我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“超精緻日式料理☺️”
Kushiro的評論

Kushiro
餐廳訂位
香港排名第1 (共16,161家餐廳)
價位: NT$4,039 - NT$11,869
餐廳詳細資料
2023年11月29日 透過行動裝置

男友早兩日神神祕祕約人去尖沙咀,
然後直衝入半島酒店。
我當堂嚇一跳,咁心急既咩😝
原來係帶我去食半島酒店間日本野😂
餐廳裝潢別緻富日式風格
令人對佢哋嘅食物都充滿期待!

沖繩水雲配蕃茄
小妹第一次食水雲😆
Check下先知佢含有豐富的褐藻素
同埋淨係零污染既乾淨海域先搵到🤩
配上去皮蕃茄仔,酸酸甜甜好開胃👍🏻

刺身五點盛
有鮫鰈魚,白身魚,秋刀魚,春魚,牡丹蝦同中拖羅
刺身夠新鮮!小妹今次最like既係春魚
春魚皮炙燒之後微微香脆🤤
魚皮同魚肉中間既油脂都燒到熱熱地
油香四溢,亦令春魚既口感更豐富😋

茶碗蒸
估唔到日料必有既茶碗蒸都整得咁驚艷😱
蒸蛋夠晒滑溜!
配料係黑松露同蜜糖煮既天惠菇
黑松露蜜糖汁好出特同個蛋係絕配呀!
小妹差啲食埋男友個份😼

金鯛魚以立鱗燒既方式烹製🤩
燒到脆卜卜增添口感!
醬汁用西班牙辣肉腸,chorizo,黃豆同羊肚菌煮成
有種中西日fusion菜既感覺
幾新穎又幾好食!

丼飯
海鮮丼就基本操作,刺身粒加三文魚籽
勝左新鮮同配料量多!
另一款丼酷似Risotto😂
丼飯既醬汁用黑松露,蜜糖,鮑魚肝醬煮成
配搭新鮮山口県鮑魚,口感爽脆鮮甜
味道一流,小妹勁想encore🤩🤤

麵鼓湯
食到尾飲碗湯真係好舒服😌
個湯用左三種唔同嘅白麵鼓!
加埋白肉菇同豆腐好有層次🤩

終於等到小妹最鍾意嘅甜品環節❤️
係超正既豆乳奶凍福袋!
超順滑嘅豆乳配香脆既酥皮真係好夾
仲有甜甜既焦糖醬點綴下
令人食指大動🤤
餐廳仲送左份黑芝麻朱古力
口感順滑芝麻味濃郁
小妹仲食埋男友個粒添😂

造訪日期: 2023年11月
感謝 wing tung c
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
評論 (146)
旅客評等
旅客類型
月份
語言

64 - 68 則評論,共 146

2023年11月29日 透過行動裝置

$1980 汐 SHIO,包括:2 APPETIZERS, 1 ENTRÉE, 10 SUSHI, MAKI, SOUP, DESSERT

北海道 佐呂間真蠔:肉質爽滑,非常鮮甜

沙錐魚天婦羅:沙錐魚味鮮,天婦羅做得非常輕身,一啲都唔膩

跟住廚師👨‍🍳切好大部份魚生 sashimi 擺喺木板上俾我哋睇,然後就逐件壽司🍣手握,等我哋食完一件再手握下一件,壽司🍣全部都非常新鮮美味,有部份仲用咗熟成魚生;10款壽司🍣包括:

- 針魚 Sayori:依家係最當做嘅季節
- 手釣池魚 Shimaaji
- 黑鯥
- 白魷魚配竹炭鹽:魷魚 切成小粒再堆番埋一齊,所以一啲都唔韌,食落非常軟熟
- 鮟鱇魚肝:來自北海道,好滑
- 鰤魚
- 醬油漬け:濃郁醬油香兼有魚味
- 帆立貝:都係來自北海道,肉質鮮甜
- 大拖羅:非常肥美甘香兼濃郁魚味
- 三文魚籽:每一粒都脆卜卜喺口腔裏邊爆開
- 海膽:係來自北海道 根室,日本其中一個出靚海膽嘅地方
- まぐろ手卷
- Tamago 甜蛋

