我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“超高質素油花豐富的佐賀牛肉🥩”

Yakiniku Guu (Hysan Place, Causeway Bay)
香港排名第293 (共15,890家餐廳)
餐廳詳細資料
2024年7月19日 透過行動裝置

這次我們在希慎廣場午餐,
想不到吃到一間供應佐賀牛肉的放題餐廳,
而且牛肉質素非常非常的高,一定要推介給大家啊!
而餐廳走日系裝潢路線,
一邊座位靠窗,感覺開揚,且有不少卡位,感覺舒適。

餐廳自助區有超過40款食物,
有前菜、熟食、雪糕甜品、水果、飲品等可以自取,
還有很多種類的糖果提供以及一隻哥斯拉模型,
適合帶小朋友來吃呢!

我們選了Lv4日本佐賀A4和牛這個套餐,可以仼吃120分鐘,
最吸引當然是有六款的佐賀牛可以任點。
而Lv3和Lv4的套餐還是可以免費暢飲日本清酒和SAPPORO生啤。

適逢餐廳現在還有舉行痛風海鮮祭,
所以點某幾款套餐會送上精選海鮮拼盤或是極上海鮮拼盤一份,
而我們這個極上海鮮海鮮拼盤有鱔、生蠔、蟶子、扇貝、蝦、鮑魚。
哈哈!痛風海鮮祭這個名字有趣又很貼切呢~
然後我們可以QR code再下單有螺、扇貝、蝦、鮑魚、三文魚、鯖魚等等。
質素都很好,吃得出很新鮮,尤其蝦大隻,口感彈牙飽滿。

入座後,首先送上一盒每款有幾塊的牛肉給我們先嘗一下味道。
而牛肉放在木盒裏,配以食用花作裝飾,賣相很精緻啊!
和平日吃的牛肉截然不同,
可以看到牛肉無論色澤、紋理還是油花分布都是很頂級的級數。
每款牛肉都非常好吃啊!
真的要大讚的牛肉~推薦!推薦!
牛肉入口即溶,肉味香濃,油脂豐富,有很香的牛肉油脂味。

除了牛肉外,還有豬肉雞肉。
我們吃了豬頸肉和五花腩,肉質也不錯。
而且醬汁也做得好出色呢!我們嘗了蜜糖芥末、海鮮和燒汁。把燒肉的味道昇華到另一層次啊!

🍧甜品方面,有鯛魚燒、糯米糍等,
雪糕有自己唧的軟雪糕和Lv4套餐供應的盒裝Movenpick。
當日軟雪糕有朱古力和柚子味,
推介朱古力味呢!朱古力味十分濃郁!
吃完甜品後為這頓畫上完美的句號,吃得很滿足唷!

💰Lv4日本佐賀A4和牛
早割/宵夜$618
正價$658

✔️餐廳設加一服務費

造訪日期: 2024年6月
感謝 Sightseer14160971907
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
評論 (42)
旅客評等
旅客類型
月份
語言

9 - 13 則評論,共 42

2024年7月19日 透過行動裝置

餐廳位於銅鑼灣希慎廣場入面, 未到已經先感覺到環境高級. 餐廳係自助形式, 門口擺滿色彩繽紛既糖果甜品飲品可以任攞, 仲有部爆谷機同自助燒肉食材, 真係大人細路見到都開心. 菜單入面燒肉選擇豐富, 我哋最後揀咗澳洲和牛海鮮放題

