📍$448 LV3 澳洲和牛海鮮放題
.
早排同屋企人去開希慎個邊，經過見到呢間燒肉有早鳥優惠，就入左去。☺️
呢個餐主要係澳洲和牛，有和牛肉眼芯、特上牛肋肉、牛胸肉等
睇落個紋仲要好呈雪花狀，相當靚仔~🤪
燒個下已經覺得D牛的油脂感好勁，明明無落到油落去燒都好鬼搶火😍
大部分的牛都係原味無加配醬汁，食得出好濃的牛味🤩
唔夠的話仲可以在出面自助醬料吧加D鹽醬、紫菜絲、木魚絲等
.
除左原味和牛之外，比較深刻的就係果醬壺滇封門柳
佢本身係在個碗調左味，本身都好擔心醬汁的味道會蓋過左個肉味🥳
但食落肉同個果醬幾夾之外，肉質食落仲要好鬆化，推介
.
海鮮方面，LV3呢個餐包埋大海老、原隻鮑魚燒、原隻生蠔、燒鰻魚等
最欣賞係個醬燒廣島蠔，食落好鮮甜👻
其他海觧都好新鮮
.
甜品方面，軟雪糕口味有朱古力同蜜瓜，表現都正正常常👌
比較特別的係出面自助bar有綿花糖，可以拎完番位燒一陣就做到BBQ燒綿花糖果個效果

店名: 佐賀燒肉谷

地址: 銅鑼灣軒尼詩道500號希慎廣場14樓1403-1405號舖
銅鑼灣站F2出口，行3分鐘

環境: 4.5/5
價錢: 4/5
味道: 4.5/5

佐賀燒肉谷於 7月推出的期間限定水果祭🦪以酸甜果實刺激大家的味蕾，感受夏日氣息重點必食榴槤炸彈、水果醬梅花壺漬、貓山王榴槤刈包😆

Lv 3:澳洲和牛海鮮放題
$448
首先會送上一盤頭盤，包括澳洲和牛肉眼芯、澳洲和牛特上牛肋肉、澳洲和牛上級牛胸肉等，另有照燒帆立貝、法國黃金螺、原隻鮑魚燒等海鮮拼盤😆之後大家就可以用Qr code落單了😝

肉類❤️❤️❤️❤️❤️
必食水果醬梅花壺漬，壺漬為源自日本鹿兒島的一道傳統菜式，封門柳以酸甜清爽的水果醬醃製，燒至香脆內軟，肉味濃郁多汁😍

澳洲和牛上級牛胸肉油花分布均勻，入口即花，入口充滿住油香同肉味😋

厚燒牛舌口感彈牙，厚切令其口感更佳，同樣必點‼️

海鮮❤️❤️❤️❤️❤️
有照燒帆立貝、法國黃金螺、原隻鮑魚燒、原條魷魚筒、大海老、醬燒廣島蠔、燒日本原隻生蠔🦪等，款款都無限追加，全部都新鮮鮮甜，鮑魚燒最有驚喜，彈牙可口😚

小食❤️❤️❤️❤️
榴槤炸彈為金黃香脆的外皮內包含住香甜嫩滑的榴槤果肉，帶黎香濃惹味的雙重口感😙

椰青糯米糍好特別，皮薄煙韌，入口餡料椰香味撲鼻，唔會過甜，配搭上黎啱啱好😌

自助區❤️❤️❤️❤️
有各式飲品、前菜、蔬果、甜品、爆谷等，款式選擇多，必食佢哋嘅雪糕，呢其係蜜瓜味🍈入口清香，有陣陣蜜瓜香，口感十分綿密😋

之後仲送貓山王榴槤刈包‼️以中火烤28秒就更好食，上面鋪滿左厚厚一層貓山王果肉，入口滿滿榴槤香，完全係重頭戲😍

今次約左朋友黎呢到盡情嘆返個日式燒肉放題😎佢有4個LV價錢可以選擇，豐儉由人，我地就揀左LV3澳洲和牛海鮮放題($488/位)，任飲任食120分鐘😉

座位夠晒闊落，坐得舒服，嗌完野食都唔驚冇位擺😄

出面自助區都有唔少熟食、前菜蔬菜等可以拎，飲品區都有好多唔同口味嘅罐裝飲品揀，甜品區有泡芺、軟糖、雪糕、連爆谷都有😍

而家做緊痛風海鮮祭😆LV3呢個SET會送極上海鮮拼盤，仲有上埋肉類拼盤，賣相極為精緻吸引🥰

極上海鮮拼盤：有日本蠔、白鱔、虎蝦、蟶子、鮑魚、帆立貝，每一款都好新鮮，鮑魚同虎蝦都肉質彈牙，日本蠔夠肥美，白膳燒到微焦，皮脆肉嫩好香口，最正重要係無骨🤤

肉類拼盤：用梯級形狀嘅架黎做擺盤，幾有心思😍有美國牛胸腹、嚴選牛肩里肌肉、特選牛小排、牛舌、骨付牛肋肉、澳洲穀飼原塊牛板腱、澳洲和牛-上級牛胸肉、澳洲和牛-特上牛肋肉、煙燻壺漬封門柳，一開始就可以品嘗唔同級別同部分嘅牛肉，整體都幾有水準，當然澳洲和牛嘅味道就更為肉味香濃啦😋個人比較推薦嘅係煙燻壺漬封門柳，大大塊而且肉嫩，醃漬過後幾惹味，令人垂涎欲滴🤤

