我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“廚師發辦料理”
Kushiro的評論

Kushiro
餐廳訂位
香港排名第2 (共16,179家餐廳)
價位: NT$4,079 - NT$11,989
餐廳詳細資料
2023年10月3日 透過行動裝置

早排慶祝朋友生日,試左呢間位於半島酒店地庫嘅日式廚師發辦~ 成餐都食得好開心,

前菜有松葉蟹配茄子同百合根真丈打頭陣!
鮮甜多汁嘅松肉蟹肉加入水果茄子點綴,配上紫蘇葉同酸汁,格外醒胃;百合根真丈以海蝦打成蝦膠,搭配伊比利亞鏗魚高湯,再加入毛蟹蟹肉、海苔同烏魚子,味道層次豐富,帶有陣陣菊花香,不錯

品嚐前菜後,師傅逐一送上四款壽司,包括深海池魚、白蝦、秋刀魚、北奇貝。當中秋刀魚最為印象深刻,質感偏爽口,咬落啖啖油香,好肥美!接著就係最期待嘅吞拿魚五重奏,有蔥吞拿魚紫菜卷、大拖羅、赤身、中拖羅同吞拿魚太卷。大拖羅入口即溶,最重油香,但略嫌有筋~

試左咁多款菜式後,師傅為我地準備左日本鏗魚過一過場~ 以禾稈草煙燻後,入口帶有濃烈嘅煙燻香,配上菠菜葉豆苗醬,令鮮味更能呈現

然後,就要介紹當晚嘅MVP:北海道筋子同北海道羽立白海膽! 北海道筋子比較少見,除左粒粒晶瑩飽滿嘅醬油漬三文魚籽外,仲連住黏口嘅筋模,令鮮甜味更出!師傅將紫菜包飯再放上分量十足嘅海膽,味道甘甜可口,口感綿滑,好滿足!

最後,店員為我地送上滋潤暖胃嘅湯品,加入
紅蘿蔔、蘋果、日本菇、大蒜等熬製而成,有助解膩。

而甜品更加有三款咁多,每款賣相都好精緻!有豆腐奶凍、水蜜桃雪芭同黑芝麻朱古力。豆腐奶凍最為特別,以香脆日本腐皮包裏住豆腐奶凍,再加入白朱古力脆脆同焦糖醬增加甜味,係唔錯嘅結尾~

造訪日期: 2023年10月
感謝 winglamh2020
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
評論 (152)
旅客評等
旅客類型
月份
語言

96 - 100 則評論,共 152

2023年10月3日

尖沙咀奢華Omakase🍣 [釧]

開業到而家都好一位難求既omakase位於半島酒店地庫既餐廳由門口到舖頭入面都覺得成個服務同埋感覺都好頂級既感覺 🎉
值得一讚嘅位 每一道菜侍應都會配搭唔同嘅餐具 務求令到每一個食材都可以達到本身嘅味道,而唔會比其他上一道嘅菜式味道影響左😋

汐💛 ($1980)
前菜
北海道毛蟹 意大利黃瓜 配上桂花啫喱 好味清新非常開胃🤤 蟹肉鮮甜 而且配上桂花中和 第一次嘗試呢一個嘅配搭好新奇😆

百合根真丈🍲
百合根整成嘅麵皮口感細膩,加入左蝦膠整既丸子口感軟綿綿,配合加咗鰹魚嘅高湯清得來好開胃

煙燻拖羅🐟
煙燻味好重 側邊位但有微微嘅焦香 配搭左海葵鰹魚熬製而成嘅醬汁唔會覺得好滯既感覺

壽司鮮味十足 大拖羅肥美 油脂咁滿分
海膽入口即溶嘅感覺 秋刀魚都好肥美 🤤

白身魚配搭咗柚子醋食落去微微清香而且唔會蓋過咗本身魚嘅鮮味🐟

豆腐奶凍福袋🍨
豆香濃厚淋咗焦糖醬 配搭左脆皮嘅豆腐皮
加埋胚牙脆脆口感昇華

桃🍑
期間限定嘅甜品🍧蜜桃加入做荔枝紅茶蒟蒻
香甜清新

餐廳做緊兩周年慶祝凡係去消費嘅顧客都會有一隻清酒杯送返🎉

味道 8.5/10
環境 8/10
推介程度8/10
📍 釧 (尖沙咀)
尖沙咀梳士巴利道半島酒店B1樓Bw1, Bw3 & Bw5號舖

造訪日期: 2023年9月
    • 划算度
    • 氛圍
    • 服務
    • 食物
感謝 KobeChan0611
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2023年9月29日 透過行動裝置