澳洲和牛海鮮拼盤
拼盤有多種唔同部位嘅牛肉, 啲牛解凍得好, 肉質鮮嫩, 一啲雪味都無. 海鮮有鮑魚, 蝦, 青口, 螺等等, 都好新鮮, 大推

厚燒牛舌(鹽味)
牛舌質地鮮嫩, 鹽味剛好, 食落非常滿足

澳洲和牛-特上牛肋肉(醬醃厚切)
和牛肋肉厚切, 醬汁入味,口感一流

炭火赤雞燒(生磨芥末)
望落個樣就覺得佢特別, 雞肉都好嫩滑

燒原隻日本生蠔
生蠔真係好大隻好飽滿, 燒完仲係脹卜卜好多汁

醬燒赤雞雞爽肉
必嗌! 呢個部位既肉非常嫩, 啖啖肉啲汁多到滴出嚟

依家適逢7月期間限定水果祭, 仲有多款甜品可以嗌, 以酸甜果實沖擊大家味蕾, 每樣都好好食! 喜愛榴連嘅朋友必點佢個榴連炸彈同埋貓山王榴連刈包

整體嚟講, 餐廳環境好, 食物質素有番咁上吓, 而且好多牛肉以外嘅選擇, 仲有各式各樣嘅甜品, 唔食牛嘅朋友都有得諗

造訪日期: 2024年7月
感謝 issacheung
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2024年7月16日 透過行動裝置

📍$448 LV3 澳洲和牛海鮮放題
.
早排同屋企人去開希慎個邊,經過見到呢間燒肉有早鳥優惠,就入左去。☺️
呢個餐主要係澳洲和牛,有和牛肉眼芯、特上牛肋肉、牛胸肉等
睇落個紋仲要好呈雪花狀,相當靚仔~🤪
燒個下已經覺得D牛的油脂感好勁,明明無落到油落去燒都好鬼搶火😍
大部分的牛都係原味無加配醬汁,食得出好濃的牛味🤩
唔夠的話仲可以在出面自助醬料吧加D鹽醬、紫菜絲、木魚絲等
.
除左原味和牛之外,比較深刻的就係果醬壺滇封門柳
佢本身係在個碗調左味,本身都好擔心醬汁的味道會蓋過左個肉味🥳
但食落肉同個果醬幾夾之外,肉質食落仲要好鬆化,推介
.
海鮮方面,LV3呢個餐包埋大海老、原隻鮑魚燒、原隻生蠔、燒鰻魚等
最欣賞係個醬燒廣島蠔,食落好鮮甜👻
其他海觧都好新鮮
.
甜品方面,軟雪糕口味有朱古力同蜜瓜,表現都正正常常👌
比較特別的係出面自助bar有綿花糖,可以拎完番位燒一陣就做到BBQ燒綿花糖果個效果

造訪日期: 2024年7月
感謝 168foodiegram
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2024年7月10日 透過行動裝置

店名: 佐賀燒肉谷

地址: 銅鑼灣軒尼詩道500號希慎廣場14樓1403-1405號舖
銅鑼灣站F2出口,行3分鐘

環境: 4.5/5
價錢: 4/5
味道: 4.5/5

佐賀燒肉谷於 7月推出的期間限定水果祭🦪以酸甜果實刺激大家的味蕾,感受夏日氣息重點必食榴槤炸彈、水果醬梅花壺漬、貓山王榴槤刈包😆

Lv 3:澳洲和牛海鮮放題
$448
首先會送上一盤頭盤,包括澳洲和牛肉眼芯、澳洲和牛特上牛肋肉、澳洲和牛上級牛胸肉等,另有照燒帆立貝、法國黃金螺、原隻鮑魚燒等海鮮拼盤😆之後大家就可以用Qr code落單了😝

肉類❤️❤️❤️❤️❤️
必食水果醬梅花壺漬,壺漬為源自日本鹿兒島的一道傳統菜式,封門柳以酸甜清爽的水果醬醃製,燒至香脆內軟,肉味濃郁多汁😍

澳洲和牛上級牛胸肉油花分布均勻,入口即花,入口充滿住油香同肉味😋

厚燒牛舌口感彈牙,厚切令其口感更佳,同樣必點‼️

海鮮❤️❤️❤️❤️❤️
有照燒帆立貝、法國黃金螺、原隻鮑魚燒、原條魷魚筒、大海老、醬燒廣島蠔、燒日本原隻生蠔🦪等,款款都無限追加,全部都新鮮鮮甜,鮑魚燒最有驚喜,彈牙可口😚

