銅鑼灣一向都人流聚集，為了Covid-19這兩三年來都水靜河飛，人流唔多。近來疫情緩和，而大家都有抗疫疲勞巳久，所以蜂擁而至出返嚟活動。以往見到這區有間cafe經常有很多年青人幫襯，很難卽時有位；難得今次經過見到有位，我和友人異口同聲說要把握機會入內試試。餐廳面積不大只有約十幾二十張枱，但旁邊座位可望到街景，若行街累了在此一面吹水一面食嘢都不失為一個好地方。
DC8 Grilled Lamb Sirloin w Mustard Mashed Potatos
烤羊西冷扒配芥末薯蓉   $148
羊扒好淋好juicy，帶有些騷味係食羊的特徵。 配上沙律菜很口感清新，幼滑薯蓉加上芥辣食完全唔覺得膩。 不過要提提沙律菜要加30蚊才可追加和飲品亦要加15蚊。
Smoked Salmon Avocado Egg Croissant   牛油果蛋沙律煙三文魚牛角包配田園沙律 $74
新鮮又健康的牛油果配以蛋沙律和煙三文魚營養豐富，用牛角包夾埋一齊吃立即令整個配搭 增添邪惡感。牛角包鬆化香口，咬落像雪花般一片片散到四週；所以食得要小心免失儀態。
Strawberry Souffle Pancake
士多啤梨焦糖脆脆梳乎厘班戟  $98
個Pancake 雖然空氣感不足，勝在有口感和實淨。蛋味香濃，最重要係不會太甜;就算加上焦糖亦不覺得heavy。
Summer Fruit Ceylon Tea  
夏日水果茶   $38
大大杯放滿了幾欵水果，飲落清凉很有果味。

昨晚去咗間都幾鍾意去嘅餐廳食晚飯。餐廳位於銅鑼灣某商場二樓，全是落地玻璃，簡約明亮，坐近窗邊還可看到熙來攘往嘅街道。今晚就有d驚喜，被安排嘅座位剛剛對正崇光嘅大型姜X廣告牌，（由於全是落地玻璃，基本上坐邊個位都會望到），好似有個偶像係你對面陪住食嘢咁，應該羡煞不少姜粉啊！

今晚選擇食扒餐，加$25仲可以加配飲品添。

烤羊西冷扒配芥末薯蓉 + 烤紐西蘭肉眼牛扒配燒汁

羊西冷扒烤得恰到好處，外層微焦而內裏半熟呈粉紅色，肉質非常軟淋，沒有羶味。肉眼牛扒大大塊，雖然係order全熟，感覺一啲都冇烤過龍，肉味香濃。兩者分別配芥末薯蓉和薯條，比較喜歡芥末薯蓉嘅軟綿口感。伴碟除了薯蓉或薯條，還有淋上非常醒胃酸醋汁嘅沙律菜，可以平衡一吓烤肉嘅油膩感。

餐飲則叫了杯牛油果奶昔和熱情果菠蘿梳打。

第一次飲牛油果奶昔，感覺好新鮮，除咗有牛油果味外，還有一種好獨特難以形容嘅味道，但我鐘意嘅。一大杯又稠又綿好飽肚，只需加$25，非常超值。熱情果菠蘿梳打雖然冇乜特別，但係勝在夠fresh，飲落好舒服。

嚟到呢間餐廳，甜品係一定要叫嘅。

朱古力疏乎厘班戟（含橙酒）

兩大件厚厚嘅梳乎厘班戟上枱時已淋上朱古力醬，另上一杯橙酒給客人自行根據喜愛淋上班戟一齊食，伴碟就有橙肉和橙皮絲。一口咬落就有齊蛋香味、朱古力味、橙香味，還有陣陣酒香，非常可口美味。

朋友見到新出high tea set $268 二人，價錢好吸引，即約。

鹹點：
巴馬火腿伴蜜瓜，蜜瓜非常爽脆，巴馬火腿都很新鮮。
意式番茄多士，這個特別驚喜，多士很香脆，芝士碎都很多。
蟹肉蟹子酥皮盒
酥皮盒不算很脆，但蟹肉鮮甜，一口放進嘴裏。
海蝦黑蟹子配自家蕃茄汁
海蝦非常彈牙，自家番茄汁確是很清新，酸酸辣辣。

