我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“牛肋骨肉味濃郁”
The Moonious的評論

The Moonious
使用外送服務
香港排名第1,638 (共15,451家餐廳)
周圍地區: 尖沙咀
餐廳詳細資料
周圍地區: 尖沙咀
2021年6月4日 透過行動裝置

就嚟父親節啦,如果想同爹地媽咪食中菜慶祝吓,滿小館都係一個唔錯嘅選擇~ 餐廳環境寬敞,菜式新穎,賣相精緻!幾適合一家大細 男女老幼嚟食~

茶除左常見嘅普洱、香片、鐵觀音,仲有桂花烏龍、瑰荔堂煌等花茶供選擇,仲好貼心咁有個蠟燭仔係下面熱住壺茶。食到最後 仲有糖水送添!每日送完即止~

▪️茶介 $14

▪️燕麥金沙蝦球 $148
大大粒蝦球炸得香脆,炸皮薄身唔油膩,蝦肉彈牙。金沙蝦球聞落好香鹹蛋味!不過食落味道唔算好濃,只有淡淡鹹蛋香。蝦球外層裹滿燕麥,除左可以一減蝦球嘅油膩,亦令香脆口感得以保持。

▪️紅酒牛肋骨 $328
牛肋骨經慢煮,肉質軟腍,毫不乾柴,牛味濃郁,油花分布平均。紅酒汁酸酸甜甜,味道同蕃茄汁有幾分相似,亦帶淡淡酒香。唔錯!

▪️避風塘茄子 $68
茄子經炸過,外脆內軟之餘,超多汁!上面佈滿極多炸蒜同辣椒,相當香口惹味!不過唔食得辣嘅朋友就要小心啦~

▪️冰鎮荔枝西紅柿 $68
係一道好開胃嘅前菜!一粒粒嘅西紅柿已去皮,初初入口係好香甜嘅荔枝味,繼而會被霸道嘅紅西柿香氣蓋過。一咬落去超多汁!微酸開胃!冰涼消暑!

▪️滿館小炒王 $128
每一次食小菜都好鍾意嗌小炒王,貪佢配料多之餘又惹味,不過今次就有小小失望啦。配料同份量都偏少,味道偏淡,唔算太惹味。但勝在魷魚少有地經炸過,韮菜爽口唔老,加上蝦乾、脆脆腰果、爽口榨菜,口感尚算豐富。

▪️是日糖水 $免費!
是日糖水為 雪耳燉雪梨。雪耳滑溜,雪梨燉到好腍,超潤喉!甜度恰到好處。

造訪日期: 2021年5月
感謝 sistersnfood
該評論乃TripAdvisor會員主觀個人意見,不代表TripAdvisor LLC公司。
發表評論評論 (17)
旅客評等
旅客類型
月份
語言

5 - 9 則評論,共 17

2021年6月1日 透過行動裝置

好耐無同媽媽一齊食中菜,所以最近就去咗尖東一帶嘅滿小滿試試。滿小滿環境寛敞,枱與枱之間距離都幾多,唔會好逼咁,啱晒同屋企人、朋友食飯吹水。我哋叫咗壼普洱,餐館特意擺咗蠟燭係茶壼底,可以保温。

冰凍咕嚕肉 $128
呢個冰凍咕嚕肉一上枱嗰陣已經覺得佢好壯觀,因為佢有好多冰係出面圍住啲咕嚕肉,係出面比較少見咕嚕肉凍凍地,口感好特別,皮仲係脆脆地添!味道都唔錯,如果可以多啲醬汁就perfect 啦外面都仲有菠蘿同士多啤梨,樣樣都好新鮮同好鮮甜。

