平時迪士尼樂園酒店一般都唔平～ 今次用里數換～ 一心諗住無野做～ 至在小朋友生日入下去行下～ 果然巴士勁梳～ 轉車站食風食到應一應～ 個喼可能太耐無用壞埋去到Matthew check in ~ 即刻心情靚曬～ 同佢講小朋友生日～ 有襟章送仲送埋畀我另一個小朋友～ 入房竟然有小蛋糕～ 我覺得可能酒店本身可以畀到～ 但客人無要求都主動關心提供服務～ 呢d真係值得公司珍惜既人力資源 thank you Matthew

昨日友人S建議去迪士尼酒店晶荷軒午饍。佢係迪士尼員工。可以買員工套餐。我大鄉里跟入去食飯。自駕遊人士可以駕車前往。坐下我點咗壺龍井。龍井濃度適中。清香易入口。服務員馬上送上口罩套。非常貼心。看過餐牌。朋友S點咗個一月份職員套餐。同朋友閑談間才發現已有一年沒有去中菜館食飯。都是因為疫情衞生問題。但來到五星級中菜館。單看中菜館橫裝及服務員整潔制服，有別於傳統茶樓，感覺非常良好。食客可以安心食用。
一月份職員套餐
精美點心：帶子鳯眼餃、五香咸水角、螺片叉燒包
老火靚湯：沙參玉竹甘筍煲唐排老雞
松露醬杏鮑菇炒帶子鳯片
鮑汁雙菇燴油揚
味菜叉燒燴米粉
甜點：桃膠杏仁露、香芒凍布甸
服務員Cha 對每枱客都談笑風生，發覺迪士尼員工原來在中菜館都可以好似係樂園一樣搞氣氛。真係好佩服佢附加的服務表現。朋友S問服務員Billy意見有關煙鴨粒蝦仁炒飯及味菜叉燒燴米粉邊樣好食。因這個員工餐是二人份量。在炒飯及米粉只可選一樣。他建議味菜叉燒燴米粉。
下單後先上精美點心：帶子鳯眼餃、五香咸水角、螺片叉燒包。咸水角個餡好食。帶子鳯眼餃可配合中菜館的自家製XO醬。混入XO醬帶點麻辣但好開胃。螺片叉燒包温度適中，好美味。老火靚湯：沙參玉竹甘筍煲唐排老雞，好清甜。飲得出真係老火湯。松露醬杏鮑菇炒帶子鳯片，豆角加入松露醬，清新可口。食得出屬上等食材。帶子好大塊。入口清甜肉質彈牙。鮑汁雙菇燴油揚，素食菜式，好似食咗雜菌煲咁美味。味菜叉燒燴米粉，碟菜係服務員Billy推介。每條米粉都滲透叉燒味。個廚師功力十足，可以將一碟看似平平無奇既炒米粉，煮出咁有叉燒味既米粉。個廚師應記一功。甜點：桃膠杏仁露、香芒凍布甸。我點咗香芒凍布甸。朋友S點咗桃膠杏仁露。一睇香芒凍布甸，賣相滿分。單單講個上碟器皿，非常精緻。加入花奶食布甸，咁就好食到飛起。再細看個布甸內層，原來有芒果肉粒加啫哩。可以食到多重美味感。看得出個甜品師父真係好細心。服務員Pan換碟迅速。換上乾淨的餐碟，食客安心食用。服務員Billy上菜時間都是按食客進度。不會像別的茶樓一次過將全部菜式上枱。貼心服務。迪士尼服務員及廚師團隊係中菜館都達五星級水準。

題外話：
兩個大男人食飯，其實可以單叫白飯。有靚餸無白飯入口，其實唔飽肚。限聚令下每桌只許坐兩人。但發覺好少遊人入大嶼山酒店。其實一家大細安排食團年飯或開年飯都適合。因為中菜館地方夠大。八口分開坐四張枱。每枱之間都可以談話。可以要求服務員上菜前先做分餸服務。咁就唔駛自己動手等食。天文台預計農曆新年會好凍。賀年活動最好一家大細去迪士尼酒店消費，去商品部購買迪士尼禮品。加埋個後花園拍家庭照。一舉多得。