我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“中環返Check嘅👍🏻台灣店❣️”
Check-in Taipei的評論

Check-in Taipei
訂位
線上訂購
香港排名第26 (共13,925家餐廳)
優等證書
周圍地區: 中環
餐廳詳細資料
周圍地區: 中環
5 週前評論

為左奶奶麻糬而黎 可惜同男友撞岩齊齊OT
結果黎到餐廳都近8pm 都有條小人龍要排
呢排天氣都比較熱 不過呢間餐廳既店員好窩心
會拎幾把風扇仔出黎比 排緊隊既客人加分❣️
等左10-15分鐘左右就入得

【Check in Taipei 】店內既位置唔算太多 一半係bar檯 另一半係卡位
餐廳不斷播住好幾位台灣歌手既流行歌
鐘意聽台灣流行歌既人一定識唱

坐低後 店員都好好 先遞左兩杯清水比我地
即刻睇下order食咩先

牛腱鯊魚骨豆乳湯麵(麵款可以揀 刀削麵/拉麵)
大量鯊魚骨, 豬骨, 加上豆漿, 腐皮熬製出超濃郁湯底
鮮甜得黎有淡淡豆香 飲落仲充滿膠原蛋白Tim!
溏心蛋夠流心, 仲有d炸到脆口感既冬蟲草花 又幾特別
仲有牛腱 熬到好腍 好入味

鮮蟹肉麻婆豆腐撈麵
麵既份量都幾多 秘製辣醬唔會好辣 掛汁力都算強
豆腐好嫩滑 蟹肉夠足料

手作芋泥牛乳冰
身為芋泥控既我 點左呢杯確係無錯
芋蓉配上牛奶甜度剛好

台南東瓜茶
清暑解渴 飲落清甜

可惜我地黎得好晏
如果唔係 想食既奶奶麻糬系列就唔洗賣哂了

造訪日期: 2020年5月
    • 划算度
    • 服務
    • 食物
感謝 Daitodum
該評論乃TripAdvisor會員主觀個人意見,不代表TripAdvisor LLC公司。
發表評論評論 (208)
旅客評等
旅客類型
月份
語言

15 - 19 則評論,共 208

2020年5月31日 透過行動裝置

放工後有時可能會同同事去蘭桂坊行一轉打過圈飲返杯,但自從疫情出現後都好耐沒有再到過,反而今晚同事話去台灣走一轉?起初唔明,但跟住去到就知道了,原來是食台灣美食,都係在中環,沿扶手電梯上,去到大館位置落去過條馬路就到,而點解同事話要去台灣,原來係呢個在門口見到嘅我愛台妹,店內都算闊落,有吧枱位置或餐枱,咁當然都係按當時情況同店員安排,而同事推介就係台豐牛肉麵,但我反而點了黑蒜香油牛肉刀削麵,因個人較喜歡濃味道,除此之外還有香蒜三色台腸,同芥末雲耳淮山兩個小食,加埋杯經典珍珠奶茶,最快當然就係杯經典珍珠奶茶,奶茶茶底香滑濃郁,還有QQ 感覺十足嘅珍珠,入口十分煙韌彈牙,正!
而小食亦都分別上枱,香蒜三色台腸,三色分別係原味、蒜味、墨魚汁,十分惹味香口,加埋上面香蒜片,真係一個唔錯嘅餐前小吃,而芥末雲耳淮山亦十分特別,入口爽口還帶點芥末嘅刺激,十分醒神!
個黑蒜香油牛肉刀削麵都好大碗,上面放得好精緻,中間放了炸得好香脆嘅蟲草花,入口脆卜卜,旁邊有超軟淋入味嘅牛肉,加埋脆口嘅油條,真係多重口感,不特止,個刀削麵都十分煙韌彈牙,配上個濃郁香滑嘅黑蒜油湯底,真係十分好味!
最後必吃推介嘅伯爵茶凍QQ芋圓,由台灣直送嘅QQ芋圓,入口十分有口感芋味香濃,又有香滑檸檬味愛玉、帶點煙韌嘅黑糖珍珠、蜜綠豆,加埋入口香濃嘅伯爵茶味道嘅糖水,真係令人十分感覺到台灣口味!
同事真係沒有介紹錯誤!雖然唔見到台妹!但絕對推介台灣美食嘅好地方!

造訪日期: 2020年5月
感謝 ombill
該評論乃TripAdvisor會員主觀個人意見,不代表TripAdvisor LLC公司。
2020年5月25日 透過行動裝置

Check-in Taipei
中環蘇豪 • 荷李活道66號地舖

一直覺得他們的食物很好吃,就是價錢貴了一點點
看見「eatigo」訂座平台有50% off的優惠,就馬上訂座了~(不過是20:30,人流比較少的時段)

雖然20:30到達,但還是等了大概半小時,沒辦法,他們店的面積實在不大。還有,我最想吃的oreo麻糬售罄了!!!!(算了,我自己在家弄也一樣⋯)

▷ 泡菜豚肉起司蛋餅 ($75) ◁
將韓式元素加入台式蛋餅裡。辣辣的,味道新潮,比傳統蛋餅特別。

▷ 雙色鹽酥雞 ($88) ◁
鹽酥雞好香脆,雞肉嫩滑,充滿肉汁。
「雙色」醬汁是松露醬和柚子醬,兩種醬汁都好配鹽酥雞,不沾醬吃也很好吃。

⁣♡ also ordered:
• 溏心蛋滷肉飯 ($48)
• 經典珍珠奶茶 ($44)

