12月時預訂了是次君悅酒店優惠，再於2月中時用了會員優惠加入嘉賓軒的禮遇。入住前先用Apps Check in了，到達酒店時前台職員稍作核對後便帶領小弟到達30樓的嘉賓軒完成餘下的辦理入住手續，當中職員十分細心地講解是次入住的細節。

房間是城市景觀，能飽覽灣仔以至中環的海岸景色；整個房間的設備及保養非常良好，沒有一絲令客人會感到不快。

在嘉賓軒內的體驗更令我深深愛上君悅酒店，所有職員都非常體貼地協助每一位房客，包括主動詢問房客是否需要飲品或協助；亦會主動和房客溝通，了解房客是否有特別需要或對服務食品是否感到滿意。其中一位職員Scott更加主動和小分聊天，當中感受到Scott對身為君悅酒店的一份子相當自豪，而Scott更在7時30分黃昏雞尾酒時段完結後為小弟安排了窗邊的座位，好讓小弟能在絕佳角度下欣賞幻彩詠香江。

君悅酒店早餐連下午茶加Steak House 嘅 staycation慶祝結婚週年，因為洒店致電來推介加錢可升级房間，包埋Grand Club ，諗一諗有30小時嘅入住時間，冇野做，就不如食野，包埋Grand Club 我2日一夜嘅staycation 食足6餐！飽到上心口

服務質素：要讚一下Grand Club 嘅服務同事Scott ,我早餐同Grand Club Tea Time都係由佢接待，佢熱情同細心嘅服務，令每位客人都好開心同舒服。因為慶祝結婚週年，洒店有小小房間布置同送咗個小蛋糕加紅洒比我地多謝！

環境質素：房間整潔乾淨，環境開掦，景觀超過180度（升級房間）。唯獨座廁空間太細，有D侷促感；另外如果有浴缸嘅洗手間部份，能夠多放一盒紙巾就更好（因為座廁同浴室係份開嘅，成日要行出廳攞紙巾又行返入廁所）

食物質素：晚餐在Steak House 進餐，頭盤唔錯，雞肝都好味，而牛扒覺得越食越鹹，雞髀部份亦都唔係太嫩滑，整體味道都唔錯，係食物口感上差啲！Tiffin外賣下午茶整體都實在太甜，我咁鐘意食甜品都覺得太膩

整體旅程非常愉快，價錢合理，性價比高，對君悅酒店印像幾好，希望有機會可以再次入住！

旅行癮起，唯有整個staycation, 度嚟度去性價比最高嘅五星級酒店應該係君悦呢個快閃escape 24，小童免費加床兼免費食自助，住足廿四小時，又有六個餐飲選擇，兼送pola套裝。
君悅嘅自助餐，無論茶園同grand cafe都應該係香港嘅十大， 味道同款式無用置疑， 仲有好多驚喜： 咸蛋肉鬆雪糕、芒果糯米飯雪糕、火焰薄餅、港式奶茶、櫻桃酒乳鴿、三文魚批⋯⋯
房間對正維港，坐喺窗邊貴妃椅嘆杯咖啡已經係一大享受，仲有個浴缸無遮擋嚟個泡泡浴，邊有得頂？！
小外甥最鍾意個遊樂場，包場無人同佢爭！ 又有接待處姐姐送佢禮物包，扭計蛇玩足成個鐘，仲送佢雪糕券去換雪糕食，瞓覺都笑到卡卡聲～