小食❤️❤️❤️❤️
榴槤炸彈為金黃香脆的外皮內包含住香甜嫩滑的榴槤果肉,帶黎香濃惹味的雙重口感😙

椰青糯米糍好特別,皮薄煙韌,入口餡料椰香味撲鼻,唔會過甜,配搭上黎啱啱好😌

自助區❤️❤️❤️❤️
有各式飲品、前菜、蔬果、甜品、爆谷等,款式選擇多,必食佢哋嘅雪糕,呢其係蜜瓜味🍈入口清香,有陣陣蜜瓜香,口感十分綿密😋

之後仲送貓山王榴槤刈包‼️以中火烤28秒就更好食,上面鋪滿左厚厚一層貓山王果肉,入口滿滿榴槤香,完全係重頭戲😍

造訪日期: 2024年7月
感謝 Sze Nga W
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2024年6月25日

今次約左朋友黎呢到盡情嘆返個日式燒肉放題😎佢有4個LV價錢可以選擇,豐儉由人,我地就揀左LV3澳洲和牛海鮮放題($488/位),任飲任食120分鐘😉

座位夠晒闊落,坐得舒服,嗌完野食都唔驚冇位擺😄

出面自助區都有唔少熟食、前菜蔬菜等可以拎,飲品區都有好多唔同口味嘅罐裝飲品揀,甜品區有泡芺、軟糖、雪糕、連爆谷都有😍

而家做緊痛風海鮮祭😆LV3呢個SET會送極上海鮮拼盤,仲有上埋肉類拼盤,賣相極為精緻吸引🥰

極上海鮮拼盤:有日本蠔、白鱔、虎蝦、蟶子、鮑魚、帆立貝,每一款都好新鮮,鮑魚同虎蝦都肉質彈牙,日本蠔夠肥美,白膳燒到微焦,皮脆肉嫩好香口,最正重要係無骨🤤

肉類拼盤:用梯級形狀嘅架黎做擺盤,幾有心思😍有美國牛胸腹、嚴選牛肩里肌肉、特選牛小排、牛舌、骨付牛肋肉、澳洲穀飼原塊牛板腱、澳洲和牛-上級牛胸肉、澳洲和牛-特上牛肋肉、煙燻壺漬封門柳,一開始就可以品嘗唔同級別同部分嘅牛肉,整體都幾有水準,當然澳洲和牛嘅味道就更為肉味香濃啦😋個人比較推薦嘅係煙燻壺漬封門柳,大大塊而且肉嫩,醃漬過後幾惹味,令人垂涎欲滴🤤

肉類:肉類拼盤D肉全部都可以再次落單,另外仲叫左厚燒牛舌、澳洲和牛肉眼芯,幾香口有口感😋除左直接燒黎食之外,仲可以用生菜包住黎食,或者按自助區教嘅燒肉可頌食法,唔同風味,唔會淨係食肉咁易膩😉

海鮮類:原條魷魚筒必嗌,大大條容易燒,而且好彈牙鮮味😋燒清酒煮蜆、醬燒廣島蠔直接將個兜放上爐上面燒,見開始滾就食得😄海魚魚干夠惹味,送酒一流👍🏻

前菜:胡麻冷奴豆腐口感滑嫩,煙三文魚田園沙律清新開胃😄

蔬菜類:有牛油金菇、粟米、秋葵、冬菇,食黎去一去膩😉

日式料理:吉列炸蝦、黑椒炸雞軟骨和炸芝士年糕,炸得香口唔會太油👍🏻

甜品:燒香蕉朱古力綿花糖輕輕放上爐上面燒暖左就食得,幾特別😋榴槤炸彈咬開就見到榴槤流心,味道勁濃郁🤤自助區仲有鯛魚燒、雪糕等可以拎,食左咁多甜品勁滿足🥰

可以瘋狂咁食澳洲和牛同埋海鮮,而且仲有咁多小食甜品選擇,真係超值🤩
-

造訪日期: 2024年5月
    • 划算度
    • 氛圍
    • 服務
    • 食物
感謝 foodiechow928
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過Yakiniku Guu (Hysan Place, Causeway Bay)的旅客也查看過

 

去過Yakiniku Guu (Hysan Place, Causeway Bay)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單