我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“甘苦與共28載”
Forte的評論

Forte
餐廳訂位
餐廳訂位
香港排名第173 (共15,451家餐廳)
優等證書
價位: US$39 - US$64
菜系: 亞洲料理, 異國風味, 酒吧
更多餐廳詳細資料
餐廳詳細資料
用餐選擇: 早餐, 自助餐
周圍地區: 觀塘區
2021年6月5日

如果有一個人,可以伴你身邊超過28年,噢,錯了,屈指一算,應該話超過30年,是否有點不可思議呢?

由相遇、相識、相交到共度人生,建立家庭,時間就如流水,在指掌間溜走,不經意地,大家兩鬢都開始有點花白了。

每年都會在同一天找個好地方,撇下家中兩隻小魔怪,跟太太靜靜地慶祝。

而今次就選了位於觀塘「九龍東如心酒店」的「Forte」。

對上一次過來,都已經是兩年前的事,今天再訪,想不到有驚喜。

餐前先另點了一杯以金巴利汁、Vodka及Lime Juice 調較的 Cocktail ~ Cosmopolitan。

由於餐廳提供 Semi-buffet,每位客人可以各選一款主菜。
Semi-Buffet平日$468/位,假日就$498/位,但有一點超正攻略要同大家講,原來只要入 Vivva會,就可以係生日月份光顧時有生日蛋糕送贈(種類要視乎當日貨源),而且仲要係免費(係完全免費,10%服務費都免埋,不過只得一次機會),即係二人同行,一人價錢,當然,其中一位要付正價的服務費,但算起來如果是平日光顧,兩人同行都不過是$468+$47=$515,算起來一人都不用$260,抵食到無人信。

慢燒鹿兒島茶美豚肩扒
太太點的豚肩扒,伴碟有芝士焗薯及雜菜,豚肉雖然全熟,但咬落毫不覺韌及嚡口,而且肉味濃郁,鬆軟有嚼口,仲要無須加錢。

宮崎A4和牛西冷扒(另加$200)
作為牛魔王,當然要食牛扒,點了Medium rare,但似乎稍微過了少少火,個人喜好再生些少,但肉質的確一流,所以要另加$200都合理,而伴碟比豚肩多了烤蒜頭,焦糖化的蒜粒既香且甜,好味。

特選菜色
每晚餐廳都會在不同時段提供限量菜色,而今晚就總共有四款。

先是「火焰醉蝦」,蝦肉爽彈又有酒香,正。

然後是「辣酒煮東風螺」,辣辣地又幾惹味,唔知點解,好想加個公仔麵撈汁。

第三款係「 Carbonara」,仲要係即時煮好,放落原個 Cheese拌勻,所以份外覺得rich。

壓軸係「擂沙湯圓」,雖然餐廳本身有甜品同雪糕,但即煮點都吸引力大。

講完幾樣必食菜色,係時候講返自助餐本身。

海鮮
首選一定係鮑魚,不單止大隻,而且早已處理好內臟,大家食得安心,鮑魚肉質柔韌,用刀叉享用都無問題,就連對海鮮一般既太太都大讚,絕對係一個驚喜位。

仲有就係原隻大蟹,只要閣下喜歡,大可狂拆肉蟹。

其他海鮮有龍蝦仔、東風螺、藍貝、瀨尿蝦、海蝦、沙白同蟹爪,種類比起之前的確多了不少,而且質素上亦有長足進步。

刺身
竟然有即劏鱆紅魚,已經誠意十足。

加埋鱲魚、吞拿魚、三文魚、甜蝦同墨魚,解凍處理得好好,吃得出的新鮮。

焗蠔
絕對推薦11款口味焗蠔,中、日、韓及港式都有,真係好有創意,可惜只係試到其中7種,但已經有驚喜。


西湯是南瓜忌廉湯而中湯是日月魚栗子煲豬骨,個人始終喜歡飲中湯,係屋企煲真係幾花時間。

沙律及凍肉
沙律種類幾多,而且涵括了幾個不同國家風味,有泰式青芒果沙律、香草野菌沙律、甜薯沙律、印尼加多加多沙律、胡麻醬花生芽親子沙律、韓式蘿蔔沙律、杏桃雞胸、ColdCut Platter、意式扒雜菜,食得太飽,清清地食下沙律都好。

