我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“大閘蟹 我要進來了🦀🦀🦀”
大都淮揚的評論

大都淮揚
香港排名第1,351 (共14,645家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
3 週前評論 透過行動裝置

一年一度令人期待既大閘蟹時節又到啦,每年都好想好想食好多大閘蟹 今年第一食梗係要簡間正野作為好開始,聽聞高級中菜廳 #大都淮陽中菜 推出左大閘蟹饗宴,一於即刻訂位滿足下先 餐廳環境高貴優雅,座位寬敞感覺好舒適。依家只要消費淨額$500或以上,用云閃付銀聯二維碼付款,仲送$50現金券俾你下次用添
·
大閘蟹 我要進來了!
·
♡大閘蟹饗宴 (HKD$498/位,兩位起,另加一服務費及茶芥)
**********************************************************
特色冷盤2款,包括 燈影魚片 & 冰宮肴肉,聽到個名已經好吸引 燈影魚片係炸到紙咁薄既魚片,面頭加左糖霜 晶瑩剔透甜絲絲☺ 冰宮肴肉表面嗰層啫喱好Q彈,口感好似食緊冰凍啫喱咁,好得意
·
雪燕菊花豆腐羹
哩款絕對係巧手功夫菜 豆腐一絲絲像花球般綻放,顯出師資既心靈手巧 湯裡加入雪燕及蒸蛋白,為味道較淡既豆腐提升鮮味。
·
蟹粉小籠湯包
先咬開一小孔喝下湯汁 外皮帶點小小厚度唔會一篤就穿,呷少許醋更能提昇蟹黃既鮮味~
·
清蒸大閘蟹(2皇1后,一共3隻)
終於到主角出場所 2皇1后金爪黃毛,蟹公約重5両,蟹乸則重約3両。會先上1皇1后,以免因放涼而無咁美味,好貼心呢❤ 開動時有手套剪刀,食起上來更加方便衛生 識食梗係先食Annie最愛既蟹公 一打開見到蟹膏迫爆 即時心心眼左,蟹膏係青白色半透明狀,質感類似果凍咁 較為粘口且咬落有點口感,延密軟綿香氣四溢 成個口腔就好似被蟹膏香氣溶化一樣,好好好幸福呀❤
而蟹乸既蟹黃係一粒粒顏色呈橘紅、口感較厚實的顆粒狀,質感有少少起沙既感覺☺ 味道同樣鮮香味美 更多了一份實在口感。食完3隻大閘蟹仲會端上一杯薑茶 哩杯薑茶我超級喜歡 薑味超濃但唔會好辣,用來驅寒真的一流
·
原隻鮑魚蔥油拌麵
蔥油拌麵配上鮑魚即時矜貴左 淋上蔥油及微甜醬油,拌勻來吃好惹味呢
·
雪裡紅手剝鮮蝦
鮮蝦口感爽滑彈牙 雪裡紅有點像紫菜片,實則它是雪菜未醃前的狀態,混入蝦中都幾特別~
·
洋薏米湯圓
一餐豐富既美餒當然要以糖水作結才完滿☺ 微甜既洋薏米甜湯,搭配香甜濃厚既芝麻湯圓,甜在心
·
佳餚又點唔可以配美酒 哩度既陳年雕皇係任飲ga 微溫既熱度令酒香更加醇厚,吃大閘蟹時呷一口酒更加錦上添花 不亦樂乎也!
·
大都淮揚中菜
灣仔港灣道1號會展廣場8樓

造訪日期: 2020年10月
1  感謝 foodie_anniechan
該評論乃TripAdvisor會員主觀個人意見,不代表TripAdvisor LLC公司。
發表評論評論 (68)
旅客評等
旅客類型
月份
語言
  • 更多語言

1 - 5 則評論,共 68

3 週前評論

最近一星期,開親社交媒體總是見到有朋友食蟹,那就知道大閘蟹的盛產季節又來了。原來每年的8至11月是吃大閘蟹的最好時節,俗語說「九雌十雄」,所以農曆9月吃雌蟹最好,10月就吃雄蟹。向來喜歡食蟹的我,當然不可以錯過這個時候。我們在OpenRice search食大閘蟹的中式餐館,發現在灣仔會展的「大都淮揚中菜」正在做大閘蟹餐,我們看好後即時預訂座位。

「大都淮揚中菜」位於灣仔會展中心八樓全層,單是地段已看出餐館是走高級及商務路線。大都淮揚的內裡環境雖不是保守中餐館的風格,在傳統擺設風味之餘燈光及裝修又帶點型格特色,餐館裡面的坐位開揚,環境相當寬敞,並不像一般酒樓這麼密麻麻,格調高雅的環境絕對可以讓商務客和其他食客都坐得舒適。

