我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“靚景與海南雞🥰”
海南少爺的評論

海南少爺
香港排名第361 (共15,712家餐廳)
菜系: 馬來西亞料理
周圍地區: 尖沙咀
餐廳詳細資料
周圍地區: 尖沙咀
2022年6月19日 透過行動裝置

冇得去旅行,就成日都想食唔同國家嘅嘢,但係最近食得日式同韓國嘢太多,今日突然間好想食新加坡菜,好想食海南雞,所以去咗海南少爺

好好彩安排到窗邊,有得望住個海食晚餐,心情即刻靚晒

海南椰子雞湯:
湯底好清甜,有雞件、椰肉、紅棗同杞子,飲落去有好香嘅椰油味,真材實料,冇添加味精,感覺好健康同滋潤,佢仲好貼心有個爐一路保暖

海南雞配米線:
平時食開海南雞飯,今日試吓配米線,一樣好味 雞肉肥瘦均秤,唔會太多肥膏,雞油好香,肉都好嫩滑

奶油肉鬆夾酥餅:
一次食呢個咁新奇嘅配撘,酥皮餅口感鬆脆 咬落去係鹹香嘅肉鬆,又夾雜咗煉奶帶出嘅
甜味,又鹹又甜估唔到又幾夾幾好味

造訪日期: 2022年6月
感謝 Hoyeh S
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
發表評論評論 (118)
旅客評等
旅客類型
月份
語言
  • 更多語言

14 - 18 則評論,共 118

2022年6月18日 透過行動裝置

約左三個好朋友到尖沙咀海南少爺食星洲菜,餐廳安排窗口坐位比我地4人坐,窗外對正海景,令人賞心悅目,它的坐位不算擠逼,與鄰枱距離都有空間,我地可以閑適傾計,四圍環境也很舒服。我哋點了木耳牛篣小食,咖喱蔥油餅、海南雞、炒通菜及煎蠔餅。木耳和牛篣切得好幼細,用魚露及醬油醃嘅木耳及牛篣非常吊味。蔥油餅好鬆軟,咖喱汁不辣但非常野味,佢嘅燶度好恰當,稀杰適中。海南雞非常香滑鬆化,有雞嘅香滑味,咬落好juicy, 它的拌醬料亦好滋味,我哋選擇油飯配海南雞,真係讓我地好好放肆地開懷大吃,半隻海南雞巳夠我地四個人食了。而馬拉箋炒通菜都很滋味,個馬拉箋醬汁好惹味。我們又叫左個煎蠔餅,由於它是煎的蠔餅,咬落仲有香濃蛋香,而蠔仔仍有creamy味道,佢嘅質地一啲都吾乾身,這個餸亦有好多蠔仔,同外面食嘅炸蠔餅完全唔同。我哋又選咗豬及雞肉沙嗲串燒拼盤,燒出嚟嘅肉質有咬口,並不乾身,texture還很juicy,非常滋味,醬汁好有層次感,有沙嗲、咖喱及五香粉的味,非常好味。餐廳所提供的中茶係茘枝紅茶,透出陣陣茘枝香味,亦有香口的咸蛋王炸魚皮小食,香脆可口,配合茶香及各種美食及舒適的環境,真係好寫意舒服。

造訪日期: 2022年6月
感謝 Connector18128606864
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年6月13日 透過行動裝置

今日去海港城行街, 經過見到 ❥⧽海南少爺❥⧽, 餐廳門口好骨致, 入到去發現有海景位, 環境真係幾舒服。

南乳豬頸肉
一上枱已經聞到陣陣南乳味, 好香, 不過食落一d 都唔咸, 豬頸肉炸到金黃色, 肉質軟腍, 好好食!

馬來蝦麵
湯底以赤米蝦, 豬骨, 蔬菜熬煮而成, 充滿濃濃嘅蝦味。3 隻蝦已經剝咗中間2 節殼, 好方便食, 蝦肉幾彈牙。油麵同米粉都煮得剛剛好, 軟硬適中。

沙嗲拼盤 ✧ 牛 ✧ 豬
可以揀2 種肉, 我揀咗牛肉同豬肉, 燒得好香口呀, 不論豬肉定牛肉都好 Juicy 多汁, 配埋好多花生粒粒嘅沙嗲醬, 真心好味!

