優點： 平，開揚景
缺點：未試過入住咁差既酒店，1）傢俬破舊同污糟 2）房間有陣難聞既味 3）張床唔知係唔係有蟲定係點，一路訓全身都好痕 4）健身室只開到晚上8點？普遍酒店只少去到凌晨，甚至24小時開放 5）餐廳早餐不值得加錢，水準一般以下

總體而言： 差，呢間野以前比開大陸人住，住到爛晒又唔保養

是咁的，我同女友想趁復活節假staycation順便探索下荃灣就book左係如心酒店。好景不常，復活節總係多人既，一到酒店我地就搭上41樓checkin，一開門等住我地既係長長既人龍，比迪士尼仲誇張。雖然櫃檯全開但處理速度極慢，等左兩個鐘終於排到櫃檯前面；唔知櫃檯經理係咪見我地排得耐有啲傷殘幫我地upgrade左去上層既無障礙房間，話同正常房無咩分別係無浴缸、有森林浴、房又大啲。咁ok既，都係想快啲休息啫，企左兩個鐘腳都痺⋯⋯

一上房，正！入門就見到我地既公眾殘廁，馬桶、洗手盆、牆壁同我係街既公廁同款，好有親切感！
成個廁所真正無障礙，連企缸都無！方便進出！ 森林浴其實就係普通花灑，好彩都夠高水壓，沖到涼！洗手盆就有啲可惜，矮得濟令到我地呢啲無障礙人士要彎腰觸發腰部勞損，好有障礙！建議經理唔好再比我地呢啲無障礙人士入住無障礙房間，留比真正有需要既人啦。

另外，衣櫃設計亦非常獨特，上面留有空隙，門大過櫃，頂部空間惹人遐想、想入非非，其他家具設計亦別樹一格，甚為老派。

最後，房間整體貫徹無障礙精神，我地經過走廊每個房間都聽到入面既喧鬧聲，房間內更能直接收聽鄰房對話，實行私隱無障礙，分享人人愛！

今次則選擇高座豪華海景雙床房，除望到船隻响藍巴勒海峽穿插，同時可以欣賞到汀九橋景色 (因為唔係極高層，只係僅僅見到條橋，好似企响啲大廈屋天台咁)。房間係新淨整齊清潔，房內浴室嘅設施都足夠。
每個posts嘅職員態度都值得讚賞，工作認真，對客人客氣，而且工作效率高 (因為浴室內唔見有剃鬚刀，向housekeeping索取，迅速就送嚟)。
可惜有幾處唔理想嘅地方將staycation打咗折扣，值得留意：
- ** 與低座同級房間比較，哩個房內嘅窗旁邊多咗條柱，霸佔咗相當情度嘅空間，房間於是變得局促；
- ** 浴室嘅間隔同樣畀低座同級房間嘅狹窄，坐廁嘅空間就只有大約三呎×四呎，坐响入面就好似坐响一個好細嘅玻璃箱入面，唔覺得自在。
- 唔提供鞋抽，要企响著鞋係非常唔方便；
- 唔提供capsule咖啡機，哩個設備已經好普遍，對於較長時間留响房間休息嘅客人好重要；
有兩處地方極待改善：
- ** 房內有兩張中式木座椅，問題係冇cushions，長時間坐响座椅，patpat就非常受罪，雖然上次已經反映過，呢一次亦都再次職員索取cushions，可惜回覆一樣係話冇提供，如果想長時間响房間睇書就唔太舒服；
- ** 早餐係套餐形式，屬中西合璧，包括咗皮蛋肉碎粥、炒米粉、煙肉、烚雞蛋、toast 等等，量還可以，質素就不敢恭維，食物都係凍嘅，只有碗粥係半冷不熱，早餐飲品只有咖啡紅茶牛奶，冇果汁或yogurts，係整個staycation最唔理想嘅一項。
我哋會再去荃灣如心酒店 staycation，不過未必會選擇高座，除非有極高層嘅房間；一定唔再選擇早餐，如果改作自助餐型式就可以試試。