鴿湯:仲加咗雞腿同埋大量不同蔬菜熬製而成,湯底清澈,熱辣辣非常鮮味

仲有好精美嘅甜品:豆腐奶凍配脆醬油焦糖腐皮卷、北海道奶油芝士配開心果柿子楓糖脆片、黑芝麻朱古力,全部都擺盤靚靚兼好好味,又唔係好甜

呢餐真係大滿足,勁開心🤩

造訪日期: 2023年11月
1  感謝 BCChan6
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2023年11月29日 透過行動裝置

姐姐生日去左半島酒店食晚餐,半島就有嗰種高貴感覺,員工都好好招呼,位於半島酒店的Kushiro釧環境好靚又坐得舒服✨❤️
@kushiro_peninsula

汐 SHIO 有前菜2品、一品料理、10貫壽司、卷物、熱湯、甜品。環境、氣氛、食材、廚師刀功、擺盤及侍應服務都完全為五星級的體驗,非常享受整個用餐過程。

❁ 鱈魚白子
來自北海道食落口感Creamy ,落左少少辣椒羅白蓉酸汁蔥花調味。

❁百合根真丈
用北海道新鮮百合根磨蓉加入海老蓉、澳洲婆參等蒸熟炸脆,配伊比利亞腿熬成的清湯、松葉蟹肉煮成的湯羹。汁用新鮮小菊及烏魚子作為點綴,烏魚子嘅鹹香配百合根香軟✨食嘅時候會食出粒粒海蔘嘅有趣口感。

🔸帶子
大大粒好鮮甜師傅喺上面用刀𠝹左幾下,加上柚子青檸汁令味道更鮮甜。

🔸鹿兒島深海池魚
呢種魚不嬲都好肥😋油脂味香

🔸鰤魚腩
成年油甘魚魚肉嫩滑油份重,腩肉帶有更多的油分,入口即溶般的美味口感,

🔸秋刀魚
呢種魚係呢個季節啱食,落少少薑蔥蓉已經好吸引。

🔸拖羅
蛇腹拖羅有一層層的脂肪紋油脂極豐富,魚香味很綿長,越咬啲筋,啲魚油味就越出嚟

🔸北海道鮟鱇魚
好特別鮟鱇魚肝整碎之後加蘿蔔漬,用醬油味林清酒調味,味道豐富細細品嚐就會食得出師傅嘅用心。

🔸筯子
平時好少機會食到筯子😋來自北海道,嗰層薄膜咬落去香,鮮甜味道喺口腔停留好耐。

🔸春魚
用洋蔥汁醃製,火炙魚皮所以食嘅時候有焦香而肉嫩。

🔸黑頭魚
魚清甜重鮮味,肉質相對結實脂肪較少,主要食魚肉香。

🔸右口魚邊
呢種魚好肥😁加上係魚邊位置,脂肪比例更高,火炙燒過後脂肪溶化,而且帶焦香。

🔸赤海膽
特别甘甜清好食😋口感極佳,師傅比成排咁多好滋味

❁ 吞拿魚太卷
芝麻羅白漬、呑拿魚 赤身 火炙大拖

玉子布甸
江戶前嘅料理用玉子作結~非常滑

❁野鴨湯
甘筍大蒜 西芹洋蔥

❁ 甜品
葉隱
用葉形狀糖脆脆蓋住cream cheese mousse,加入龍珠果、白加侖子、柿,上面加開心果醬,好靚好靚🥺影左好耐相打卡

豆乳奶凍
整成福袋形狀,口感係類似酥皮,好脆口底部有杯芽脆脆。

黑芝麻朱古力
軟滑香醇入口即溶✨濃濃芝麻味,為整個用餐體驗作完美的句號。

📍釧 (尖沙咀)
尖沙咀梳士巴利道半島酒店B1樓Bw1, Bw3 & Bw5號舖

造訪日期: 2023年11月
感謝 Mfoodie_hk
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2023年11月20日 透過行動裝置

廚師發辦近年在香港非常流行,而在五星級酒店內的廚師發辦,非常令人憧憬有另一番風貌。
今晚本來訂了位,不過因為是日太多人,被升級到極為罕有的貴賓廳內,雖然不能看到廚師準備食物的樣子,不過處於貴賓室內,又是另一種風味。
貴賓室的裝修是為了商務而設計的,大約可以容納六至八人,餐枱是實木製造的,非常有格調,是招呼朋友和客人的最佳選擇。

