我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.
昂坪360纜車
今天營業: 上午10:00 - 下午6:00
儲存
  
Google
體驗昂坪360纜車的方式
US$21.12
更多資訊
US$131.71
更多資訊
評論 (7,385)
篩選評論
7,385 筆結果
旅客評等
3,717
2,463
846
195
164
旅客類型
月份
語言所有語言
更多語言
旅客評等
3,717
2,463
846
195
164
查看旅客們談論的話題:
已選擇的篩選條件
篩選
正在更新清單...
1 - 6 則評論,共 7,385
昨天 透過行動裝置

#開心愉快昂坪360半日遊
今日小善姑媽媽放假,等埋小善妹放學後一齊同姑媽媽去昂坪360,未去到,小善表示好興奮

準備上水晶車,車箱內都是透明的,進入個下見到地面係透明,有一下感覺都幾驚小善開始覺得好奇又好玩,由開始有啲驚驚變成唔驚話好玩不停望下腳下有海,有叢林好奇妙,仲望到機場停滿飛機✈️場面好壯觀,上到最頂好大帽,影相出來效果有種朦朧美

上到市集,可能平日關係比較少人,可以慢慢行下睇下野影下相中途見到有隻牛牛路過好可愛,市集內有很多特色嘅商店好有懷舊feel,小善見到有雪糕店,天氣熱食返杯雪糕降下溫先仲有個#Aveda點滴揹水Walk&Run活動遊戲,只要跟住地圖指示打卡完成任務就會有小禮物,呢個活動遊戲好有意義

另外仲有21號巴士去大澳,由於我哋晏咗入去,所以無入到大澳玩,下次再來昂坪市集一定會去大澳玩

體驗日期: 2021年5月
感謝 Yumiprincess0405
該評論乃TripAdvisor會員主觀個人意見,不代表TripAdvisor LLC公司。
2 天前評論 透過行動裝置

三代同堂去大嶼山⛰️,小朋友見到藍色的士已經好興奮!

Un un 腳坐 #昂坪360水晶車廂 去昂坪,透明地下,透明車廂,真正睇晒 360度 景色盡,仲見到好多飛機停泊嘅機場✈️。

湜弟好驚好可愛,全程捉實爸爸,哥哥比上次勇敢,可以自己坐,期待佢下次會同我一齊坐地下,扮飛天~

估唔到星期日都好少人,可以慢慢行,慢慢發掘昂坪打卡點。簡單一條 #彩虹樓梯,足以吸引兩兄弟自動行去擺pose 。

再搭21號巴士落 #大澳,一邊欣賞大澳小街風光,一邊食街頭小食。澄兄湜弟最記得就係 #大魚蛋、 #原個西瓜汁,仲有 #超級雞泡魚乾!連婆婆都買咗啲特產調味醬料️!*21號巴士半小時~一小時一班,記得睇咗時間表先。

體驗日期: 2021年5月
1  感謝 Desiree 澄
該評論乃TripAdvisor會員主觀個人意見,不代表TripAdvisor LLC公司。
5 天前評論 透過行動裝置

對上一次去完昂坪360,柏宇仔已經話好想帶埋嫲嫲一齊黎搭纜車。所以就襯母親節,帶埋嫲嫲再黎過,順便行埋大澳,食野同買海味

當日天氣好好搭上水晶纜車,風景好靚,藍天白雲,可以清晰睇到下面既海景同山景,仲可以同下面行山既遊人揮手互動添

上到昂坪市集,我地行左一陣,就夠鐘搭21號巴士由昂坪去大澳啦!

大澳行完一圈,我地都係時候回程了。乘搭21號巴士回到昂坪市集,一下車,就見到好多牛牛 係到休息同食草佢地都好靚同好可愛,可以遠距離觀望,但就得唔好騷擾到佢地呀

今次悠閒地過左一個下午,最後再乘搭昂坪360回東涌。

體驗日期: 2021年4月
感謝 peggymak
該評論乃TripAdvisor會員主觀個人意見,不代表TripAdvisor LLC公司。
1週前

我家小朋友對昂坪360嘅水晶車廂同喺昂坪生活嘅牛牛念念不忘,今年5月1日趁勞動假期終於可以如願,帶埋妹妹一。家。六。口。出發‼️真係十個興奮呀!