黑蒜燉竹絲雞 $58
呢碗湯既黑蒜味好濃好香,好吸引入面仲好足料,雞味好出,舊舊肉都好淋!而且佢仲係熱辣辣,燉湯要熱辣辣先好食好味。

蟲草花豬展燉雞 $58
呢一個湯都係好足料☺️,同埋你會見到佢完全唔油。入面有好多舊嘅豬肉同雞肉,已經煲到淋晒。燉湯甜甜地,帶肉味。

老干媽爆炒豬爽肉 $128
本身有擔心過呢道菜式會唔會太辣,但係佢嘅辣度算係容易接受,令菜式更加惹味,令人越食越多。四季豆炒得入味,豬爽肉爽口輕微帶辣,份量都多,用嚟撈飯啱晒啦。

蜂蜜芥末蝦球 $148
好耐之前喺另一間餐菜館都食過相近菜式。蝦球大粒同爽口,上面加咗芥茉醬汁,辣辣地,可以提味,不過可以再多啲醬汁就更加好。佢另外加咗鍋巴做底,同蝦球形成咗唔同口感,層次更豐富。

造訪日期: 2021年5月
1  感謝 jas4food
該評論乃TripAdvisor會員主觀個人意見,不代表TripAdvisor LLC公司。
2021年5月31日 透過行動裝置

平時經常出入尖沙咀一帶,發現尖東附近新開了一間中菜館‼️這裡除了有一般傳統的菜式外也加入很多新派菜式,賣相精美而且味道也非常不錯‼️ 現在午市免茶芥、晚市只要經ᴏᴘᴇɴʀɪᴄᴇ訂位還有折優惠‼️
▫️
❥$ 冰鎮荔枝西紅柿 極具夏天色彩的菜式 剝皮小蕃茄半浸泡在荔枝汁中,荔枝汁甜甜的味道中和了小蕃茄本身微酸的口感,清爽爆汁好。好。吃‼️ 冰冰涼涼很開胃又解暑,一定要試試‼️
▫️
❥$ 花膠扒套餐 很霸氣的花膠扒,它不是簿簿的一片,而是有厚度的,份量十足 除了蠔皇原件花膠扒外,套餐還有鮮甜滋味的燉湯(很好喝) +高湯浸翠綠色的時蔬+粒粒分明的瑤柱蛋白炒飯‼️吃完整個套餐很有滿足感和飽足感‼️
▫️
❥$ 筍尖蝦餃皇 蝦餃晶瑩剔透,裡面的粉紅蝦仁清晰可見‼️QQ的餅皮、新鮮彈牙的蝦仁、爽脆的筍尖,口感很豐富‼️ 而且這裡的蝦餃都是大大的一顆,怎麼可能會不喜歡‼️
▫️
❥$ 流心鵪鶉蛋燒賣 平時吃的鵪鶉蛋燒賣都是實心的,第一次吃到流心鵪鶉蛋很有驚喜‼️ 輕輕一咬蛋汁爆出,極具視覺效果
▫️
❥$ 海苔鮮蝦春卷 春卷炸得香脆,而且不油膩‼️春卷皮包了一層海苔再包上新鮮的蝦肉,很有心思的菜式‼️
▫️
❥$ xo醬帶子炒腸粉️ xᴏ醬味道很香,只是聞到味道就令人流口水了‼️ 配上爽口的帶子、青紅椒絲、豆芽菜,很滋味‼️
▫️
❥$ 鮑汁雞腳 雞腳用鮑汁炆煮得很軟腍,輕輕一咬就可把雞骨頭吐出來‼️ 雞腳吸收了鮑汁的精華, 很入味很好吃‼️ 很快就ᴋᴏ了一整碟‼️

造訪日期: 2021年5月
感謝 msfoodloverr
該評論乃TripAdvisor會員主觀個人意見,不代表TripAdvisor LLC公司。
2021年5月25日 透過行動裝置

滿小館❤️
今日黎到尖沙咀一間特色高質中菜館,環境幾大幾闊落,食物擺盤都好精緻,睇得出花左好多心機經營,同朋友gathering或者同屋企人一齊黎食都好適合喔~
設有加一服務費
開水及茗茶每位$14

▪️黑蒜燉竹絲雞 $58
▪️姬松茸燉花膠 $68
"超開心有咁多款燉湯可以㨂 兩碗都好好飲 燉湯好香好足料 飲完個肚即刻暖和哂"

▪️梅香馬友煎肉餅 $148
"傳統特色煎肉餅 幾香口 唔會太油 用黎佐飯一流"

▪️水煮鱸魚片 $168
"超級大 唔會太辣 有麻香既感覺 鱸魚食落唔多骨岩哂好驚食到魚骨既我 除左魚仲有唔少配料 豆卜 薯粉都好入味"

▪️海味雜菜煲 $118
"份量都幾多 好多魷魚蝦同菜 個湯清清地連埋粉絲一齊食中和番頭先食水煮魚既辣"

卡娜仔提提你:除左普通既普洱香片茶之外,佢地仲有花茶可以嗌,岩哂各位養生既靚女~今次我嗌左桂花烏龍

尖沙咀麼地道63號好時中心地下31-41號舖

造訪日期: 2021年5月
感謝 kanalaw
該評論乃TripAdvisor會員主觀個人意見,不代表TripAdvisor LLC公司。
2021年5月23日 透過行動裝置

朋友們好鍾意試新餐廳而且呢間中菜館係Openrice訂座可享全單9折優惠,所以就揀咗係呢度食dinner

中菜館環境光猛舒適,店員服務態度唔錯呢度除咗有一般中菜餐廳常見嘅茶葉種類外,竟然仲有花茶供應不得不提花茶「瑰荔堂煌」,玫瑰及荔枝嘅味道真係好香好突出,並放喺保溫座保持溫熱,我哋都勁鍾意呢款茶,超級推薦

冰鎮荔枝西紅柿($68)
去皮蕃茄仔色澤紅潤,粒粒都索滿冰凍清甜荔枝汁,整粒放入口,即時爆到成口都係汁,真係勁juicy,味道酸甜好開胃大家都超鍾意呢道小食,必點

八味金磚($68)
豆腐新鮮熱辣炸起,外層金黃香脆,內裏則非常嫩滑,外脆內嫩令人食唔停口值得推薦但要小心燙到嘴!

甘香醬帶子($68/位)
呢道菜可根據自己喜好揀配帶子或軟殼蟹,我哋不約而同都揀咗帶子外層嘅脆漿包住日本刺身級帶子,帶子夠厚身,食落香脆啖啖肉,配埋生菜口感清爽甘香醬帶輕微嘅辣,但我覺得唔洗蘸醬都已夠味又好食

冰鎮咕嚕肉($128)
呢款係我鍾意嘅菜式之一可惜並唔係每間餐廳都有得食以冰粒鋪滿新鮮炸起嘅咕嚕肉,再係冰上以新鮮菠蘿及士多啤梨點綴,賣相吸引咕嚕肉外層冰凍,口感外脆內熱,細細粒之餘味道又酸酸甜甜,一啖一粒咁好合我心意

蟲草花泡菜苗($88)
菜苗有菜心或白菜可揀,菜心鮮嫩翠綠,配香濃湯底一齊食特別甜加配蟲草花則多添咗一份口感

脆米海皇泡飯($138)
泡飯湯底以雞湯熬製,另加入白飯、菜粒、蝦仁及菇粒等,食前再倒入脆米,口感非常豐富,味道仲好香甜朋友們都讚不絕口,非常推薦

餐廳仲會送蕃薯糖水做甜品,蕃薯煲到好腍,感覺清潤又唔會好甜,確係唔錯

總括嚟講,環境唔錯,食物幾高質,價錢亦合理,好啱三五知己或一班朋友聚餐,大家都對呢餐好滿意,絕對可以encore

造訪日期: 2021年5月
感謝 dyiongw
該評論乃TripAdvisor會員主觀個人意見,不代表TripAdvisor LLC公司。

去過The Moonious嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。