我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“豐富又優質的韓燒放題!”

OPPA韓國燒肉店 大埔分店
餐廳訂位
香港排名第867 (共14,453家餐廳)
周圍地區: 大埔
餐廳詳細資料
周圍地區: 大埔
2020年9月23日 透過行動裝置

因為疫情關係,除了跟朋友少了聚餐外,更加令我最愛的韓燒都不敢食,幸好最近疫情穩定下來,我終於又可以食韓燒了~

朋友住大埔,為了方便她,我就山長水遠來大埔食個晚飯,不過質素絕對值回票價!

首先職員會為每個進店的客人量度體溫,餐具及座位都好乾淨衛生,令人食得安心。

我們選了弘大燒肉放題套餐$238,除了有優質和牛做頭盤外,點菜單上的食物都可以任點,好豐富!

首先其和牛頭盤非常有氣勢,以牛仔作盛具,拍照一流!除了賣相出色,各個牛部位都各有千秋,當中黑毛和牛舌和黑毛和牛三角腩就最得我歡心,黑毛和牛舌好濃牛味,而且肉質爽口!黑毛和牛三角腩的油脂比例最多而且分佈平均,令你一咬就感受到滿滿的肉汁!
另外五花腩都非常出色,燒到香脆後,肉質更爽口又不油膩,配蒜片及生菜食非常好味!

另外炸物都不錯,點了炸雞及韓式排骨芝士燒,炸雞一份是一整個雞鎚,炸得外脆內嫩,好多肉汁。而韓式排骨芝士燒就是炸過的排骨,以燒濃的芝士捲著吃,口感更加豐富,而且唔會過咸。

食了太多熱氣食物,就點了一個真露蜆湯及炸醬麵潤一潤喉嚨,真露蜆湯好足料,有很多蜆、蘿蔔及魚糕,味道好清甜!而炸醬麵值得一讚的是餐廳用了拉麵,而不是公仔麵,更加有咬口,炸醬不會太油或太咸,不錯!

最後每人還有一個雪糕,而且都係我喜歡的牌子。

不得不讚餐廳的職員好忙但仍然主動照顧每個客人的需要,會主動幫我們換新燒盤,看到我們燒蔬菜又主動幫我們加牛油,令蔬菜不會燒乾又更美味。

最後真係食得非常滿足地走,下次都會為了這家韓燒來大埔!

造訪日期: 2020年9月
感謝 Cathleenchan
該評論乃TripAdvisor會員主觀個人意見,不代表TripAdvisor LLC公司。
發表評論評論 (45)
旅客評等
旅客類型
月份
語言

1 - 5 則評論,共 45

2020年9月22日

食得好開心好正嘅一餐,一定要同大家推介下
疫情下大家都冇得去旅行,想食咗韓燒勁耐,今日終於可以瘋狂放肆咁食!

放題紙
食物品種都幾多,除咗有肉類海鮮野菜可以燒之外,仲有好多韓式料理嘅熟食!款款都好吸引。不過為咗唔好浪費,我哋都揀咗啲真係好想食嘅嘢試吓。
飲品方面會包一罐飲品,但係可以追加任飲,價錢都幾抵。

我哋揀咗呢個弘大燒肉放題($238/person),會先送一個和牛頭盤同埋五花腩,放題紙上面嘅其他嘢就可以任食。頭盤份量真係超級多,兩個人食唔晒。
而且仲有幾款醬料同埋三碟嘅前菜,包括芽菜海帶同埋泡菜。

頭盤有超多唔同種類嘅牛肉,仲要係有和牛食!好正!牛肉質素幾好,雪花同肉嘅比例啱啱好,燒完入口即溶,齒頰留香,好香牛肉味,燒肉放題來講質素真係非常好。試晒咁多款之後真係好飽

而且值得一讚嘅係個鐵板喺少少斜,令到啲油會順着流落黎,好貼心!

