好耐無食正宗的印度菜，今日同朋友去到尖沙咀這間店，店舖很舒適整潔。

首先是頭盤 samosa chaat，是咖哩薯角配秘製乳酪醬及羅望子酸醬及薄荷醬，脆脆的薯角加上特別的醬汁，酸酸地，有乳酪味及薄荷味，很有層次感，好醒胃。

天多里爐烤肉併盤，有雞肉，鯖魚，羊肉，用傳統的烤爐燒烤，保持肉汁及鮮嫩，而且有香濃的烤香味，味道很好。

蕃茄洋蔥香料煮椰菜花，汁料香甜，椰菜花新鮮爽口，好好味。

當然還有 NAAN 烤餅，有原味及蒜香味，很乾爽，不油膩。

其實真係好少機會食到印度同埋中東菜式，我覺得依度係一個神秘嘅地方，冇乜人認識，但係其實坐得又舒服，環境又清靜，員工每一個人其實都好好禮貌，入場嗰陣酒吧嘅哥哥同你打招呼，走之前，有人會問你覺得個餐飯點樣，好有人情味。

首先是有一個黑松露蘑菇湯，超級好飲，佢可能係一啲中東嘅香料令佢滋味百倍。

雖然午市來講有啲貴，但係我食呢個意粉真係一試難忘，俾多次機會我，我都會叫意粉，但係係叫佢左右隔離嗰啲，試吓係咪每一個意粉都咁正，呢個意粉我俾100分！

仲有叫咗個印度嘅冇烤餅，佢有五款醬汁，影相已經夠靚，食落仲係好正！五樣醬汁裏面，鷹嘴豆泥我麻麻地，但係其他我都好滿意。

最後我嗰杯嘢飲其實人人都介紹過，就係芒果Lassi，好值得一試再試！

這家印度及地中海自助餐，只在周末供應，環境寛闊，還有戶外花園座位選擇。食物方面，除了有一盤盤的菜式可以隨便添加，還有廚師駐場，即場炮製街頭小吃。可以請師傅炮製脆米球，一口吃下去，酸酸甜甜又刺激清新。師傅還順道弄撈餅和撈脆脆，出乎意料地美味，口感一流。

印度飯粒很修長，有白飯和炒飯可以選擇，炒飯蠻美味呢！白飯可以配上不同種類的咖喱，有辣有不辣，任君選擇，連印度芝士咖喱也有，這個就完全不辣。

印度芝士也有沒有醬汁的，比平常吃到的豆腐味道還好。另外有天多利肉類選擇，有雞有魚，還有不同醬汁配搭。

享用印度料理除了吃飯，主糧離不開naan，有蒜味和原味，用烤爐烤製，絕對不是現貨。另外有外型好相似的彼得包，這個是地中海主糧，配鷹嘴豆蓉同紅菜頭，已經很好吃。

這天甜點有兩款，一款是紅紅的，類似椰絲蓉的醬泥，吃過才知道是甜的，但味道很好。另一款尾聲才推出來，叫做Rasmalai，像是不會溶化的冰淇淋，會吃上癮。

每人會有一杯飲料，他們連lassi都不會太甜，甜點也是不會超甜，好會拿捏香港人口味。青檸梳打很有青檸味，不會有太多水沒有味道，超級解膩。

餐廳環境裝飾時尚，空間寬敞，燈光有情調，有幾張卡座，正好可以舒舒服服地邊食邊傾計。

餐廳提供印度菜及地中海菜，今晚集中點了印度菜式，有前菜Chaat、各式咖哩、烤餅、香飯，亦有多種甜品及飲品，特別一提菜單沒有提供牛肉，絕對是正宗印度菜單。

CARAT Butter Chicken $138
每次試新印度餐廳都一定先點Butter Chicken試試水準，以蕃茄作為咖哩的基底，一呷辛香料的香氣豐富，加上濃郁的忌廉，口感豐厚同時帶有辣勁，甜酸香辣俱全，不但十分和味而且層次豐富細緻，雞肉件件厚身嫩滑，十分有水準。

Plain Naan $32
另一項必點的是Plain Naan，個人喜歡Naan多於Roti及Paratha，因為能品嚐到最單純的小麥香，不加牛油或蒜蓉，配撘咖哩的芳香濃郁，有如以白飯配小炒，Naan厚薄適中，外層香脆而內裡鬆軟，實屬上品。

Gosht Biryani $158
Biryani是印度香料飯，用的是正宗的印度Basmati長米，粒粒分明但口感鬆軟，富有米香，以各式的香料燉煮，細嚼下完全釋出香料風味，加上當中大大件的羊肉，肉質口感軟滑柔韌，羊肉真味豐美，將伴碟的Papadum壓碎，加入乳酪醬汁同吃，每一口都有口感味道不同的滋味。

Mango Lassi $68
最後亦點了一杯Mango Lassi，純粹天然的芒果酸香，加上乳酪的酸甜適口，腴而不膩，是夏日佳饌。

✨印度X地中海自助午餐小編真係第一次食, 真係大開眼界， 現場仲有印度大廚即席烹調印度街頭小食， 成個感覺都幾特別， kkday而家都做緊優惠$258/位

尼爾吉里秘製大蝦: 小編最鍾意食呢個蝦碌， 辣得好過癮， 酸酸甜甜好開胃

幾款印度咖哩雞: 食印度菜點少得咖哩雞， 小試牛刀咗好多款雞之後， 覺得牛油蕃茄咖哩雞最得我心， 雞肉比較 嫩滑而且好入味。

蜜糖小丸子: 好傳統嘅印度甜品， 聽聞係印度女生最愛之一， 真係好甜下， 好似我哋平時嘅傳統甜湯圓咁， 但係冇咁冇咁煙韌， 因為係用麵粉做嘅， 異國風味值得一試。

芒果Lassi: 印度飲品嚟講小編最鍾意呢款芒果乳酪， 加入新鮮芒果原材料及乳酪blend成， 酸酸甜甜消暑又解辣。
~~~~~~~~
味道: 8/10
賣相: 8/10
️環境：8/10
‍♂️服務: 8/10
性價比: 8/10
人均：$258@
⏪回頭率：80%