水晶纜車真係好正,睇到下面好靚的大海、樹林、山路等,小朋友好有興趣觀賞,妹妹坐喺bb車都好似飛緊咁。出發前有職員會同大家影張相,之後可以買返相片同相底,由於好鍾意,我哋次次都有買。

經過20分鐘就可以到達昂坪市集,沿途有不少打卡位(見相片),不過小朋友目標一致,就係衝去搵牛牛!今次我哋見到好多呀,仲見佢哋好悠閒咁食草,由於環境平靜,仲可以聽埋佢哋拔草同咀嚼草嘅聲音,生活悠悠自得~

小朋友就最鍾意飲飲食食,市集嗰度都有好多小食店,而我們又再次光顧嗰度嘅豆腐花、芝麻糊、魚旦同必吃嘅炸墨魚丸!

依家市集有個 #點滴是生命 扭蛋尋寶遊戲,先買代幣,再用代幣扭出任務地圖,完成missions 之後就可以換取禮物。

唔怕攰嘅話大家仲可以行埋心經簡林,到達前都有少少山路要行,感覺似行山,不過ok嘅,無乜難度。心經簡林係饒宗頤教授嘅心經墨寶,後來香港政府決定將其墨寶轉化為戶外大型展覽。由於整篇書法分別摹刻於多條木柱上,近似古時書於竹簡,因此名為「心經簡林」。

我哋在纜車收車前(記得係6:30pm呀)回程,再一次見到醉人的日落景色,大家要好好欣賞呀!珍惜眼前事物,珍惜身邊人!

#昂坪 #昂坪360 #NgongPing #Ngongping

體驗日期: 2021年5月
感謝 dinosaurs123
該評論乃TripAdvisor會員主觀個人意見,不代表TripAdvisor LLC公司。
2 週前評論 透過行動裝置

冇得去旅行✈️,就嚟個本地遊。勞動節假期天朗氣清,一家人去咗昂坪360坐水晶纜車,好開心,囡囡期待咗今日好耐。 人唔算多,唔使排隊,全程都好舒適。

囡囡一上到水晶纜車就好興奮,水晶纜車可以360度都睇到大自然嘅景色,沿途有山有海,景色怡人。

上到去昂坪市集,可以食下嘢,我哋食咗甜品同雪糕。之後就行咗大雄寶殿同埋寶蓮禪寺,再去埋心經簡林,欣賞國學大師饒宗頤教授既心經墨寶,整篇書法都刻在園林的木柱上。

❤️❤️ 慢慢行,輕輕鬆鬆玩咗半日,真係放假嘅親子好去處。

 

體驗日期: 2021年5月
1  感謝 foodiejacqueline
該評論乃TripAdvisor會員主觀個人意見,不代表TripAdvisor LLC公司。
3 週前評論

一直都好想去 #大嶼山 睇大佛同搭纜車,所以假期來個輕鬆半天遊。首選搭 #昂坪360水晶車廂,玻璃車底更加融入大自然,睇到更靚山水景色,我都忍唔住不停打卡

大慨20分鐘車程到達 #昂坪市集,市集沿途有不少打卡位,行咗一陣就見到有 #山水豆腐花,順便食埋午餐。之後去 #天壇大佛,剛好進行維修無開,就沿路去另一個打卡點 #心經簡林。

心經簡林是大型戶外木刻佛經群,由38條花梨木柱組成,其中37條刻有 #心經 經文,行到最高點望落去,感覺好放鬆同寧靜。如果有體力仲可以行山‍♀️,亦可走回頭路到 #寶蓮禪寺,什至乘車去 #大澳,但早前去過大澳了,所以就搭返纜車回程。

輕輕鬆鬆幾小時就行咗幾個景點,感受大自然洗滌心靈,係大人同小朋友‍‍‍都適合嘅行程。

體驗日期: 2021年4月
感謝 Candy97050
該評論乃TripAdvisor會員主觀個人意見,不代表TripAdvisor LLC公司。
查看更多評論