我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“特式打咭之選”
鬼混的評論

鬼混
香港排名第51 (共15,677家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2021年12月11日 透過行動裝置

今日同朋友去左銅鑼灣度行街,行到攰就去左<鬼混>度醫肚。

餐廳裝修趣怪,好貼合餐廳主題,鬼味重重之餘又不失優雅,氣氛環境都唔錯,仲好啱打咭。

我地叫左兩個set lunch。第一個set lunch係可以任選菜式既,我地選左六選一既套餐(HKD 158),要左半熟溫泉蛋,海藻芝麻醬沙律,炸天婦羅,黑毛豬,牛油果明太子蟹肉同埋票米南瓜餐湯。另外個set就係美利堅合眾國西冷牛扒(HKD178)。

第一個set係以一個圓盤上哂6道菜,顏色賣相都非常鮮豔吸引。溫泉蛋同沙律味道唔錯幾,係幾好既開胃前菜。跟住個炸天婦羅,食落去唔油膩,仲啖啖蝦肉添。而個黑毛豬就肉質鮮嫩,肉質好稔。至於個蟹肉都算幾鮮甜。個湯都唔錯還可以。至於個西冷牛扒,我地要左7成,肉質好稔唔韌,味道鮮甜。

至於飲品,我地叫左凍同熱烏龍,都唔錯。

造訪日期: 2021年11月
感謝 blackstormbb
該評論乃Tripadvisor會員主觀個人意見,不代表TripAdvisor LLC公司。
發表評論評論 (100)
旅客評等
旅客類型
月份
語言

16 - 20 則評論,共 100

2021年12月9日

之前黎過呢間鬼混幾次,次次都食晚餐,今日就一於下午黎試試午市餐牌。鬼混係玩味主題餐廳,以鬼怪為主題,日光日白黎氣氛唔同夜晚黎。

原來午餐餐牌勁flexible,可以自選3至6款餸,價錢由$116至$158,另加一,視乎你揀幾多款餸。價錢已包飯,水晶麵包,意粉,漢堡包或烏冬。餸分5大類,有蛋,沙律,炸物,肉類同海鮮,選擇好多。餐包是日餐湯或酸辣沙律,仲有咖啡或茶,可加錢升級餐茶。加$20仲有乳酪杯。另外仲有牛扒同漢堡揀。

我哋一人揀左個6餸餐,另一人揀左個西冷牛扒分享。

是日沙律係新鮮沙律菜同車厘茄,仲有好多唔同種類雜果,分別有黑莓,紅桑子,藍莓,火龍果,橙同西柚,加左少少醋,味道清新,唔辣喎,好健康。值得一提係隻碟好靚。

6餸餐所有餸一齊擺好上枱,賣相幾好。

個餐我揀左漢堡包。跟餐漢堡原來係竹炭漢堡,入面有蕃茄一片,青瓜兩片同生菜一片,再加上雙色熱熔芝士。上下兩塊包都烤得勁香脆,帶微微竹炭味,非常出色。只有蔬菜芝士饀都唔覺dry。

由於今日冇食早餐,全部餸我都揀哂肉同海鮮,真係任君選擇。

牛面珠配甜酸菜

牛面珠兩件,整得超稔又入味,配甜酸菜味道清新。呢個超推介。

黑毛豬

黑毛豬係豬扒兩塊,上面有雙色熱熔芝士同香草。豬扒黎講唔算鞋。

薑味燒汁豬肉片

薑味燒汁豬肉片份量都唔少,豬肉片肥瘦相間,生薑燒汁味道好冶味。

茶葉滷牛小排

茶葉滷牛小排3塊,雖然看似乾爭爭,不過食落又幾嫩喎,茶葉味就好微弱。

日本產的魚子

日本產的魚子非常有鹹香,好食。

吞拿魚蓉配山芋蓉

吞拿魚蓉份量好多,超滑溜,上面有少少白色山芋蓉,再加少量魚子同日式芥末,味道有層次又滑,好食。

美利堅合眾國西冷牛扒 $178 另加一

牛扒擺盤唔錯。西冷牛扒我哋叫左3成熟,整得外皮脆脆哋而入面啲肉都嫩而冇血水,肉質唔乾,都唔錯喎。伴碟脆薯角炸得好香脆又熱辣辣。記得問服務員拎茄汁沾。蔬菜有唔少幼身蘆筍,蘑菇片同3粒車厘茄,份量都可以,吸左牛汁味道好。

凍烏龍茶 (跟餐)

凍烏龍茶帶淡淡茶香。

乳酪杯 加$20 另加一

最後加$20要個乳酪杯做甜品。呢款乳酪杯係原味乳酪加香脆粟米片同少少合桃碎,再加左紅桑子同藍莓。因為用原味乳酪,所以味道較酸,感覺健康。

今餐食物唔錯,午餐餐牌好flexible,期待下次試新野。人均$200樓下,唔貴。

造訪日期: 2021年12月
    • 划算度
    • 服務
    • 食物
感謝 PickyCouple616403
該評論乃Tripadvisor會員主觀個人意見,不代表TripAdvisor LLC公司。
2021年12月4日 透過行動裝置

門口以復古大宅風格配合骷髏骨設計門口既bar枱位 已經好有奇幻氛圍 入到餐廳內部鬼異得黎又好有中古vintage既古典風 連啲吊燈同餐椅都好玩味 我地坐果張係不規則的
.
▫️美利堅合眾國西冷牛扒 $178
:/5分
Lunch set可以揀粟米湯/沙律 沙律用左黑醋同好多水果襯托 酸酸的好開胃~

