係美國好受歡迎嘅快餐品牌Eggslut早前嚟到銅鑼灣開設旗艦店，一直都好想試吓，不過剛開業好多人🤣今次終於有機會嚟試吓多款招牌蛋burger同小食。佢哋採用放養雞蛋🥚自家製奶油麵包🥯對食材比較講究。而家仲有限時嘅$1優惠，惠顧三文治或漢堡，加$1就可以加1款配料，加塊肉都得，好滿足🥳
🍔雞肉腸蛋芝士三文治
有自家製雞肉餅、半熟煎散養雞蛋、蜜糖芥末蒜泥蛋黃醬、車打芝士，麵包係自家製，帶點脆口感覺，唔係帶黏嘅軟包，口感好好😋雞肉餅看似薄但食落都唔會乾，調味剛好😚雞蛋煎到流心好吸引😛😛
🍔雙重炸比目魚三文治
新推出款式，有齊炸比目魚同秘製蛋白三文魚醬，比目魚柳好香脆😍加上底下嘅三文魚醬，正好令麵包帶點濕潤感，味道亦更豐富😛
🥔Slut 招牌蛋薯蓉加法包
Eggslut最具人氣嘅選擇未必係burger，可能係呢個招牌小食🤣混合慢煮雞蛋、自家製薯蓉、海鹽、法蔥，撈勻之後塗上帶橄欖油香氣嘅法包，鹹鹹香香咁，簡單嘅comfort food😗
🥔松露迷你薯餅
薯餅脆卜卜，加入鴨油、松露、迷迭香鹽，有少許鹹，可以點茄汁食🥫
🍪自家製海鹽黑朱古力曲奇餅
開咗邪惡嘅開端都要有個邪惡結尾😈大大塊嘅曲奇餅好紮實，朱古力味香濃。
🥤鮮榨橙汁、Coke Zero
是否擁有或管理此物業？ 免費領取您的清單，即可回應評論、更新個人檔案和更多。