微微既香茅味醃得夠入味,
配以酸瓜蘿蔔,可去一去肉膩感。

泰式炒四棱豆($96)
四棱豆係泰國特產,
而且唔係度度有得食,
小編都係第一次見!
四棱豆爽口,
口感有啲似油麥菜嘅莖,幾惹味!

小編覺得泰式咖哩好難煮得好食,
不過見咖哩係「黃珍珍」
推薦❗️咖哩炒大頭蝦($298)
有五隻大頭蝦排得好整齊,
面頭淋上滿滿嘅秘製咖哩汁,正!
咖哩汁好香,食得出係加左蝦膏去炒,
特別鮮香惹味,
本來唔想食太多澱粉質嘅小編都忍唔住要追加兩個法包,
蘸咖哩吃真係好食都無得彈!
不過如果有薄餅選擇就更好。
大頭蝦都算新鮮,肉質鮮味爽彈。
店員仲好貼心有手套提供,讚!

九月份每日都有優惠,
係優惠期內訂座四位或以上,就送是日精選菜式,抵呀!
唔知十月仲有無呢?

造訪日期: 2019年9月
    • 划算度
    • 服務
    • 食物
感謝 foodie_talk
該評論乃TripAdvisor會員主觀個人意見,不代表TripAdvisor LLC公司。
2019年9月20日

男朋友突然間話想食蟹,又好似好耐冇食過泰國嘢,一諗就諗起黃珍珍,落雨都特登搭車去九龍城食。

星期日晚嚟到,唔算太多人唔需要等位,我哋兩個人去食,職員俾咗張窗口位四人枱我哋✌
每次食泰國嘢好似來來去去都係食嗰啲嘢,當我同男朋友苦惱緊食咩好,職員好熱心走過嚟向我哋推介,餐廳嘅新出嘅菜式—四棱豆。職員話四棱豆係泰國特產,而且唔係度度有得食,有沙律或者馬拉盞/蒜蓉/清炒等等煮法,見職員極力推介,最後我哋帶咗馬拉盞炒四棱豆、咖哩蟹一隻、法包兩個。

開頭我哋以為四棱豆口感應該好似青豆咁,但食落原來唔係。口感有啲似油麥菜嘅莖,但就更加爽口,加上炒得好香好惹味,有驚喜,下次可以唔洗次次淨係叫通菜油麥菜咁悶。一般食開馬拉盞炒,都知道會係比較油膩,所以值得一提嘅就係,呢度用嚟上菜嘅碟,係有少少斜度,可以將多餘嘅油流走,好細心

重點黎啦,隻蟹都算幾大隻,兩個人食都夠晒食,而且仲好新鮮。雖然用咖喱炒,但仍然食到蟹嘅鮮味,連埋啲咖喱汁一齊食,好濃嘅椰汁味,亦都好鮮甜嘅蟹汁味。蟹肉一啲都唔梅,咬落去好爽甜,啖啖肉。

而個咖喱汁除咗好濃嘅椰汁味之外,入面仲有洋蔥同其他配料,洋蔥每塊都幾大塊而且好爽甜,唔會太生,亦唔會林到爛哂哂,好食。

咖喱蟹就一定要配法包,個發包熱辣辣又脆,每一啖都點咖喱汁食,好味到痴左線

最後職員仲送咗一人一個椰汁西米糕同椰青水整嘅糕,椰汁西米糕好濃椰汁味,濃到好似飲咗一啖椰漿咁,而個椰青水榚就好清甜

其實之前都同屋企人食過好多次,但每次到無得彈,每次都係咁好食。雖然比起一般嘅泰國餐廳貴啲,但絕對係超值,值得推介。

造訪日期: 2019年9月
    • 划算度
    • 服務
    • 食物
感謝 kplpy_foodie
該評論乃TripAdvisor會員主觀個人意見,不代表TripAdvisor LLC公司。

查看過黃珍珍泰國菜館的旅客也查看過

 

去過黃珍珍泰國菜館嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2020 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。