餐廳裝修環境雅致，十分有情調。好耐冇食意大利菜，呢度有2️⃣人餐，頭盤非常豐富。

伊比利亞火腿48個月
薄薄地又充滿鹹香味嘅火腿，搭配新鮮烘烤迷迭香意大利麵包，咬落軟熟可口

布拉塔流心水牛芝士
賣相好靚，面層🈶榛子碎、小蕃茄、加上羅勒橄欖油拌狗芽菜沙律，連埋水牛芝士一齊食，感覺好清新

炭烤甜椒
上層係炭烤甜椒，下層係茄子🍆，拌上乾蔥及鳳尾魚油醋，味道不錯

西班牙甜青椒
呢個比想像中好味，食落冇草青味，味道甘甜

金槍魚韃靼
我就鍾意將金槍魚蓉放上薄脆米片一齊食，魚蓉口感香滑

炭烤豬肋骨
面層係紅石榴及糖蜜，豬肋骨煮得好腍，一夾上就甩骨，配上酸酸甜甜嘅醬汁，食落好開胃，薯仔🥔亦煮得好香口

黑松露安格斯牛面肉燴飯
一片片嘅黑松露聞落非常香，個飯軟硬適中，食落好香黑松露味得黎，又唔會過濃，牛肝菌及帕瑪森芝士燴飯煮到好香濃，牛面肉咬落膠質滿滿

Tiramisu 提拉米蘇
底層係咖啡浸手指餅，食落味道唔會過甜，非常不錯

塔丁蘋果塔
香甜嘅蘋果塔配上雲尼拿雪糕，味道好夾好特別👍🏻

PINK LOVE
飲落酸酸甜甜，味道以蔓越莓味為主

桃茶
有一整壺熱茶，侍應會主動幫忙加水，個茶飲落好香桃味

這是間很有物值的餐廳，食物質素高，環境好靚有氣氛，吃得開心，前菜豐富，紅蝦超級鮮甜，怪不得平日晚上也滿座啦，來這裡吃飯先訂座比較好。

上環地鐵站一出，行前一會就發現了這間位於轉角位的「Juno」，外牆鋪滿立體亮麗的瓷磚，店內則放置了精美的大理石料理桌，還有獨特吊燈，呈現出溫柔細膩的光影，真的非常浪漫，舒適愜意。

係上環地鐵站一出冇幾遠有間西式裝修風格嘅餐廳，係舊樓林立嘅市區好搶眼😳餐廳裝潢用左淡雅嘅綠調，加上燈光柔和，好得我心😍朋友揀嘅餐廳果然唔錯～

🔸48個月伊比利亞火腿🔸
火腿油香十足，油脂滲落軟糯煙靱嘅迷迭香意大利麵包，咸咸香香好鬼正😋

🔸炭烤甜椒🔸
甜椒帶有炭香味，茄子蓉搭配鳳尾魚油醋，酸酸地又有魚油香，更顯甜椒風味👍

🔸金槍魚tartare🔸
金槍魚蓉配上檸檬西柚味醂汁，連薄脆米片口感更有層次，魚蓉冇腥味，酸酸地幾開胃😋

🔸布拉塔流心水牛芝士🔸
水牛芝士搭配羅勒橄欖油同烘烤過嘅榛子碎，加上小蕃茄，味道清新開胃👍

🔸西班牙甜青椒🔸
用特級初榨橄欖油炸嘅西班牙青椒，簡單灑上鹽調味已經好唔錯，青椒味道較淡，唔會有個種青味，即使平時唔食青椒嘅我都食到😆

🔸海洋「砂鍋」西班牙短麵🔸
上枱已經聞到勁香濃海鮮味，西班牙大紅蝦蝦肉煮至半生熟，口感鮮嫩🦐紅蝦蝦油鮮味濃郁，蝦頭仲有滿滿蝦膏倒出😳短麵吸滿蝦嘅精華，仲有唔少墨魚粒，一整鍋鮮味十足🤤

🔸提拉米蘇、黑櫻桃奶凍🔸
甜品方面，Tiramisu個cream打得好幼滑，配搭浸滿濃濃咖啡嘅蛋糕平衡得好好👍

白朱古力奶凍加上Amarena糖酒漬黑櫻桃，奶凍唔會過甜幾好，不過黑櫻桃醬味道就略似紅藥水🙈

🔸Pink Love、Peach Me Up🔸
Pink Love由蔓越莓汁、檸檬汁同新鮮紅莓製成，味道酸酸甜甜，係杯好清新嘅mocktail🍸

至於Peach Me Up用vodka做基酒，加入桃酒同桃茶，滿滿桃香🍑

餐廳除咗環境舒適，食物原材料都好講究，以後想食地中海風意大利菜又多一個選擇✨

上環有間超浪漫💕又有特色的西餐廳 ， 餐廳外牆以藍綠💚為主並帶啞金色線條圖案搶眼又別緻，主打意大利🇮🇹及地中海的菜色比較少有！讓人置身外地的感覺🫶

店員禮貌貼心，值得一讚，我們晚上🌃到見套餐優惠不錯👍

TASTING MENU ALL STARTERS TO SHARE
Burrata Pugliese • 布拉塔流心水牛芝士
上面有橄欖油的沙律🥗配合清甜車蕃茄、羅勒、烤榛子碎碎口感不錯！

lerico Ham 48 Months 伊比利亞火腿48個月
火腿鹹香，麵包🥯微暖軟身好味🤤

Charcoal Peperonata 炭烤甜椒茄子蓉
已煮熟軟腍的茄子蓉，上有魚油醋汁及乾蔥香味十足

Tuna Tartare 金槍魚韃靼
吞拿魚蓉帶有檸檬西柚味更開胃

Padron Peppers 西班牙🇪🇸甜青椒🫑
烤得剛好青椒🫑上有點鹽粒更滋味！

主菜
Seafood Fideos •海鮮砂鍋西班牙短麵
短麵都滿有西班牙🇪🇸大紅蝦蕃茄汁，龍蝦味好香濃，短麵條煮至腍身，原條的紅蝦相當鮮甜可口！

最後品嚐特色甜點，實在是難忘的晚餐！