我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“肥膩的B.O.T.H”

B.O.T.H. By Texas Burger
餐廳訂位
使用外送服務
香港排名第5,791 (共15,446家餐廳)
周圍地區: 荃灣
餐廳詳細資料
周圍地區: 荃灣
2021年6月3日

難得荃灣又有新餐廳進駐這天便跟車爸爸去吃個午餐!怎料吃上一場災絕對可以用難貼錢買難受來形容!

這次Lunch正是到座落於荃灣廣場三樓的B.O.T.H. by Texas Burger開餐,門面充滿熱帶風情內裡裝潢亦有特色,給我首個印象十分不錯!!

我們被安座於窗邊位處本應很開心的,但向上望原來是另一餐廳的位置,上面穿短裙下面低胸衫的女仕要留心!另外餐廳將窗邊座位安排成像巴士四人座那擺位,即是我們要全程要面對面跟另一檯的客人對食!!

既然坐下也不想麻煩調檯就點餐吧了!看看餐牌價位以這裝潢來説屬正路,而這Menu也跟上餐湯、咖啡、茶或精選飲品。

這天的精選飲品白桃果茶,笑料一則點茶時問侍應可否走甜答案是可以,然後另一位侍應來回話説走甜即只是紅茶!另外侍應連套餐包餐湯及餐飲亦不知道,以為只是跟其中一樣,可見職員訓練有多冇素!!

是日餐湯我們得到的是磨菇湯,味道不錯的而且有碎蘑菇粒在內,是我喜歡的口感和味道。

車爸爸選了德州燒烤牛肉漢堡$138,除了漢堡包外還跟上一客炸薯條,薯條炸得挺為香脆可惜味道實在太鹹。

這個德州鮮蝦牛肉漢堡分量十足,內裏包括有炸洋蔥圈、脆煙肉、芝士、生菜及厚厚的牛肉漢堡,伴上紅彤彤的自家製燒烤醬,大件頭賣相真的十分吸引!

根據check爸爸的評價這一個漢堡包口感真的很豐富,漢堡扒亦多汁但牛味不濃,但那個煙肉則硬到鎅口,洋蔥圈一咬下滿嘴也是油,最大件事那自家製的燒烤醬,真的可以鹹到有腎病啊!!

而我吃的墨西哥手撕豬肉三文治$118,寫文時才發覺他收了我$138!隔了一個星期後跟餐廳交涉,得到他們爽快地給回我們$22,這一點我是十分欣賞餐廳的處理手法。

可惜的是這三文治同樣得到災難級的感覺!薯條亦是鹹到吃不到多於四條,吃光後我怕會血壓高到爆血管呢!!

又來看看這個墨西哥手撕豬肉三文治有多爆!第一張相看見滿滿的手撕豬肉和一片半溶芝士,賣相絕對冇問題!

然後大家看看這和接下來的那一張相,大家看到那濃濃的油膩感嗎?

除了那一灘慷慨的油之外,那對手撕豬肉同樣地會吃到腎病也出來!大家想像一下又咸又油的感覺是怎麼樣,不想浪費車爸爸的金錢但也無奈地放棄了半件,我真的沒辦法吃不下去了!!

造訪日期: 2021年5月
    • 划算度
    • 服務
    • 食物
1  感謝 maggiemV9544SJ
該評論乃TripAdvisor會員主觀個人意見,不代表TripAdvisor LLC公司。
發表評論評論 (7)
旅客評等
旅客類型
月份
語言

2 - 6 則評論,共 7

2021年5月30日 透過行動裝置

人氣漢堡包店

知道人氣漢堡包店喺荃灣開咗分店,即刻嚟試吓。我哋喺開飯啦訂咗位,所以就唔使排隊,如果唔係即場walk in見嘅話,我哋見到現場都好多人排隊

今次就點咗:

德州燒烤牛肉漢堡$138 - 呢個漢堡入面有芝士、煙肉、洋蔥圈、生菜,當然仲唔少得牛肉同埋好好食嘅燒汁,成個包勁Juicy,食完係超級滿足。呢個漢堡包仲配埋薯條,所以一定唔會唔夠飽。

核果奶蓋班戟$118 - 呢個pancake,喺點餐嘅時候,店員就提醒要大概等45分鐘至一個鐘,當堂聽到,就覺得使唔使咁誇張,要等一個鐘先有呢個班cake可以食。但當呢個班cake嚟到嘅時候,就明白點解。呢個班cake唔止鬆軟,仲超級有蛋香,未食已經聞到個蛋香,鬆軟之餘,又唔會淨係得空氣喺入邊,即係嗰啲所謂嘅「空氣感pancake」咁,係絕對絕對非常好食,絕對係等咁耐都抵嘅。

Pink Panther milkshake $58 - 呢杯奶昔原價係$58 ,如果更個漢堡嘅話,就只係加$37就可以。呢杯奶昔係mix咗mixed berry,雪糕同乳酪。我個人來講就覺得略甜,不過都可能只係因為我唔食得太甜。

☕️Earl Grey chocolate $44 - 朋友仔點呢杯,佢話有好香嘅伯爵茶味,我諗我下次都會試一試呢個。

總體來講,呢幾樣食物都好好食,所以都明白點解咁多人排隊嚟食,我都覺得我一定會再嚟

B.O.T.H. by Texas Burger
荃灣大壩街4-30號荃灣廣場3樓337號舖

造訪日期: 2021年4月
感謝 foodieSsAdventure_HK
該評論乃TripAdvisor會員主觀個人意見,不代表TripAdvisor LLC公司。
2021年5月20日

餐廳環境開揚,有著落地大玻璃,感覺很舒服!