估唔到個牛咁大塊 望到都已經流晒口水 切開既肉肉粉粉的 口感好軟嫩且充滿肉感 熟度同油脂感都剛好 牛味濃郁得黎好有肉汁 估唔到會咁好食desu 點完個南瓜醬(?)味道更香濃~ 薯角都外脆內軟 仲有好多露筍雜菇伴碟去解膩
.
▫️lunch set 6 items $158
:/5分
Lunch可以根據自己喜好係20款dish自選3款以上黎做platter 我地好大貪地揀左max既6款 一上碟就覺得砌得好靚 每樣都有佢自己的小角落

每個set都可以揀配紫菜飯/意粉/包/burger 最後我哋揀咗要烏冬 估唔到會有埋明太子醬 同埋係冷烏冬黎 揀咗款半熟溫泉蛋 即刻打埋落去撈 成個口感勁creamy爽口 明太子再帶少許辣咁~

Main我地揀左烤焗味噌醃鯖魚&薑味燒汁豬肉片 前者估唔到會咁大條 沾左差唔多半個碟 焗至金黃色 個皮帶少少脆身 鹹度剛好且魚質好嫩滑 後者微微燒過 充滿焦香味同油脂感

仲揀左三款炸物 竟然會有炸牛油果 第一次食 比平時食既更加軟熟 味道好香口同時唔會太油膩 仲要左脆炸魷魚圈同炸蝦都好香脆同彈力 炸衣都唔會太厚
.
▫️奶蓋鴛鴦走沙冰 +$48
:/5分
跟餐會有Americano/oolong tea或者轉其他飲品-$20‍♀️ 好少見奶蓋鴛鴦就試了~ 奶蓋超厚的估唔到都好奶滑 將鴛鴦整咗做沙冰 依然都飲到濃滑既咖啡香 且味道唔會過甜 配搭得幾好
.
總結,鬼混主打fusion菜 估唔到會咁高質 個牛牛真係好正 platter自選既idea都好特別 可以試多幾款 環境好有心思去設計出玩味既奇幻古堡風格 周圍都好igable同坐得好舒服desu~

造訪日期: 2021年12月
感謝 vvvfoodies
該評論乃Tripadvisor會員主觀個人意見,不代表TripAdvisor LLC公司。
2021年12月2日 透過行動裝置

呢間係銅鑼灣主題餐廳
首先裝修係好華麗同神秘,餐廳有介紹原來片廠鬧鬼,用返鬼做主題即刻覺得好恐怖

上食物前侍應拎左支聖木係我地面前燃點,話可以去除負能量,好有儀式感

我地當日叫左tea set
有三層、低層咸點、中層係甜點、頂層係窩夫,每件都好精緻

咸點
日本和牛多士-和牛好有油脂
煙三文魚牛角包
鴨肝朱古力馬卡龍-呢個好特別,小編詞窮唔識形容
忌廉芝士野菌酥皮盒-好香牛油菇味

甜點
士多啤梨蛋白卷-蛋白卷好軟、士多啤梨味勁重
日向夏柑檸檬茶忌廉蛋糕-食落好似芝士蛋糕?
斯里蘭卡紅茶焦糖燉蛋-茶味濃郁,燉蛋好滑好嫩
比利時窩夫配野莓果醬-味道酸酸甜甜

番薯薯條
薯條即叫即炸,味道可口配埋呢個話梅粉另有一番風味。

麻辣凍蜆
除咗蜆肉仲有八爪魚觸鬚,食落唔辣但係夠麻,非常滋味有驚喜

食完之後憑卷仲有可以去糖街製片廠果邊換禮物好好體驗

造訪日期: 2021年11月
感謝 karenmfong
該評論乃Tripadvisor會員主觀個人意見,不代表TripAdvisor LLC公司。
2021年11月24日

午餐lunch set可以揀3-6款唔同嘅食物配搭
啱晒咩都想食啲嘅我
我哋一個沙律 一個湯
主食可以揀麵包、漢堡包、飯、烏冬或者意粉
比較少見漢堡包做主食,我試咗漢堡包
我叫咗6個唔同嘅items~
茶葉滷牛小排,牛油果明太子蟹肉,牛面珠配甜酸菜,吞拿魚茸配山芋蓉、炸蝦天婦羅同海膽汁魷魚薄片
本身都冇抱太大期望去食
因為個人覺得大部份呢一類型嘅餐廳
都係食地方食氣氛比較多
但係出乎意料之外係滿意
一嚟到即刻試咗佢個牛小排,肉質柔軟不失油香
熟度亦啱啱好!
炸蝦天婦羅炸醬唔會太厚又脆卜卜
海膽汁魷魚片好有咬口 個樣好似有魷魚味嘅闊條麵
煙煙韌韌好好食
另外個漢堡包打開好有誠意喎~~除咗麵包烘過
入邊有芝士生菜青瓜係值得一讚
另外叫咗一個西冷牛扒
叫三至五成熟,雖然嚟到係熟咗一啲
但係切開已經感受到牛扒嘅軟熟
食落超級有驚喜肉質非常柔嫩
而且肥瘦適中,口感细嫩多汁且不失咬勁
薯菜係粗身薯角,新鮮炸出內軟外脆
仲有雜菌、蘆筍
望落去個份量覺得唔大,但係食完好飽
飲埋白朱古力抹茶沙冰
山楂玫瑰薑茶
好滿足❤️

造訪日期: 2021年11月
感謝 Pppupu
該評論乃Tripadvisor會員主觀個人意見,不代表TripAdvisor LLC公司。

查看過鬼混的旅客也查看過

 
中國香港
 

去過鬼混嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2022 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。