我們來之前已經做好功課,知道大都淮揚正在做$498的大閘蟹餐(價錢未包括加一服務費和茶芥)。這個套餐猶如中式Fine Dining,每一道菜都是用心炮製,精美的骰,而且店員會讓你先食完一碟再準備下一道菜,不會令到全桌都是食物,保存最佳溫度食用。食物的先後次序這些簡單的設定當然難不到大都淮揚,下面的點評就按時序來介紹吧:

⦼ 1. 鐵觀音茶 | ⦼ 2. 餐前生果
先來一壺鐵觀音茶醒醒神。餐前果並沒有納入到套餐裡面,應該是大都淮揚為每一位食客準備的,生果分別有哈蜜瓜、蜜瓜、火龍果及XXX。

⦼ 3. 燈影魚片 | 冰宮肴肉
頭盤實在是非常精美,而且我都是第一次食到的,所說的就是淮揚美食之一的「燈影魚片」。淮揚菜是指流行於中國江蘇省中部淮安、揚州及附近地區的菜餚,是江蘇菜系的表表者。淮揚菜的特色是注重刀工,刀法細膩,大都淮揚中菜的燈影魚片就能體現出淮揚菜的技藝。燈影魚片猶如其名,用燈照落去可以看到魚肉透明,刀工一流,味道上則帶點甜酸及陣陣辣味,入口爽脆,作為前菜一流。

肴肉原來都是淮揚菜代表作之一。冰宮肴肉的豬皮、蹄肉及豬皮膠比例均勻,食起來層次分明,特別是其豬皮膠,晶瑩剔透,蹄肉鬆化鮮香。想不到$498的大閘蟹餐竟然還可同時食到淮揚菜其中兩道代表作—「燈影魚片」及「冰宮肴肉」。

⦼ 4. 雪燕菊花豆腐羹
頭盤過後就每人來一碗雪燕菊花豆腐羹。意想不到的是,熱曖曖的豆腐羹味道清甜,帶著淡然的雪燕菊花味。先打好一個暖胃底,再食大閘蟹就會對身體更好。

⦼ 5. 蟹粉小籠包
既然說得大閘蟹餐,那作為小食的小籠包內裡就當然要加上蟹粉吧。熱騰騰的蟹粉小籠包皮薄多汁,而蟹粉的份量十足,就連小籠包的肉汁亦能吸收到蟹粉的鮮味。

⦼ 6. 清蒸大閘蟹
今晚的主角終於隆重登場,餐館先上兩隻大閘蟹公,大碟仍是熱盪盪,大閘蟹新鮮蒸好。聽到餐館經理向身旁食客簡單介紹,大都淮揚是嚴選「黃毛金爪」的高質靚蟹,重量方面,大閘蟹公約重5両;大閘蟹乸則約重3両半。原來靚大閘蟹的其中一個特徵就是「黃毛金爪」,拿上手又真的是看得出每隻都達到其水準,而且蟹公的確又比蟹乸重一點,看來經理果然富有經驗。
終於可以開動,兩隻蟹皇的蟹膏非常細膩及綿密,入口時在口中慢慢散發出蟹香;蟹皇之後,餐廳再獨立上多一隻蟹后,相比起剛才的蟹皇,蟹后的蟹膏吃起來明顯就有一種沙沙的濃密顆粒感,就像蛋黃的味道。兩款蟹隻隻都新鮮多膏,食完3隻之後嘴巴內仍留有陣陣蟹的餘香味。性價比實在超高,一個套餐可以食到2皇1后一共3隻大閘蟹!食蟹途中,店員會每人提供一杯薑茶,以作散寒之用,實在貼心。

⦼ 7. 雪裡紅手鮮蝦
雪裡紅,又稱雪菜。意想不到的就是餐館將雪裡紅炒到香鹹脆口,再伴上鮮蝦,令到整個蝦肉都充滿著鹹香味,就連蝦尾的殼亦有香味,不可錯過。

⦼ 8. 原隻鮑魚蔥油拌麵
食到這個時候,其實都差不多100% 飽肚,但這份大閘蟹套餐還有一樣主食,就是原隻鮑魚蔥油拌麵。實在唔係講笑,鮑魚真的是原隻奉上,而且爽口彈牙,不是雜貨貨色,而且蔥油拌麵的味道調教得剛好,麵底本身乾爽但加上蔥油後變得滑香。

