佢嘅煎釀豆腐同煎釀豆卜真係好好味，豆味香濃，即整熱辣辣，又不會過於油膩。
煎釀豆腐上層配上薄薄的釀魚肉，外表煎得香脆，裏面又有好似豆腐花咁滑嘅口感。
至於煎釀豆卜，外皮非常香脆，入邊嘅魚肉又有彈牙口感。
另外，見到佢仲有豆腐雪糕都好似好吸引，下次再試。
至於座位方面，都係比較擠迫，所以都係快食快走，但環境都尚算乾淨。

成日黎呢到都係堂食，飲白豆漿，食個煎釀豆腐，再睇下加唔加個豆腐花咁。今次喺附近食完車仔麵好飽，但好口渴，淨係想飲杯豆漿。

見到佢門口有得就咁買豆漿，有大杯、細杯同埋支裝揀。又有正常白豆漿、少甜白豆漿同埋無糖白豆漿揀。

正當我諗緊揀邊杯嘅時候，突然見到有杯黑黑地嘅豆漿。問一問店員呢杯點解灰灰黑黑嘅。店員就介紹話呢杯係黑豆漿，好好飲嘅，於是我就買左一杯大杯裝試下啦。

大杯黑豆漿 $10
一飲落去真係黑豆香幾重，同埋飲得出係磨出黎嘅。有甜味嘅，對於唔鍾意飲甜野嘅我，想知黑豆漿會唔會都有少甜同無糖version。

公和荳品廠
Kung Wo Beancurd Factory原店地址旁邊租多了一間分店
專做堂食,比起舊鋪更舒服,更乾淨

豆腐花有分冷熱/大細
識食一定食大豆腐花,冷熱就隨你口味啦
熱食豆香更突出,更嫩滑 $12一碗大SIZE
豆漿 也有分冷熱,個人最喜歡飲凍豆漿,甜香順侯易入口
豆味香濃餘香濃而不散
最近加添了薑汁豆腐雪糕 $13一球

豆腐花細緻嫩滑,口感極嫩,啖啖豆香

參拼,煎豆腐,煎豆卜,魚腐 各2件 $16
看似平平無奇賣相普通
但同樣自家製豆腐煎炸而成
咬開有如豆腐花一樣的滑嫩質感,豆味更濃香
外脆內嫩

薑汁豆腐花雪糕
外層是薑汁做既糖漿,豆腐雪糕因為凍食,味道無咁突出
最好食始終都係豆腐花!
但可以一試!

聽聞這間餐廳曾經被米芝蓮所推捧,是吃豆製品的餐廳.豆腐花不算平,好像是十來元,不過也算是很滑溜的.同場還有煎釀豆製品選擇

超過一百一十年歷史的老字號荳品店，到訪時坐在原本店鋪旁重新裝修的分流店。分流店較原店乾淨舒，享用的豆漿、雙併豆朴和魚腐、豆腐花和燒賣腸粉，豆味香濃、新鮮味美。