墨西哥香烤玉米棒,用上一整條粟米,粟米粒鮮甜爽脆,粟米上塗滿芝士碎、辣粉和香草,再灑上青檸汁,酸酸辣辣十分開胃!

墨西哥手撕豬肉三文治,這款三文治用上拌入墨西哥醬的手撕豬肉、芝士、菠蘿、炸豬皮和生菜!麵包鬆軟,手撕豬肉酸酸辣辣,十分開胃,加上有鮮甜多汁的菠蘿肉,還有很少在三文治內見到的炸豬皮,口感十足!薯條已灑上辣粉,粗薯條外脆內軟十分惹味!

燒骨髓牛肉芝士漢堡,非常特別的配搭,漢堡扒是手打漢堡,所以質感不錯!燒骨髓上面有還有芥末椰菜花,可以減去骨髓的油膩感!

Espresso Tonic,這杯飲品咖啡味很濃,帶有酸味,凍冰冰幾解渴!

Hawaii Beach,這杯飲品用上桃、菠蘿和梳打製成,有淡淡的桃味,感到很fresh!

造訪日期: 2021年5月
    • 划算度
    • 服務
    • 食物
感謝 EricaaaL
該評論乃TripAdvisor會員主觀個人意見,不代表TripAdvisor LLC公司。
2021年5月9日 透過行動裝置

上個月Texas Burger係荃灣開左分店漢堡包出名高汁!!!荃灣嘅餐廳裝修以綠色園林為主 店員安排我地坐落地玻璃隔離 仲有梳化位 用餐過程好chill
.
卡爾谷煙燻車打牛肉漢堡($138)
牛肉用左澳洲和牛同埋美國Prime牌子
咬落去肉味都幾濃郁 如果juicy啲會更好
包體有微微烘過 軟熟有牛油香
薯條脆脆地 調味都調得幾好~
.
水牛城雞翼($98)
雞翼醬汁辣辣地幾惹味
肉質嫩滑 除左雞翼仲比左其他部位
如果雞鎚可以換番雞翼會更好~
.
摩卡布朗尼新地($98)
呢個甜品賣相同味道都有驚喜!
店員會加水到底層嘅亁冰 就出現煙霧效果
吸睛之餘 布朗尼都有好香濃嘅摩卡味
布朗尼暖暖地配新地原來可以咁好食
.
Midnight Waltz ($48)
飲品有淡淡嘅提子味
檸檬梳打清爽得嚟又可以解膩
.
Pink Panther ($58)
Mixed Berry同乳酪味道都好濃郁
整體有鹹味同偏甜 飽肚之選

造訪日期: 2021年5月
感謝 cc90sgirlfoodie
該評論乃TripAdvisor會員主觀個人意見,不代表TripAdvisor LLC公司。
2021年5月3日

朋友今日 last day,約咗一齊食餐飯慶祝。知道友人愛吃漢堡包,特意同佢嚟呢間新開嘅美式小店「B.O.T.H. by Texas Burger」試下。

餐廳位於荃灣廣場3樓,店內面積很大,開放式門面,再配以一室綠油油嘅植物擺設,裝潢舒適,令人賞心悅目。

沿著用餐區往內走,原來靠近走廊這邊嘅環境更加吸引,不但擁有超高樓底落地大玻璃設計,而且景觀開揚,坐在窗前更可以一睹毗鄰綠樹林蔭的大會堂廣場,體驗一下鬧市中嘅寧靜。

每張檯都已經擺放咗一份餐牌,食物選項分門別類,由小食、吐司、三文治、燴飯、沙律、炸魚薯條、漢堡、安格斯肉眼,以至甜品及飲品等,應有盡有。

我哋點咗水煮蛋牛油果吐司 ($118)、提華納玉米脆片沙律 ($108) 同 德州燒烤牛肉漢堡 ($138)。三款食物都會附送餐湯或指定飲品。

是日餐湯為蕃茄湯,湯身熱度十足,質感綿滑,入口酸香醒胃。指定飲品係熱情果紅茶,紅茶帶豐富水果味,入口不太甜,冰涼解渴。

件吐司擺碟非常精美,用咗黑麥多士嚟承托,面頭再鋪上沙律菜、厚切牛油果和水煮蛋,賣相吸引!

牛油果送上時已切成一片片,入口熟度剛好,質感柔滑;半熟流心的水煮蛋更加係不能抗拒的誘惑,與牛油果簡直係最佳拍檔。墊底的黑麥吐司水準亦唔錯,包身煙韌,帶微微鹹香,加上入面有粒粒麥子,令口感提升不少。

富墨西哥風情嘅提華納玉米脆片沙律亦值得一試,玉米薄餅炸得非常鬆脆,既香口又不油膩,配清新的沙律菜、牛油果醬、Salsa 醬、芝士、辣椒等製成嘅沙律吃,食味一流。

德州燒烤牛肉漢堡喺餐廳嘅招牌作,當然唔可以錯過。睇下個漢堡幾厚身,入面夾滿了牛肉、洋蔥圈、煙肉、芝士、生菜同燒烤汁,上桌時還附有薯條,分量十足。牛肉嫩滑多汁、牛味濃郁,洋蔥圈炸的很酥脆,加上芝士溶化在口腔內,入口芝香滿溢,真係啖啖滋味。

一場嚟到,梗係要食埋甜品先夠完美。本來想試下核果奶蓋班戟,可惜一早已經售罄,唯有改點海鹽焦糖蛋糕 ($68);幸好亦沒有令人失望,不但賣相精緻,而且口感好豐富,香甜中帶微鹹,配襯海鹽焦糖醬,別具滋味,絕對能俘虜一眾食客心。

造訪日期: 2021年5月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過B.O.T.H. By Texas Burger嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。