百合根真丈,百合嘅質感有啲似馬鈴薯,用料有蝦膠、婆參,松葉蟹、海苔、昆布。湯裏面嘅鹹味來自火腿,有點懷石料理嘅風格。

北海道昆布深真蠔配上青檸酸汁及食用花,蠔的味道清甜可口,部份爽脆美味。

帶子配上竹炭鹽,簡簡單單的配搭,已經帶起了帶子的原始鮮味。
深海池魚,池魚刺身爽甜可口。
鯖魚的魚肉味道濃郁,沒有腥味。

右口魚比左口魚的油份多些,而且更加鮮甜。
秋刀魚配合蘿蔔蓉,味道清爽,秋天最美味就是秋刀魚
鮟鱇魚肝做成了他他,口感有點像鵝肝醬一樣,加上爽脆的脆片,味道層次更加豐富。

鰤魚即是油甘魚,不過鰤魚比油甘魚的味道更加鮮甜。
季節限定:生筋子,即是新鮮三文魚子,用醬油漬,令到三文魚子沒有腥味,只有鮮甜味。
北海道馬糞海膽,海膽味道鮮甜,吃得出是一等一顆色。

醬油漬赤身、拖羅魚。用了七日熟成方法處理,魚肉味道更加濃郁,這個是比較少,在廚師發辦內吃到的。

吞拿魚太卷,大拖羅、中拖羅、赤身,最好一口過,因為會吃到好複雜的層次。
玉子的雞蛋味道香甜。
鴿湯,用上法式的做法,令到個湯非常之清甜,是一道非常有特色的日本清湯。

豆乳福袋杯芽,豆乳味道十足,加上香脆的配料,令人回味無窮。
葉忍:材料有開心果、柿、白加侖子、龍珠果、巧克力。廚師加入秋天的氣息,令到這個甜品好味之餘,還增加了藝術色彩。
黑芝麻朱古力,又是這裏的名物,非試不可。

造訪日期: 2023年11月
感謝 thanksgodgiving
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2023年11月19日 透過行動裝置

驚喜的結婚周年紀念日

時間過得真係快啦,同老公結婚已經27年,係呢一個27年嘅重要日子(結婚紀念日),老公悉心安排廚師發辦:仲要喺半島酒店,令我十分之驚喜,而且價錢仲要十分之抵食,以呢個價錢嚟講,食到咁有質素嘅日本廚師發辦,幸運地仲要係安排一間房,同老公撐枱腳,沒有任何人騷擾,我誠意推薦。
房間播着音樂,裝修十分之亮麗,每一道料理,由侍應送入房間,私隱度十足,亦都可以放心講悄悄情話,呢餐真係抵食啦。
其實有一部份在外面的廚師發辦都可以食到,所以今次嘅重點會係推介一啲喺出邊食唔到嘅食物。

北海道昆布深真蠔,蠔身清甜可口,尺寸不算很大,女士要分開兩口,可以保持儀態,又可以吃到清甜的生蠔。

百合根真丈,呢個菜式好有日本懷石料理風格,好睇得來,又好詩情畫意,用菊花入饌,是這裏的特色。

帶子、深海池魚、鯖魚。款款都非常鮮甜美味。

右口魚、秋刀魚。又口又脂味道十足,秋刀魚鮮甜味味。

醬油漬赤身,赤身吸收了醬油的味道,提升了味道層次。

鰤魚、生筋子、北海道馬糞海膽,當然以海膽的味道最為吸引。

吞拿魚太卷,大拖羅、中拖羅、赤身,集齊了拖羅魚最美味的部份,當然是味道最好的。

鴿湯,唔講都唔知,是鴿做的湯,味道鮮甜可口,非常有特色。

豆乳福袋杯芽,豆乳味道香濃,甜度適中。
葉忍:這個是季節限定,隨着不同的天氣轉變,非常詩情畫意。
黑芝麻朱古力,又是這裏的名物,有機會必定再試。

釧 (尖沙咀)
尖沙咀梳士巴利道半島酒店B1樓Bw1, Bw3 & Bw5號舖

#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk

造訪日期: 2023年10月
1  感謝 KarinWong1314
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過Kushiro的旅客也查看過

 

去過Kushiro嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單