造訪日期: 2020年5月
感謝 Vacationer816014
該評論乃TripAdvisor會員主觀個人意見,不代表TripAdvisor LLC公司。
2020年4月18日 透過行動裝置

今晚同妹妹出中環食個晚餐,之前朋友推介過中環有間台灣嘢唔錯,所以就一於去試試啦!位置都幾方便,距離地鐵站不遠。上到去發現餐廳好旺場啊,坐滿人,裡面好chill呢有分bar 檯位置同卡位~~餐廳播住周杰倫,吳克群,A lin 等台灣流行曲歌好懷念以前嘅學生時代呢~~令我覺得好似置身係台灣(っ•̀ω•́)っ✎⁾⁾ ~~

我哋坐嘅係四人枱,旁邊嘅牆有咗唔少台灣neon light,好好打卡啊~餐牌種類都唔少好吸睛啊,飯麵類有肉燥飯、湯麵或拌麵等揀,而且仲有小食同特色甜品添。另外,飲品亦有幾多選擇,例如綠豆沙牛乳,苦瓜汁及珍珠奶茶等都有...

我係飯控哈哈哈,凡係飯類都唔放過,這家嘅溏心蛋滷肉飯,便宜實惠又好吃٩( ´︶` )( ´︶` )۶。好愛這家嘅滷肉,算是比較肥、比較滑的那種,而且白飯也煮得好好吃,粒粒分明係屬於軟糯的米飯,最後飯上面還有一只半熟嘅溏心蛋,仲加上了芝麻粒,一齊嘅味道,真係好襯啊!

泡菜豚肉起司蛋餅,這家都有嘗試做一D不同口味的蛋餅~~這款蛋餅口感味道都好豐富呢~~因為有芝士,蛋餅裡面有微微嘅熔岩感覺,超細心還幫忙切好~滋味無調味蛋皮入口滑嫩~好正啊啊~!!!

這款是台豐牛肉麵,我點左刀削麵,這款麵條好特別,店員話麵條係台灣空運到香港呢,湯頭好香濃,這碗確係肉大塊的好牛肉麵呢 !! 啖啖肉呢!

甜品方面選了奶奶麻糬(花生口味),見到檯檯都點,我們都跟著點左!呢度嘅手工鮮奶麻糬強調不添加任何奶精何糯米粉,用上木薯粉做成超Q彈嘅口感,店員細心介紹食法,第一個步驟就係先將麻糬翻面,接著再用筷子當成像刀子一樣,開始分割成適合放入口中的大小,這種鮮奶麻糬吃起來冰冰涼涼,而且出乎意外不黏牙,口感好滑溜( ๑ŏ ﹏ ŏ๑ ), 味道好清爽呢~~!!! 淡淡鮮奶香味配上均勻沾到嘅花生粉,好正呢!!!!!

總括來說,這間台灣小店的確不錯,食物味道好,價錢屬於中上大眾化,菜式精緻,也有少見一點的款式,超喜歡奶奶麻糬~~~~餐廳店員不算多,但都好感謝店員百忙但都能夠保持禮貌。很享受今天在Check in TaiPei的時間,仿似置身於第二個時光,讓我暫時忘憂。

造訪日期: 2020年4月
感謝 wadia777
該評論乃TripAdvisor會員主觀個人意見,不代表TripAdvisor LLC公司。
2020年4月18日 透過行動裝置

位於中環嘅Check in Taipei,成日都大排長龍,好耐之前食過一次印象好好,念念不忘,仲有cocktail飲,好正好chill。

今次預早book位,希望唔使排咁耐,大概等左10分鐘就有得入座。

今日係平日嘅晚上七點幾,餐廳已經全滿仲要出邊有人排隊,就知呢間野有幾好食。

餐廳嘅裝修好有亮點,好多打卡位。

雙色鹽酥雞 $88
好有驚喜,冇諗過可以炸到咁酥脆,真正做到外脆內軟,雞肉仍然帶有肉汁,入口嫩滑。必點!雙色即係配有黑松露蛋黃醬同埋柚子蛋黃醬,松露醬竟然同炸雞都咁夾,柚子就好清新,少少酸夠開口,食晒成雞都唔怕漏。

蒜香三色台腸 $65
好特別有三種唔同嘅台灣腸,以為自己去咗夜市。配埋炸蒜片同埋蜜糖,個人最鍾意係墨魚腸,好好味。

紫薯麻糬蛋餅$75
蛋餅有好多款,今次揀咗一個甜嘅,麻薯非常之煙韌, 入面嘅紫薯都有好多好濃,好滿足

溏心蛋魯肉飯$48
超大碗,兩個人share都食唔晒,滷肉調味啱啱好,肥肉入口即溶,好香。

奶奶麻糬(Oreo)$75
必點!!雖然佢其貌不揚,但係食落好煙韌,好香奶味,不過又唔會好似糯米糍咁痴口,好難形容,食過先明白。
佢話唔係用糯米粉,而係用日本新鮮牛奶整嘅淡水名產。相信我,食左第一嚿就返唔到調頭。

經典珍珠奶茶 $42
唔錯, 奶味重。

好耐冇食過好食得來又有特色嘅台灣菜,反正而家都冇得外遊喺香港搵多啲好嘢食啦。

造訪日期: 2020年3月
感謝 CheukNingF
該評論乃TripAdvisor會員主觀個人意見,不代表TripAdvisor LLC公司。

去過Check-in Taipei嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單