個人一直認為初秋係品嘗omakase最好嘅季節,有好多嘅水產當造,可以一邊細味一邊欣賞師傅嘅手藝。半島嘅釧一直都係我bucket list,趁紀念日就同男朋友豪一次!

餐廳裝修以日式森系為主,無論係師傅定侍應都俾到我一種賓至如歸嘅感覺。師傅會主動同你傾計,介紹食材產地成餐飯都有交流。

汐 SHIO $1980/位

前菜
✨ 佐賀茄子配北海道毛蟹🦀
✨ 百合根
用伊比利亞火腿高湯熬海蝦蝦膠及澳洲婆參

壽司🍣
✨ 愛媛縣真鯛配昆布鹽
✨ 北寄貝配青檸汁
✨ 秋刀魚
秋天係食秋刀魚嘅季節,加埋加河豚蔥同生磨薑,魚肉滑身,油脂豐富,少少腥味都無
✨ 靜岡鰤魚
✨ 清森縣劍魚刺身
麻醬配上微辣好match好惹味,魚肉帶啲膠質
✨ 大拖羅
肉味較淡,主要食魚根既香,有少少鹽吊味,咀嚼耐啲油香好重
✨ 赤身佐醬油漬
肉味相對濃郁
✨ 中拖羅
三款吞拿魚我最鍾意中拖羅😍半肥瘦,第一啖肉質比較實,咬開之後油香爆出黎
✨ 醬油漬三文魚筋子
好少見到三文魚子會一大塊連筋,師傅未切之前仲特登拎起比我地打卡。因為用sake醃制過,有淡淡酒香,卜卜脆
✨ 北海道白海膽
師傅建議我哋放喺手上面食,海膽超creamy同漿口,輕輕一咬即溶,食完心花怒放😍
✨ 吞拿魚三兄弟卷物
由赤身、中拖羅同大拖羅組成,仲有醃漬過嘅蘿蔔。一啖放晒入口,一次過食齊三隻唔同口感嘅魚, 口感豐富。

湯🍲
✨ 野鴿清湯
用法式澄清雞湯熬煮,濃中帶清,一打開就傳出香味,飲落仲有少少膠質

✨ 布甸感玉子
表面勁光滑,蛋味清甜

甜品🍧
✨ 大唐嶺桃肉雪芭yougurt
我地好lucky,趕正呢隻桃嘅水尾,桃肉清甜,荔枝紅茶啫喱茶味好香。
✨ 豆乳奶凍福袋
腐皮福袋好脆,奶凍香滑,仲有啲焦糖漿
✨ 黑芝麻朱古力
味道最濃,由白朱古力製成,最估唔到係中間竟然有爆炸糖,咬落好脆

如果每個秋天都可以食一次omakase就好啦🥹

造訪日期: 2023年9月
感謝 CloudyMelon
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2023年9月22日 透過行動裝置