除咗牛之外,五花腩我超級推介!佢有比剪刀可以燒咗之後剪嚟食,好方便,仲可以夾生菜,醬汁等等,冇咁油膩。五花腩個肉質好鮮嫩,夾住脂肪同肉,d油脂不停咁滲出嚟,好香,好邪惡不過好好食。

除咗啲肉之外,仲有兩樣嘢係一定要嗌嘅!
就係泡菜蛋卷同埋芝士燒。
呢兩樣嘢佢會擺喺個燒肉盤上面嘅另外兩格度,等你一路燒肉嘅時候都一路可以燒個蛋同埋芝士燒。啲芝士不停咁溶,可以用嚟點啲肉(個人建議豬肉夾啲)甚至係個放落泡菜蛋卷都好夾㗎。

熟食方面,因為真係驚食唔晒,所以都係起咁多樣食物入邊揀咗幾款最想食嘅。韓式炸雞同埋兩樣新款嘅菜:韓式排骨芝士燒,和牛炒粉絲。
全部都好好食!估唔到熟食都咁高質。
個韓式排骨芝士燒嘅芝士一開始係分開嘅,熱完之後放上去,係可以拉絲架!同個排骨都好夾。
炸雞超大件,啖啖肉,外脆內軟。
個粉絲超好食,熱辣辣好新鮮,而且入味。
另外我哋都嗌咗少少野菜同埋加咗啲前菜中和下泡菜好開胃!
見到個蔘雞湯好似都好正,下次要試吓!

其他肉類同海鮮都試左d,推介雞肉,雞翼,好滑而且唔會有雪藏味。樣樣試少少好開心。

最後竟然仲有movenpick雪糕!有三個牌子可以選擇,雲呢拿movenpick雪糕冇得輸食埋個甜品真係好滿足

二百幾蚊一個人,呢個價錢呢個質素真係冇得頂!
而且上菜上得好快,服務亦都唔錯。

仲可以放肆咁食啲好嘢,真係好滿意,性價比超級高!好似去咗轉韓國咁而且我仲有啲其他嘢今次無試到,好想再試下,一定會再嚟食!

造訪日期: 2020年9月
    • 划算度
    • 服務
    • 食物
感謝 foodDJ
該評論乃TripAdvisor會員主觀個人意見,不代表TripAdvisor LLC公司。
2020年3月26日

食燒肉放題,心水選擇推介
當然就係要黎OPPA韓烤店
旺角或大埔都有分店
店家主打高質素放題燒烤
分為兩個價錢,一般正常食弘大燒肉放題
$238一位已經夠曬,頭盤送多個牛肉部位!

食足2小時,有齊前菜,各種牛肉位置,豚肉,雞肉等
仲有韓式午餐,肉腸,魷魚,多春魚等等~
韓式前菜泡菜,料理,包括石鍋飯,雞湯,炸雞
豆腐湯,咖哩拌麵,蜆湯,炒年糕等等
真係每樣食一件都夠曬飽
另有洋蔥,雞脾菇,鮮番茄,南瓜等蔬菜選擇
不包任飲,可加$30任飲指定飲品
或半價手工啤酒或特飲
如果想慳皮,佢有免費茶水提供,慳返30蚊!

一埋位就會先上一盤和牛拼盤 有齊多個唔同部位,A4和牛腩,牛舌片,牛柳粒等

每種牛肉既質感都相當唔同,可以食到各種風味
火力猛,要留心燒,大約各煎15秒就食得
有部份比較厚身就烤多一陣先食
本身無預先調味,加點鹽已經好吃 值得一提,佢地解凍功夫做到足,不會切舊冰比你
訪間有試過係試舊牛肉冰比我燒,好難食!