肉類：肉類拼盤D肉全部都可以再次落單，另外仲叫左厚燒牛舌、澳洲和牛肉眼芯，幾香口有口感😋除左直接燒黎食之外，仲可以用生菜包住黎食，或者按自助區教嘅燒肉可頌食法，唔同風味，唔會淨係食肉咁易膩😉

海鮮類：原條魷魚筒必嗌，大大條容易燒，而且好彈牙鮮味😋燒清酒煮蜆、醬燒廣島蠔直接將個兜放上爐上面燒，見開始滾就食得😄海魚魚干夠惹味，送酒一流👍🏻

前菜：胡麻冷奴豆腐口感滑嫩，煙三文魚田園沙律清新開胃😄

蔬菜類：有牛油金菇、粟米、秋葵、冬菇，食黎去一去膩😉

日式料理：吉列炸蝦、黑椒炸雞軟骨和炸芝士年糕，炸得香口唔會太油👍🏻

甜品：燒香蕉朱古力綿花糖輕輕放上爐上面燒暖左就食得，幾特別😋榴槤炸彈咬開就見到榴槤流心，味道勁濃郁🤤自助區仲有鯛魚燒、雪糕等可以拎，食左咁多甜品勁滿足🥰

可以瘋狂咁食澳洲和牛同埋海鮮，而且仲有咁多小食甜品選擇，真係超值🤩
-

最近心思思想食日式燒肉🥩
即使任食燒肉 都想食啲高質素嘅和牛
去咗佐賀燒肉谷到食🔥LV3澳洲和牛海鮮放題
而家仲有優惠～揀Lv3或以上嘅放題會送一份痛風海鮮拼盤🦞 （個名好正）
有齊日本蠔、鮑魚、蟶子、帆立貝、白鱔、虎蝦
滿足哂鐘意食海鮮 又鐘意食燒肉嘅我啊😎
食曬呢盤痛風海鮮餐，仲可以任食其他海鮮種類
推介香草蝦仁串、黃金軟殼蝦同鰻魚👍🏻

澳洲和牛亦系重頭戲之一
上級牛胸肉同上級牛肋肉系呢個餐最高質嘅牛肉
雪花同牛肉嘅比例分布平均
輕輕各面燒大概10秒左右，牛肉入口即化嘅感覺太正🤤

而煙薰壺漬封門柳亦系推介之一😛
超大條封門柳用壺淹住燒烤醬 特別入味！
燒緊嘅時候分開一半，肉質軟腍Juicy~
除咗牛肉，仲有雞肉、豚肉同羊架
唔少得各款日式料理
包括芝士年糕、 芝士竹輪、骨付腸、日本吞拿魚玉子、吉列炸蝦、芝士炸雞、黑椒炸雞軟骨、椰汁流心球等等
其中覺得最好食嘅系芝士竹輪😛

甜品除咗有雪糕之外🍦仲有香蕉朱古力綿花糖、泡芙、日式糯米糍
一定要留肚食甜品啊🍨

食燒肉唔少得任飲啤酒🍺
唔飲啤酒嘅，亦都有各款日本罐裝飲料同台灣飲料選擇💭

呢間燒肉店已經有幾間分店，今日朋友就喺銅鑼灣訂左位。

有好多飲品可以選擇，我最中意飲韓國乳酸飲品。

白鱔肉質彈牙，日本生蠔肥美，鮑魚肉質爽口，海鮮全部都好新鮮。

牛肉拼盤
和牛款式多，牛肉眼芯，特上牛肋肉，牛胸腹肉，牛舌，骨付牛肋，牛小排，全部都肉味濃郁，油脂豐富，加上日本生雞蛋更加香滑。

原條魷魚筒
超級大隻，肉質爽口彈牙，口感一啲都唔會好韌。

吉列炸蝦
炸到香脆可口，肉質爽甜。

煙三文魚柚子冷豆腐
煙三文魚口感幼滑，柚子酸甜開胃，豆腐充滿豆香味道。

呢到有雪糕機可以食雪糕做飯後甜品，朱古力味道雪糕濃郁，柚子味酸酸甜甜