半島酒店 精品超高質 廚師發辦體驗

亞仔下星期生日 提早同佢慶祝生日😍 我哋訂咗喺半島酒店嘅廚師發辦 ~ 釧 😋🥰

餐廳裝潢高級別緻🥰 有卡位及吧枱設計 吧枱就可以睇住廚師製造美食 仲可以交流🤣🤣

剛巧今日係餐廳開業兩周年 有小禮物送 ~清酒杯 據講當遇熱會變色 小巧精緻👍

廚師發辦 Dinner Set
[釧KUSHIRO] $2880/位
前菜5品 一品料理4品 鮨8貫 漬物 湯及甜品

🔆北海道紅蟹 水果茄子 紫蘇醋 紫蘇花
一疏疏蟹肉 超鮮甜 紫蘇醋酸酸美美 打開味蕾🥰

🔆炭燒日本松茸 外面包住透明嘅剝皮魚 淋上魚肝醬 松茸香氣繚繞 正😋

🔆螯蝦料理 有蕃茄 龍蝦高湯上面有金箔 魚子醬 螯蝦肉質鮮嫩 甜美🥰😋

🔆百合根真丈 蝦膠 澳洲婆參上面鋪上伊比利亞火腿 松葉蟹肉煮成高湯 做成球狀 軟腍口感 視覺先享受😎 再品嚐佳品😋

🔆自家製漬物
姜甜甜地 青瓜准山 味道清新脆口😋

🔆鰤魚壽司🍣
🔆北寄貝壽司🍣
新鮮高質 肥美豐膄👍

🔆大拖羅壽司🍣
🔆中拖羅壽司🍣
厚肉肥美 鮮甜濃郁🥰

🔆煙燻鰹魚 寶塔菜 粟米苗
鰹魚好厚肉 盡顯刀工👍

🔆時令秋刀魚蘿蔔漬
時令食材 新鮮味濃 😋

🔆山口縣鮑魚 配鮑魚肝醬 壽司飯
鮮甜軟腍 簡直係一絕👍😋

🔆烤松茸 鮑魚粒燴飯
用日本瓷器盛載呢道料理 非常精緻 賣相味道雙贏🥰

🔆一品料理
法國龍蝦煎至六七成熟 保持爽口 配鮟鱇魚泡沫醬 及南瓜蓉酱 中間一粒粒嘅係咪分子料理 精緻味美😉

🔆炙燒赤鯥魚壽司🍣
🔆筋子壽司🍣
色澤粉嫩 新鮮甘甜😎

🔆羽田 01 海膽
🔆拖羅太卷
🔆玉子
店長細心介紹 佢哋今日嘅靚食材 ~ 拍賣返嚟 超高質 羽立01高質白海膽👍👍 我哋真係超幸運 今日可以食到🥰😋
拖羅卷 有大拖羅 中拖羅 漬飯 每啖都滿滿幸福感👍
玉子口感似布甸 甜而不膩 超正🥰

🔆野鴿湯
有野鴿 甘筍及幾種唔同蔬菜熬製 味道清新 滋補養顏 🥰

🔆甜品
豆腐豆乳奶凍福袋 底下有胚牙脆脆 好好味😋

🔆期間限定~桃
中間係大糖嶺蜜桃雪吧 配上蒟蒻 乳酪泡沫 最底層係山梨縣新鮮蜜桃粒 完美配搭 非常豐富有層次嘅甜品🥰

🔆黑芝麻朱古力
非常精緻 芝麻飄香 食到朱古力粒粒 真係有口感 有味道😋

整體嚟講 :食材高質 廚師用心製作 無論烹飪 餐具 擺盤 上菜次序 都非常講究 服務到位 絕對對得住個價錢 大滿足😍👍

🎈釧 (尖沙咀)
尖沙咀梳士巴利道半島酒店B1樓Bw1, Bw3 & Bw5號舖

#hkfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852food #852foodie

造訪日期: 2023年9月
感謝 Passport32959588655
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2023年9月21日 透過行動裝置

釧👻
朋友帶我嚟半島食我omakase
原來呢日係呢間釧嘅開業兩周年正日
當日都特別安排upgrade啲菜式
真係好好彩有口福啦我
每位客人都有送一隻清酒杯
有自家logo精緻有格調🤩
用餐成個體驗到勁愉快
店員好有心思服務
菜式安排照顧顧客嘅需要
整體絕對對得住個價錢
有機會都想再帶朋友嚟試吓😆
.
✨前菜5品
🔅魚子醬 金箔 深海螯蝦 蕃茄凍 龍蝦高湯
一層一層鋪好
最頂係頂級魚子醬
加咗柚子汁柚子皮提鮮
螯蝦鮮甜 蕃茄夠fresh
龍蝦高湯就夠濃味
食起上黎口感好夾😛