甜點：
海鹽藍莓奶凍配芝士雪糕
藍莓奶凍很滑，配芝士味的雪糕，還有拉動上的芝士脆脆，很特別很創新。
迷你芝士餅，芝士蛋糕很滑。
芒果拿破崙，很細心，分了兩份，一人一小粒，酥皮非常脆。
朱古力慕絲，朱古力味很香濃
抹茶紅豆慕絲，抹茶味茶味很濃，略嫌有少少微苦苦，與甜紅豆一齊進食就味道剛剛好

士多啤梨mojito，以蘋果切薄片， 切成玫瑰花形狀，再雪凍作裝飾，很美，味道很好，有新鮮士多啤梨果蓉。
熱情果菠蘿沙冰
朋友覺得很好飲很清新

整體鹹點甜點都很滿意，絕對超值，一定會再回頭。

這次在銅鑼灣覓食，想起這裡有分店就決定過來了。餐廳位於銅鑼灣地帶2樓，一出升降機門已經看到了。我們吃甜品就吃得多，吃正餐就真的不多。平日晚市時間來也人頭湧湧，幸好我們預先訂座，所以不用等位。
-
炸厚切黑毛豬滑蛋蓋意式紅飯 HKD$88，大大片豬扒鋪在滑蛋上，食物賣相吸引。黑毛豬外皮酥脆不油膩，做到外脆內嫰的口感，肉肉肥瘦適中還帶點肉汁。意式紅飯口感煙韌，醬汁味道酸酸的很開胃，還有沙律拌著吃。
-
巴馬臣火腿意式蕃茄水牛芝士意粉 HKD$78，面頭放滿巴馬臣火腿，蕃茄和水牛芝士圍著意粉。醬汁味道酸酸的，加入水牛芝士口感豐富。咸咸的巴馬臣火腿拌著意粉吃感覺特別，意粉口感煙韌掛汁力不錯。
-
流心奶黃梳乎里班戟 HKD$98，這個是新推出的甜品，很到是奶黃就想試試看。上菜時聞到很香的蛋味，把梳乎里班戟切開後，奶黃一湧而出，傳來陣陣奶黃香味。奶黃味道濃郁，而且甜度合適中。梳乎里班戟口感鬆軟濕潤，熱辣辣吃口感最棒。
-
飲品點了柑橘洋甘菊茶和凍朱古力咖啡，吃東西飲杯花茶是個不錯的選擇，既可放鬆一下心情，又可中和食物油膩感，花茶味道很香挺清新的感覺。凍朱古力咖啡味道濃郁，朱古力味較重口感幼滑。
-
HeSheEat
銅鑼灣記利佐治街2-10號銅鑼灣地帶2樓201號舖

平時去開旺角個間店，今日就去銅鑼灣地帶個間，晚餐時間去到已經差唔多Full哂位

首先叫咗個小食先【單骨蜜糖芥末雞翼 $55】香噴噴，聞到已經好想食，份量仲好多，香脆外層，內裡肉質嫩滑，每隻雞翼都沾咗好多醬汁，味道甜辣好味

再嚟就係主食，每人揀一款，大家分嚟食，我揀咗【火辣墨魚汁意粉-鮮魷魚 $88】原來墨汁意粉好正，意粉軟硬度適中，份量仲唔少，配埋爽口彈牙火辣鮮魷魚，正呀

朋友就揀咗【黑松露雜菌春雞燴意大利飯 $98】黑松露及雜菌菇撈埋意大利飯一齊食，真係又香又好味；最正就係春雞，等30分鐘先到，春雞外香脆，肉質嫩滑好味

當然唔少得叫飯後甜品啦，叫埋個【朱古力花生醬焦糖香蕉配杏仁雪糕 $58 +麻糬 $10】頂層係有杏仁碎嘅杏仁雪糕，又香又凍；仲有半條焦糖香蕉；Hotcake中間加入咗煙煙韌韌嘅麻糬；碟旁仲伴埋朱古力醬及糖醬，用嚟倒落去一齊食

飲品就埋咗【芝士奶蓋芒果紅茶 $40】厚厚芝士奶蓋好正，中間仲放咗球芒果雪葩，口感豐富，飲一口涼透心；另一杯就係【沖繩黑糖菠蘿沙冰 $38】十分好飲嘅菠蘿特飲，菠蘿沙冰滿瀉，同黑糖真係好爽；夏天飲真係超涼快

HeSheEat (銅鑼灣地帶)
銅鑼灣記利佐治街2-10號銅鑼灣地帶2樓201號舖