⦼ 9. 陳年彫皇
飲品方面,套餐原來還包括罕有的陳年彫皇,重點是任飲的。之所以食蟹要配陳年彫皇,是因為花彫可以散寒和行氣活血,與大閘蟹的味道亦很配夾,靚蟹配彫皇,簡直是更上一層樓。

⦼ 10. 洋薏米湯丸
套餐的最後一味就是其中式甜品,為洋薏米湯丸。基調用上洋薏米去煮,加上湯丸口味為黑芝麻,食落較為清甜有益。

$498的大閘蟹餐並不單止是大閘蟹,還包括淮揚菜及其他菜式,價錢及質素上絕對冇得輸。提提大家,用雲閃付QR Code俾錢,淨消費額$500或以上,仲有$50現金券可以下次使用,真係抵上加抵。

造訪日期: 2020年10月
    • 划算度
    • 服務
    • 食物
1  感謝 Food4HK
該評論乃TripAdvisor會員主觀個人意見,不代表TripAdvisor LLC公司。
2020年10月26日

朋友超鍾意食大閘蟹,年年都拉我去食,今年也不例外。餐廳位於灣仔會展,環境寬敞格調高雅甚有氣派。而今次大閘蟹餐,可同時嚐到淮揚美食和兩皇一后三隻大閘蟹,此餐食完實在好滿足。埋單過五百蚊用埋云閃付銀聯二維碼俾錢,送左張$50現金券可下次用。

大閘蟹饗宴餐 每位$498

另收加一服務費和茶芥

淮揚錦綉
點完餐,餐前水果隨即奉上。

燈影魚片。冰宮肴肉
糖醋魚片超薄,炸得金黄酥脆。肴肉晶瑩剔透入口即溶,醮埋香醋味道提升,入口肥而不膩。

雪燕菊花豆腐羮
湯味鮮美,豆腐絲滑嫩,刀功講究豆腐切得幼細如菊花般美,加埋雪燕清香爽口。盅底有燉蛋,蛋味突出,口感味道配搭極佳。

清蒸大閘蟹(兩皇一后)
嚴選高質鮮活靚蟹,黃毛金爪隻隻爆膏,蟹公5両,蟹乸3両半,大大隻CP值,食完超滿足。

一共三隻先來一公一乸趁熱食,食完先會再上第三隻蟹公。

打開蟹蓋,拆蟹不食的五個部位:蟹胃、蟹嘴、蟹心、蟹腮、蟹掩連蟹腸

蟹公的蟹膏呈半透,粘粘口感細膩綿密,入口即融膏香四溢,好正。

蟹乸的蟹黃色澤金黃搶眼,膏肥油足,雞蛋黃味口感沙沙,個人比較喜歡前者蟹膏綿密較有膏香。

雖然蟹肉已好鮮美,但我更愛醮醋汁食,味道更豐富鮮美更突出。

再上第三隻蟹公,有小杯薑水暖胃,甚為貼心。

陳年彫皇
熱飲,酒味甘香醇厚。與寒涼的大閘蟹戰鬥完,飲啖彫酒可及時驅寒暖身,飲完唔夠仲可再添的。

雪裡紅手剝鮮蝦
彈牙鮮蝦配以咸味雪菜吊味,蝦肉份外鮮美。

原隻鮑魚蔥油伴麵
伴麵麵質軟彈,淡淡蔥油香但不油膩,鮑魚淋左鮑魚汁味道更為鮮美。

蟹粉小籠湯包
小籠包皮薄富彈性,湯汁滿滿餡肉鮮美。

洋薏米湯丸
飯後甜品熱飲暖身,糖水滑溜順喉,飲完幾舒服。

造訪日期: 2020年10月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。
2020年3月7日

略帶粉紅色的野菌餃 賣相幾好,味道平凡。

小籠包熱辣辣有汁,不過都係比起專門賣小籠包既連鎖店遜息。

蝦餃無特別,不過不失。

服務可以改善一下,個茶壺細就預左要斟水斟得密,最好主動留意一下各枱

造訪日期: 2020年3月
    • 划算度
    • 服務
    • 食物
感謝 fo t
該評論乃TripAdvisor會員主觀個人意見,不代表TripAdvisor LLC公司。
2019年5月28日 透過行動裝置

菜色做得很好,點心首推叉燒酥,前菜薰蛋做得剛好,主菜北京烤鴨做法正宗。

服務人手充足,服務也很週到,坐位很闊落,適合聚餐。

造訪日期: 2019年5月
感謝 s86149
該評論乃TripAdvisor會員主觀個人意見,不代表TripAdvisor LLC公司。

查看過大都淮揚的旅客也查看過

 

去過大都淮揚嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2020 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。