我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“平價抵食”
B+BC cafe的評論

B+BC cafe
香港排名第2,537 (共15,454家餐廳)
周圍地區: 元朗
餐廳詳細資料
周圍地區: 元朗
2021年6月9日 透過行動裝置

喺元朗廣場食嘢呢間都算幾多人而且價錢合理同朋友試吓我哋各自嗌咗一個套餐
分別係滷唔水蛋牛腩飯同埋酥炸排骨麵

滷水蛋牛腩飯
份量好大
仲有燉湯同埋時菜
非常之健康

燉湯入邊都幾足料
真係有幾舊雞
同埋啲合掌瓜

滷肉飯亦都幾香
份量較大
但係牛腩就一般般了正常發揮

酥炸排骨麵
個湯底好濃郁
仲好似有啲藥材味添

造訪日期: 2021年5月
感謝 foodierlc
該評論乃TripAdvisor會員主觀個人意見,不代表TripAdvisor LLC公司。
發表評論評論 (9)
旅客評等
旅客類型
月份
語言

3 - 7 則評論,共 9

2021年5月31日 透過行動裝置

< 桂花小幸 > 元朗
元朗廣場最近新開咗呢間台灣野 三點食tea都等咗差唔多十分鐘 真係好多人食

滷水蛋牛腩雞肉飯 $69
牛腩份量夠多 有八大舊 而且牛腩唔會好韌 滷水蛋好入味 仲有時菜同雞肉飯 雞肉飯都好多雞肉 另外可以配滷肉飯 下次試下

桂花雞翼 3隻 $26
桂花雞翼大大隻 炸粉好薄 香氣十足 金黃香脆 另外可以點桂花蜜嘅汁 桂花蜜甜甜地 同雞翼幾夾

現做煎餃子 8隻 $52
煎餃子有八隻 呢個價錢幾抵食 餃子皮比較厚 不過煎得好香脆 入面好多饀 咬落仲有肉汁 可以點醋冇咁膩

台灣烤香腸 $28
一碟有十舊都幾抵食 呢款台灣香腸唔會好肥 有咬口 唔錯

芝士奶蓋阿華田 $30
芝士奶蓋好厚 阿華田幾濃郁 唔會太甜 值得一試

芒果純鮮奶 $29
夏天飲呢個啱晒 芒果同鮮奶兩者好夾 芒果唔係香精味 唔會好甜 飲到奶味 好好飲‼️

造訪日期: 2021年4月
感謝 blissfulfoodiary
該評論乃TripAdvisor會員主觀個人意見,不代表TripAdvisor LLC公司。
2021年5月16日 透過行動裝置

元朗廣場開咗間台灣餐廳
成日都好多人排隊
餐廳都算幾大
佈置亦顯得有心思
例如有個書架,有意思嘅牆壁
如果細心品嚐
都有台灣嘅感覺

食物種類真係好多
真係揀咗好耐,樣樣野都想食
價錢亦都大眾化
所以明白點解咁受歡迎

煲仔。塔香雞燉湯定食
煲仔夠熱、雞嘅味道都好濃郁
燉湯材料亦好足
最好味就係小食
$18有兩款,真係好滿足
滷水豆腐和黑醋茄子好夠味

手工花枝丸麵
湯底係養生清燉牛肉湯,都好甜同埋夠牛肉味,意料之外好味
另外在叫咗兩款小食
手拍小黃瓜及滷水蛋,勁正

飲品又係多到好難揀
最後叫咗脆脆阿華田
可以少冰微糖嘅選擇,啱晒我

造訪日期: 2021年5月
感謝 mcmtr
該評論乃TripAdvisor會員主觀個人意見,不代表TripAdvisor LLC公司。
2021年5月8日 透過行動裝置

