屬於一間高級嘅中菜廳，果然有返咁上下嘅空間環境，以及食物水準！以下嘅菜式的確令人一試難忘。

👍🏻妙齡乳鴿
乳鴿居然都有分適用嘅年紀，端上枱嘅時候外皮反光，咬落香脆，肉質同樣夠嫩

👍🏻百花炸釀鮮蟹鉗
蟹鉗價錢不菲，但係啖啖真材實料，一絲絲嘅蟹肉蘊藏於當中，咬落滿是實在，不油不膩，鮮味不凡，可以點上配備嘅辣醬，更加滋味

👍🏻花雕蛋白蒸肉蟹鉗
蟹鉗轉用蒸嘅方法更加能夠釋出佢原先嘅鮮甜，加入咗花雕，清清嘅酒味起到提鮮作用。

👍🏻釀焗鮮蟹蓋
當然要品嚐埋佢嘅蟹蓋，釀焗嘅配料非常之多，食落口感豐富，調味適中，最特別係用上一個蟹嘅造型器皿去上碟，相當用心。

👍🏻竹笙菜苗卷
竹笙屬於爽脆嘅食品，卷上菜苗猶如一凸一凹嘅感覺，味道清爽

👍🏻脆皮燒腩仔
絕對稱得上為滿分嘅燒味傑作，燒腩仔皮脆肉嫩，脂肪比例適中，咬落脆卜卜亦無油感，點上芥辣醬真係最佳配搭。

👍🏻花膠燴雞絲羹
呢個湯羹真係好補好好味，花膠非常之軟腍，配合埋一條條雞絲，加埋紅醋食落鹹鹹酸酸，非常開胃。

👍🏻熱情普柚
除咗飲中國嘅菊花茶之外，仲叫咗一杯凍飲。呢杯飲品係用左熱情果同柚子調配而成嘅普洱茶，茶味十足，一解口渴。

👍🏻杏仁露
最後亦點咗碗杏仁露做甜品作結。杏仁露嘅杏仁味非常濃郁，食落去口感好順滑，岩哂各位杏仁迷。

👍🏻👍🏻餐廳嘅環境真係令人驚嘆，更加有室外嘅露台地方可以用餐！

整體
味道⭐️⭐️⭐️⭐️⭐️
價錢⭐️⭐️⭐️⭐️
環境⭐️⭐️⭐️⭐️⭐️

#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk