我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“超特色中菜館 仲有花茶可以嗌”
The Moonious的評論

The Moonious
香港排名第1,873 (共15,375家餐廳)
周圍地區: 尖沙咀
餐廳詳細資料
周圍地區: 尖沙咀
2 週前評論 透過行動裝置

滿小館❤️
今日黎到尖沙咀一間特色高質中菜館,環境幾大幾闊落,食物擺盤都好精緻,睇得出花左好多心機經營,同朋友gathering或者同屋企人一齊黎食都好適合喔~
設有加一服務費
開水及茗茶每位$14

▪️黑蒜燉竹絲雞 $58
▪️姬松茸燉花膠 $68
"超開心有咁多款燉湯可以㨂 兩碗都好好飲 燉湯好香好足料 飲完個肚即刻暖和哂"

▪️梅香馬友煎肉餅 $148
"傳統特色煎肉餅 幾香口 唔會太油 用黎佐飯一流"

▪️水煮鱸魚片 $168
"超級大 唔會太辣 有麻香既感覺 鱸魚食落唔多骨岩哂好驚食到魚骨既我 除左魚仲有唔少配料 豆卜 薯粉都好入味"

▪️海味雜菜煲 $118
"份量都幾多 好多魷魚蝦同菜 個湯清清地連埋粉絲一齊食中和番頭先食水煮魚既辣"

卡娜仔提提你:除左普通既普洱香片茶之外,佢地仲有花茶可以嗌,岩哂各位養生既靚女~今次我嗌左桂花烏龍

尖沙咀麼地道63號好時中心地下31-41號舖

造訪日期: 2021年5月
感謝 kanalaw
該評論乃TripAdvisor會員主觀個人意見,不代表TripAdvisor LLC公司。
發表評論評論 (14)
旅客評等
旅客類型
月份
語言

5 - 9 則評論,共 14

3 週前評論 透過行動裝置

朋友們好鍾意試新餐廳而且呢間中菜館係Openrice訂座可享全單9折優惠,所以就揀咗係呢度食dinner

中菜館環境光猛舒適,店員服務態度唔錯呢度除咗有一般中菜餐廳常見嘅茶葉種類外,竟然仲有花茶供應不得不提花茶「瑰荔堂煌」,玫瑰及荔枝嘅味道真係好香好突出,並放喺保溫座保持溫熱,我哋都勁鍾意呢款茶,超級推薦

冰鎮荔枝西紅柿($68)
去皮蕃茄仔色澤紅潤,粒粒都索滿冰凍清甜荔枝汁,整粒放入口,即時爆到成口都係汁,真係勁juicy,味道酸甜好開胃大家都超鍾意呢道小食,必點

八味金磚($68)
豆腐新鮮熱辣炸起,外層金黃香脆,內裏則非常嫩滑,外脆內嫩令人食唔停口值得推薦但要小心燙到嘴!

甘香醬帶子($68/位)
呢道菜可根據自己喜好揀配帶子或軟殼蟹,我哋不約而同都揀咗帶子外層嘅脆漿包住日本刺身級帶子,帶子夠厚身,食落香脆啖啖肉,配埋生菜口感清爽甘香醬帶輕微嘅辣,但我覺得唔洗蘸醬都已夠味又好食

冰鎮咕嚕肉($128)
呢款係我鍾意嘅菜式之一可惜並唔係每間餐廳都有得食以冰粒鋪滿新鮮炸起嘅咕嚕肉,再係冰上以新鮮菠蘿及士多啤梨點綴,賣相吸引咕嚕肉外層冰凍,口感外脆內熱,細細粒之餘味道又酸酸甜甜,一啖一粒咁好合我心意

蟲草花泡菜苗($88)
菜苗有菜心或白菜可揀,菜心鮮嫩翠綠,配香濃湯底一齊食特別甜加配蟲草花則多添咗一份口感

脆米海皇泡飯($138)
泡飯湯底以雞湯熬製,另加入白飯、菜粒、蝦仁及菇粒等,食前再倒入脆米,口感非常豐富,味道仲好香甜朋友們都讚不絕口,非常推薦

餐廳仲會送蕃薯糖水做甜品,蕃薯煲到好腍,感覺清潤又唔會好甜,確係唔錯

總括嚟講,環境唔錯,食物幾高質,價錢亦合理,好啱三五知己或一班朋友聚餐,大家都對呢餐好滿意,絕對可以encore

造訪日期: 2021年5月
感謝 dyiongw
該評論乃TripAdvisor會員主觀個人意見,不代表TripAdvisor LLC公司。
3 週前評論 透過行動裝置