🔅秋刀魚磯邊卷 黃蘿蔔 河田蔥
當造既秋刀魚先可以刺身
肥美油份重
配搭蔥同黃蘿蔔增加口感
成個配搭好有心思🤣

🔅 水果茄子 北海道紅蟹 紫蘇醋
紫蘇花可以滅落去一齊食
紅蟹拆好哂肉 啖啖肉好正

🔅日本松茸 剝皮魚 剝皮魚肝醬
炭燒既松茸香氣出哂黎
剝皮魚刺身肉質爽彈
配埋佢既魚肝醬濃濃地幾唔錯

🔅禾稈草煙燻鰹魚 粟米苗 寶塔菜醬
煙燻刺身鰹魚有淡淡香味
厚肉啖啖肉 配埋寶塔菜既醬

✨一品料理4品
🔅百合根真丈
伊比利亞火腿同埋蟹肉熬湯汁
用澳洲婆參加深海海蝦做蝦膠
用先蒸後炸既方式
整成依件百合根真丈
入口軟綿滑 頗新奇又好味😜

🔅烤松茸鮑魚燴飯
日本瓷器加哂分
鮑魚燴飯再加啲麻油增加香味
將啲燴飯燴入松茸
店員仲叮囑啱啱燒好襯熱食最一流

🔅藍龍蝦 鮟鱇魚肝泡沫 南瓜蓉 醬油分子
勁厚身嘅藍龍蝦
爽口彈牙
鮟鱇魚肝打成泡沫一樣咁濃味
佢個醬油係分子料理咁整成一粒粒
咬落去啲醬油就爆出嚟😌

🔅山口縣 赤鮑魚 鮑魚肝醬
蒸熬6-7小時 熬到勁腍
先原味食個鮑魚
另外壽司飯配肝醬食
多重體驗😆

✨鮨8貫
🔅鰤魚壽司 鮮北寄貝壽司
鰤魚夠肥美
油香滲透係口腔
北寄貝鮮味十足
好厚肉好爽又有咬口

🔅蛇腹大拖羅壽司 中拖羅壽司
大拖羅油脂充足
入口幸福感出哂黎
中拖羅味濃啲
兩件都一流😛

🔅北海道羽立白海膽
兩週年限定係今日先有
羽立係海膽界既no.1
當日新鮮拍賣返黎
01編號係當日最靚最高質既海膽
為咗今日兩週年正日既客人特別而設
鮮甜味甘 第一次食咁高質既海膽

🔅拖羅太卷 玉子
大拖羅 中拖羅 赤身
再加埋啲黃蘿蔔增加口感
成個配搭啱哂我大滿足
玉子口感似布丁
甜甜地幾好食

🔅赤鯥魚壽司 筋子壽司
微微炙燒過既赤鯥魚
幾特別有口感
原條既筋子好少見
加咗啲青檸汁提鮮
咬落去啲汁勁鮮甜

✨湯品
🔅 野鴿清湯
用蔬菜都燉既清湯
簡單落啲大蒜 甘筍 菇
成個湯都勁清
飲落好舒服☺️

✨甜品
🔅炸腐皮 豆腐味豆乳 醬油焦糖脆脆
🔅白桃雪芭 自家製Yogurt 白桃
🔅黑芝麻朱古力
最後甜品都有三款可以同朋友share
第一個係炸腐皮入邊包住啲豆乳
豆腐味濃 外層腐皮又夠脆
第二個係白桃嘅甜品
季節限定白桃夠晒甜
仲有啲Yogurt同埋蒟蒻豐富成個甜品
最後食埋個黑芝麻朱古力
黑芝麻夠香朱古力唔會太甜
好完美既作結🥰
.
整體而言:
極致享受 難忘體驗😚
.
🎈 釧 (尖沙咀)
尖沙咀梳士巴利道半島酒店B1樓Bw1, Bw3 & Bw5號舖

造訪日期: 2023年9月
感謝 Dreamer36125622270
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過Kushiro的旅客也查看過

 

去過Kushiro嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單