今次去咗沙田嘅分店，真係有驚喜！呢間店位於沙田鐵路站上蓋，地理位置非常方便，行入去就感覺到環境舒適，特別係座位都好闊落。最大嘅特色係店內設有透明廚房，可以透過玻璃窗睇到師傅即場製作手工麵，整個過程都好賞心悅目，令到整個用餐體驗加分。
🍜正宗全料東京撈麵
呢碗撈麵真係一試難忘！用料超級豐富，有微辣嘅肉燥、日本無菌蛋同埋火炙叉燒，真係一碗集齊咗所有我中意嘅配料。麵條Q彈有咬口，入口即感受到濃郁嘅麵香同埋多層次嘅口感。我建議可以先試下原味，然後再根據自己嘅口味加入黑椒或者昆布醋，調整味道。無論係原味定係加料之後嘅口感，都係好特別。
🍜原味撈麵
如果鐘意清淡啲嘅味道，呢款原味撈麵就啱哂。雖然冇咁多豐富嘅配料，但係勝在簡單清爽，係一個唔錯嘅選擇。麵條仍然保持住彈牙嘅口感，拌勻之後再加少少黑椒或者昆布醋，味道更加提升咗一個層次，最適合嗰啲鐘意食得清淡啲嘅人，或者胃口細啲嘅朋友。
🐤單骨雞翼
呢款單骨雞翼真係令我驚喜，外皮煎到香脆可口，咬落去時雞肉依然保持嫩滑多汁，一啲都唔覺得油膩。而且佢調味非常適中，不會太鹹。
🥟烏軟骨餃子
烏軟骨餃子係一道幾特別嘅餃子，內餡用咗烏軟骨，食落去時感覺爽脆，帶有一陣濃郁嘅肉香，特別係配埋佢哋自家調製嘅醬汁，真係超惹味，每一啖都充滿驚喜。食完之後，真係覺得呢個餃子值得再點一次，配埋其他菜品食，感覺好豐富。
是否擁有或管理此物業？ 免費領取您的清單，即可回應評論、更新個人檔案和更多。