我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“抵食又好味嘅蠔吧”
Season Plus的評論

Season Plus
香港排名第4,893 (共15,375家餐廳)
周圍地區: 上環
餐廳詳細資料
周圍地區: 上環
4 週前評論 透過行動裝置

嚟到上環西街Season Plus蠔吧梗係要食蠔,佢哋做緊優惠買任何一枝紅白酒都可以用優惠價50蚊品嘗到一打精選生蠔又式者半打美國中碼生蠔。我哋呢次就叫左枝由熱情侍應所推介嘅花香味濃嚟自南非嘅Rhanleigh Sauviguon Blanc 。
生蠔新鮮,海水味好重,肉質飽滿,而一路飲住酒食,味道會截然不同,而呢隻白酒味道香甜,較易入口,用嚟配海鮮就最適合,更能突出其鮮味。
三成熟嘅美國安格斯肉眼:用天然嘅牛油面層最清嘅油來煎,下香草以油浸式煎封,使油香滲入肉裡,牛扒略帶血色,外皮呈焦黃,切開後周圍嫩粉,中間則呈亮紅色,牛味濃郁,油香滿溢,肉質稔滑,加埋伴碟嘅即炸薯角同埋黑醋沙律就完美。
煙三文魚沙律:清新清爽嘅沙律菜同軟稔口感嘅煙三文魚,配合埋酸甜適中嘅黑醋沙律汁,呢個配搭好啱依家開始悶熱嘅天氣食。
芝士牛油焗日本元貝:元貝size大隻,肉厚飽滿,用芝士牛油焗就最啱。
白酒煮馬尼拉蜆:馬尼拉蜆蜆身較細,但勝在更鮮更甜,加埋用白酒煮更能突出其鮮甜味,仲添加左陣陣白酒嘅清香。

造訪日期: 2021年4月
感謝 hkngtmfood
該評論乃TripAdvisor會員主觀個人意見,不代表TripAdvisor LLC公司。
發表評論評論 (4)
旅客評等
旅客類型
月份
語言
2021年5月8日

好少嚟上環卜公花園附近搵食,印象中呢一帶嘅食肆大多以咖啡店為主,不過最近就同朋友搵到間唔錯嘅西餐廳「Season Plus」。

餐廳位於上環西街,店內裝潢頗有氣派,以金啡色為主調,牆上掛了三幅抽象壁畫,色彩繽紛奪目,配上門外的楓葉裝飾,饒富異國情調。

餐廳主打海鮮同生蠔,另外亦有 All Day Breakfast、法包、沙律、意大利飯/麵、和牛漢堡、炸魚薯條等供應。

我哋點咗傳統早餐伴燒牛肉 ($168)、英式炸魚柳伴粗薯條 ($128),另外再加咗客白酒煮馬尼拉蜆 ($78)。每位 +$28 可配生果茶或咖啡、汽水 or 橙汁。

白酒煮馬尼拉蜆率先送上,一客有成十幾隻,隻隻都肥大肉厚,份量十足。蜆肉肥美嫩滑,味道非常鮮甜,入口完全無沙,帶白酒香和香草香之餘又不失海鮮嘅鮮味。

英式炸魚柳伴粗薯條:魚柳超大塊,勁厚肉,比我手掌還要長。外皮炸得很香口,乾脆富麥香。咬開見到入面的魚肉呈一瓣瓣,肉質嫩滑富魚鮮,甚是滋味。伴吃的薯條亦值得一讚,炸至外脆內軟,香口油潤,Yummy!

壓軸出場的傳統早餐伴燒牛肉亦睇頭十足,份早餐用料好豐富,除了主角燒牛肉外,還配有法包、雞肉腸、原隻大啡菇、新鮮車厘茄、茄汁焗豆、煙三文魚、黑松露炒蛋和沙律菜。牛肉很鮮嫩,而且不會燒得太乾身,份量亦不算少,有 5 大片。

雞肉腸煎得很香口,外皮夠脆又不油膩,一咬爆汁。炒蛋熟成度亦啱啱好,質感非常香滑,帶松露幽香。大啡菇水準也不錯,大大朵,肥大肉厚、鮮味又多汁。

煙三文魚亦唔失禮,嫩滑得嚟又帶點煙薰香,配香脆的法包吃,風味一流!

食完飲番杯生果茶,解膩又消滯,如果想任飲紅白酒,每位都只係需要 +$48,十分超值。

造訪日期: 2021年5月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過Season Plus嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。