焦糖爆谷奶茶
通常焦糖會配咖啡, 但係呢度配奶茶好特別, 除咗面層幾粒爆谷, 成杯奶茶都充滿好濃嘅爆谷味, 相對地比較甜, 不過值得一試。

椰子菠蘿沙冰
椰子味好香, 菠蘿雖然有少少酸, 不過互相平衡得幾好, 幾清新解渴。

荔枝紅茶
每張枱都有一壺茶, 本來以為係普洱, 點知一飲就飲到好香嘅荔枝味, 有少少意想不到, 幾好飲。

✧✧ 整體食物都好好食, 員工嘅服務態度都好好, 值得再去。

造訪日期: 2022年6月
感謝 Somethinggoodtoeat
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年5月18日

今日放工經過海港城,大概6點幾鐘想食晚餐,見到呢間餐廳都幾多人食,應該食物質素唔錯,就一於試吓呢間餐廳啦!
點餐前佢哋上咗一壺茶同埋炸魚皮,一飲啖茶覺得好香,原來係荔枝紅茶連個茶都咁有心機,抵讚!而且個炸魚皮仲有鹹蛋黃味,非常惹味

招牌海南雞配油飯
油飯粒粒分明,仲好有雞油香,海南雞滑身,仲有少少鹹香味,好食,唔怪之得係招牌菜

椰香海鮮喇沙
好濃嘅揶子香味,米粉將佢啲湯索晒好入味,蝦肉彈牙,加上碗麵份量非常慷慨,食到超飽,高CP值之選

海南椰子雞湯
個湯好濃味,有大量椰子同雞件,夠晒足料,落埋杞子散發陣陣清香,我一口氣飲左2碗半

沙嗲牛豬串
如果係牛同豬黎講個人比較鍾意牛,豬就相對肥少少,配上秘製醬汁,整體都唔錯

獅城脆蝦捲
我個人好鍾意呢度小食,因為個炸皮炸到好脆同夠晒薄,仲有蝦肉彈牙,點埋泰式辣醬食,成個小食話咁快清晒

整體呢度環境唔錯,好運嘅話仲可以坐到海景位,呢個價錢有海景,食物質素又好,仲有好飲嘅荔枝茶,價錢唔貴之餘食物分量又多,唔怪之得閒日都咁多人黎食

造訪日期: 2022年5月
感謝 KATHY218527
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年5月18日 透過行動裝置

疫後終於可以周圍去搵食,突然口痕想食星馬菜,見到尖沙咀哩間餐廳有個海景,想話一邊食飯一邊睇海可以嘆一嘆,但我實在低估左而家人流多返嘅狀況,雖然去到都已經係下午一點幾,但餐廳外仍是大排長龍,到食完飯都仍然仲有一條龍,可想而知哩間野有幾受歡迎。

可惜嘅係今次坐唔到海景落地玻璃位,唯有大開肚皮食多兩個菜做點心理補償。

食星馬菜當然唔可以唔叫肉骨茶,佢有藥材味及白胡椒味兩種,以前去過星加坡試嘅都係白胡椒味,所以今次點下做個比較。肉骨茶是成個煲上,在你面前再煲滾加熱,見到料好足,仲有一大舊完整的蒜頭在滾湯,天氣涼涼地咁飲對身體都好。個肉骨茶仲可以叫埋配白飯,但當日我哋就無加飯了。

個椰香海鮮喇沙嘅椰香味好重,大大碗好多料,建議在食前攪幾下,將啲椰香同喇沙醬徹底融和,今次我哋叫了配淨米線,食完都好夠飽了。

我非常欣賞他們的獅城脆蝦卷,啖啖蝦肉點泰式辣醬,外脆內爽,好有口感,味道又豐富。個馬拉盞通菜都好爽脆清甜,同伴一口氣吃了半碟。仲有個沙嗲拼盤,我們點了牛和雞兩款肉串,胃肚好飽足!

仲有他們的茶,是荔枝紅茶來的,可以一試!

造訪日期: 2022年5月
感謝 mealtimehost
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過海南少爺的旅客也查看過

 

去過海南少爺嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單