今日同媽咪針灸完之後見到元朗開咗間台灣嘢,之前喺將軍澳食過覺得都唔錯,所以就同媽咪嚟試吓。

佢呢度嘅裝修都係行文青風,亦都有唔少卡位/梳發位,都幾舒服。

媽咪就叫咗個排骨肉操飯,佢個肉操飯都幾好味,唔會太咸,肉碎嘅份量又啱啱好。

但係個炸排骨就真係乾咗啲,原本佢嘅炸粉其實本身唔厚,但唔知係咪返咋嘅原因令到成塊豬扒好乾。

而我自己就帶咗個三寶牛肉麵。佢個牛肉湯都幾好,甜甜地咁,唔係藥材味嗰種。

佢啲牛腩都真係好腍,好入味,唔錯。

啲牛筋亦都真係諗到入口即溶,好有補充骨膠原嘅感覺。

而佢個面都確實幾好食,夠晒彈牙。

飲品我自己就揀咗個白桃烏龍蘆薈,淡淡的土味再加埋微甜嘅茶,我覺得幾好飲。媽咪就試咗佢哋嘅鐵觀音珍珠奶茶,佢呢度啲茶全部都係有個茶包喺入邊,所以茶味都好香。

最後我試埋佢個仙草甜品,入邊有好多配料,有珍珠紫薯椰果,感覺都幾滿足。

造訪日期: 2021年5月
感謝 malkayiu
該評論乃TripAdvisor會員主觀個人意見,不代表TripAdvisor LLC公司。
2021年5月2日 透過行動裝置

個人推介指數 7.5分 (10分為滿分) - 台式料理一向是港人的至愛之一, 而台式飲品更是成巷成市. 此台式料理店, 除了價錢大眾化, 食物質素也有相當水準, 加上提供各式各樣的台式飲料, 在炎炎夏日偷偷來到的時刻, 確是一個消暑的好去處.

太久太久沒有外出和太太共進晚餐, 是晚一定要食頓豐富的晚餐.
我本人除了愛吃日式料理, 台式料理加台式飲品也是我柸茶. 

家裡附近有間開了不太久的台式料理, 之前有幫襯過旁邊同店的台式飲料店, 
味道和價錢也相當好, 是晚就來試試他們的料理吧.
我和太太也充滿期待呢, 只因太久沒外出用膳了. 

這裡的裝修給人簡約舒適之感, 地方闊大, 雖然晚市要稍等一會, 員工的服務和安排也做得很好.

這裡還有用APPS 點餐, 方便易用, 減少和服務員接觸的機會, 值得一試

我們分別點了一個小食, 兩個主食, 三柸飲品和一個甜品, 真的是大滿足.

先來的是椒鹽花枝丸

太太一向是花枝九的粉絲, 這個花枝丸, 外層鬆脆, 花枝丸咬下去口感相當有彈性.
加上適量的椒鹽調配, 基本上不用點醬來吃, 是首選的開胃小吃.

再來是有點瘋狂的三柸飲料, 主要是我之前未飲過芝士奶蓋, 
又在烏龍茶和綠茶間難以取捨, 最後點了兩柸, 解決了選擇因難症.
太太出奇地點了柸脆脆阿華田, 女仕的心真的很難捉摸, 還以為她必點水漾果茶.

其實就是飲這三柸飲料, 不論味道和份量也不錯, 我個人已經很滿足了. 
芝士奶蓋比我想像沒那樣重芝士味, 但其和茶混和後, 有一股很好飲很特別的味道.
有點像清新VERSION的奶色. 不過個人認為夾烏龍茶的味道更清新. 

太太點了養生清燉牛腩面.
那個湯底真的很清純, 牛味香濃, 就是純飲這個湯也讓喉嚨十分舒服.
牛腩鬆軟入味, 面質彈牙, 是一個高質的料理.

我就愛炸物, 所以點了酥炸排骨魯肉飯
先不說那GIANT級的炸排骨和入味的魯肉飯, 
其粗似蛋黃醬的醬料才是主角. 
輕輕把香脆排骨的味道大大提升, 回味無窮.

最後我們把枱上的食物清理了九成後, 雖然肚子滿滿, 但還是想試試這裡的甜品. 
紅綠豆薏米黑糖冰仙草

是晚其實也頗炎熱,  能夠以此透心涼的台式甜品作結, 實在完美.
仙草更是我的最愛, 少少的甘味, 混和黑糖和沙冰, 每一口也是滿足.

整体來說, 水準十分高的台式料理, 重點是價錢大眾化, 我和太太肯定會再來.

造訪日期: 2021年5月
感謝 taste1315
該評論乃TripAdvisor會員主觀個人意見,不代表TripAdvisor LLC公司。

去過B+BC cafe嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。