我地兩個人食頭盤已經飽左一半!份量比得好足 唔好貪心畫太多數量,叫幾多食幾多~
有牛油粟米,泡菜邊爐蛋,仲有熱溶芝士
一次食到三種配料 細心睇,店鋪內仲會有好多特色既牆畫 絕對賞心悅目,環境又好,抽氣又夠勁
飲品櫃檯分等級,可加錢任飲 食完和牛,仲可以叫返幾轉蔬菜或其他肉類 最好叫返碟泡菜一齊食,無咁油膩又開胃
魷魚脆爽,牛肉醃得入味,雞翼夠大隻 店員仲會不定時幫你留意爐火
見到鐵板焦了也會主動換鐵板,抵讚!
個雞肉幾好食,肉質細緻,唔食牛都可以食多D雞
仲有幾推薦個參雞湯,雞肉都煲到溶化了
啖啖雞肉鮮味!完全不油膩~
最後仲有一人一杯雪糕!
有M牌或D牌選擇!
收費$238弘大燒肉 未加一

大埔舊墟直街4-20號美新大廈地下B2舖
Shop B2, G/F, Mei Sun Building, 4-20 Kau Hui Chik Street, Tai Po

造訪日期: 2020年3月
    • 划算度
    • 服務
    • 食物
2  感謝 alex lam 林
該評論乃TripAdvisor會員主觀個人意見,不代表TripAdvisor LLC公司。
2020年3月20日 透過行動裝置

去大埔搵朋友食飯,知道呢條街有好多嘢食就試咗呢間韓燒,見到任食都係二百幾蚊,又唔貴,所以就入去試,入面都幾多人,好在我哋咁啱有位炸!

叫咗個餐之後,一上嚟就有呢盤和牛嘞,淨係賣相同擺盤都好吸引!

食韓國嘢最鍾意食佢嘅泡菜,呢度嘅泡菜味道都唔錯,而且可以無限任添!

五花腩燒到金黃色,燒完有少少脆,加埋少少肥肉,正!

和牛全部都好新鮮,入口有牛味,燒到咁上下店員仲會主動幫你換盤,唔會食哂啲焦,好貼心!

食韓燒生菜都係重點,呢度嘅生菜除咗可以任添,而且都好新鮮、好爽脆、配埋啱啱燒好嘅和同埋泡菜食,味道超級夾,而且好清新,又可以減去燒肉嘅油膩感!

隔離行嘅蒸蛋都好好味,本身已經調好左味,加埋少少泡菜,嫩滑得嚟味道又好!

我哋兩個大胃王食晒啲肉之後,仲叫咗其他食物,好似雞腎、多春魚同埋魷魚,全部都好高質!

熟食就叫咗個蜆湯,個湯除咗蜆仲有蘿蔔、豬腸咁,好足料!

當我地食到勁飽嘅時候,發覺呢度仲包埋杯雪糕,因為雪糕實在太吸引了,所以最尾都有食埋先走!

總結,呢個價錢有咁多嘢食真係好抵,而且食物質素又唔差,推介!

造訪日期: 2020年3月
感謝 ttfoodfood
該評論乃TripAdvisor會員主觀個人意見,不代表TripAdvisor LLC公司。
2019年10月6日 透過行動裝置

今日同朋友山長水遠去咗大埔試吓oppa燒肉,對於住喺講到嘅人來講真係幾遠㗎要喺太和仲要行多10分鐘先到。

不過餐廳嘅設計都唔錯幾有韓國嘅風格,都係有啲抽煙同秋走同埋牆壁上面都有唔少漫畫,唔知仲以為去咗韓國燒肉餐廳。

我哋就叫咗個和牛拼盤,有成六七款牛,當中除推介嘅就係黑毛和牛三角腩,相對上來講係比較肥少少嘅部位,食得出油香,仲都幾重牛味。如果嫌太肥膩仲有無限添嘅生菜泡菜可以包埋一齊食。

朋友唔太鍾意食太油膩嘅佢就推介雪花腩片,相對上肉嘅比例會比肥膏嘅比例多啲,所以冇咁油膩。

另外其實個拼盤仲有其他部位可以揀好似牛舌等等不過我都係鍾意食重油香多啲嘅。

另外我都叫咗散叫唔同國家嘅和牛,有澳洲美國同埋日本我就最鍾意食日本嗰隻啦。

造訪日期: 2019年10月
感謝 alldaytodu
該評論乃TripAdvisor會員主觀個人意見,不代表TripAdvisor LLC公司。

查看過OPPA韓國燒肉店 大埔分店的旅客也查看過

 

去過OPPA韓國燒肉店 大埔分店嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單