甜品
先食Movenpick雪糕,仲要有意大利奶凍、瑞士朱古力、楓糖合桃、士多啤梨及雲呢拿夢幻五款口味,平日係便利店特價都要$20杯,家陣可以任食,真好。

其他甜品有木糠布甸、Panna Cotta、雪之戀明月冰卷、蜜瓜草餅、紅豆和果子、朱古力慕絲、芝士撻、葡撻、朱古力柚子蛋糕、牛油蛋糕、藍莓芝士蛋糕、綠茶白朱古力慕絲蛋糕、西米椰香千層糕、紐約芝士蛋糕。

其實送上的慶祝芝士冬甩已經要打包,但真係開心既,畢竟同太太「甘苦與共」了28年,當中「甜酸苦辣」一定有,但這就是人生!

造訪日期: 2021年5月
    • 划算度
    • 服務
    • 食物
感謝 foodiephilip
該評論乃TripAdvisor會員主觀個人意見,不代表TripAdvisor LLC公司。
發表評論評論 (138)
旅客評等
旅客類型
月份
語言
  • 更多語言

1 - 5 則評論,共 138

2021年5月13日 透過行動裝置

今晚是慶祝父親大人生日和補祝母親大人母親節晚餐。由whatsapp查詢及訂枱開始,餐廳同事都耐心回覆我所有問題,並清晰回答。

到晚飯時間,由於是半自助餐,我們都要先點選主餐,席間,助理餐廳經理William SO非常親切友善地介紹各道菜式,可能他留意到有選擇困難的我,立即建議一道菜式給我,並且介紹餐廳各種優惠等等,非常貼心。自助前菜小食等不過不失,主餐性價比十分高,雪糕是Mövenpick,簡直是驚喜。

於訂枱時已提及過是為父親大人慶生,以及補祝母親節,餐廳為兩位準備了蛋糕,碟底有乾冰襯托,這個才是今晚驚喜之最,兩位長老非常開心和滿足。

總而言之,今晚用餐體驗十分之好,亦衷心讚賞助理經理William SO的風趣健談,對餐廳印象加分不少

造訪日期: 2021年5月
感謝 stusnuniy
該評論乃TripAdvisor會員主觀個人意見,不代表TripAdvisor LLC公司。
2021年4月13日 透過行動裝置

今天享用早餐時,員工Allen特意送上泡沬咖啡,很窩心!又細心聆聽客人的需要和提供幫助,態度認真!餐廳經理Monica友善,又懂得貼心安排為客人服務!餐廳的裝修實而不華,用餐時感覺良好又舒服!主餐牌有時令菜色,好吸引,好享受,我會再來啊!

造訪日期: 2021年4月
感謝 foka801
該評論乃TripAdvisor會員主觀個人意見,不代表TripAdvisor LLC公司。
2021年4月13日

酒店環境十分舒適 跟朋友黎食自助午餐安靜嘅環境能夠讓我地傾得舒服   食物雖然選擇唔多但係質素唔錯 甜品選擇雖然都唔多 但味道都唔錯 服務質數好好 職員都好nice 尤其係Kary 好關心客人既需要 令人食得好舒服

造訪日期: 2021年4月
    • 划算度
    • 服務
    • 食物
1  感謝 winson1996
該評論乃TripAdvisor會員主觀個人意見,不代表TripAdvisor LLC公司。
2021年4月10日 透過行動裝置

餐廳經理Monica 和William 非常友善親切,早前他們知道我做了腸手術特別為我選擇較易消化的食物,Monica 給我的服務非常細心而負責在門前接待的2位小姐非常親切,Kenny 和allen,may姐的招呼也很親切。

造訪日期: 2021年4月
感謝 lky688
該評論乃TripAdvisor會員主觀個人意見,不代表TripAdvisor LLC公司。

查看過Forte的旅客也查看過

 

去過Forte嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。