今日來尖沙咀麼地道好時中心的滿小館晚飯
冰鎮咕嚕肉~好新奇,好特別,好食,外層鬆脆
鐵板蒜片牛仔柳~好香不過我覺有少少過了火喉
黑松露帶子炒蝦球~大大隻蝦勁彈牙要特別講吓佢哋啲茶,好特別,我哋叫左白桃烏龍,超香

造訪日期: 2021年5月
感謝 Ann_nn_Lam
該評論乃TripAdvisor會員主觀個人意見,不代表TripAdvisor LLC公司。
3 週前評論 透過行動裝置

“冰鎮咕嚕肉”($128)
“清酒煮南非鮑魚”($98/隻)
“鐵板蒜片牛仔柳”($88)
“燕麥金沙蝦球”($148)
“冰鎮荔枝西紅柿”($68)
“脆米海皇泡飯”($138)

其實我都幾鍾意食港式小菜架
見尖沙咀新開咗食精緻小菜嘅滿小館
即刻搵晚得閒過咗去食

嚟到基本上枱枱都會叫冰鎮咕嚕肉
一嚟到即刻要打個卡先
咕嚕肉個面凍凍地,食落皮脆肉嫩
伴碟仲有啲菠蘿同士多啤梨
清清甜甜夠哂開胃☺

平時麻麻鮑魚嘅我見咁多人推介清酒煮鮑魚
搞到忍唔住叫返隻試試
食落果然爽口,一啲都唔會韌☺
清酒味唔會太濃所以仲食到鮑魚本身嘅鮮甜
以前食親鮑魚都胃痛今次終於冇啦

鐵板蒜片牛仔柳都十分值得推薦
牛仔柳雖然大大件但入口勁腍滑
加上勁多蒜片夠哂香口

燕麥金沙蝦球都係我好鍾意嘅小菜之一
呢道啲蝦球size比出面大而且蝦肉十分彈牙
仲有呢道唔會整得太甜太溜
唔會食2件就飽哂

冰鎮荔枝西紅柿又係打卡必點
用高杯上好似甜品咁勁靚❤
用荔枝汁加上蕃茄仔嘅配搭好清新
忍唔住食完一粒又一粒

最後就係脆米海皇泡飯
脆米同泡飯會分開上,食之前先倒落去
雞湯底加上帶子,蝦仁,香菇,菜粒
非常足料

臨走之前姐姐仲送上木瓜雪耳糖水
食落夠哂清甜食埋真係超飽超滿足

造訪日期: 2021年5月
感謝 urfoodbuddies
該評論乃TripAdvisor會員主觀個人意見,不代表TripAdvisor LLC公司。
3 週前評論 透過行動裝置


平時食得日本菜同西餐多,有時都想食下中菜,所以今次就帶左屋企人黎食哩間新開既中菜館。

餐廳環境闊落,最特別既係唔止提供中式茶,仲有花茶可以揀,而且菜式精緻,好啱影相打卡。

餐牌上面既選擇好多,今次就揀左以下哩幾款。

瑰荔堂煌(茶)
入口有淡淡既玫瑰味同荔枝味,唔似中式茶咁濃,味道清新微甘。

冰鎮荔枝西紅柿
蕃茄已經去皮,入口爽甜,澆上荔枝汁同荔枝肉,食落去味道清甜,清新之選。

桂花紅酒雪梨
雪梨表面灑上桂花,入口滲出淡淡紅酒同桂花味,酒味唔會太過濃烈,味道酸酸甜甜,又帶有少許酒香。

黑蒜燉竹絲雞(燉湯)
燉湯好夠火候,味道好濃,飲得出係真材實料熬製而成,入口滋潤,超推介

冰鎮咕嚕肉
哩個咕嚕肉真係好有特色,每一件咕嚕肉都被蜜糖包裹住,冰塊令蜜糖能夠保持脆身既狀態,所以食落去既時候夠晒香甜同卜卜脆。咕嚕肉軟滑入味,醬汁酸酸甜甜,另有菠蘿、士多啤梨、三色椒等,好食推介

清酒蒸煮南非鮑魚
兩隻鮑魚都勁大隻 有手掌心咁大,而且已經起左出嚟同切好,好方便食。鮑魚好新鮮,有淡淡清酒既香味,唔會煮得過靭,超好食推薦

黑松露海鮮炆飯
黑松露味香濃,而且用上唔少新鮮蝦粒同帶子粒去炒,蝦肉夠彈牙,炒飯份量相當多,兩個人都食唔晒。

蟲草花泡菜苗
白菜苗嫩身爽脆,用上湯浸住,亦有唔少蟲草花,健康之選。

整體黎講,哩間中菜廳既菜式賣相精緻,味道唔錯,好啱同屋企人一齊黎食。

造訪日期: 2021年5月
感謝 mikochan0108
該評論乃TripAdvisor會員主觀個人意見,不代表TripAdvisor LLC公司。

去過The Moonious嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。