現時的印度菜越來越專業，還有 Fine Indian ～

［ 菠菜葉豆蓉脆餅 配薄荷羅望子酸甜醬及乳酪 Palak Patta Chaat ］

好特別的一道菜，見到個樣同星星推介，第一時間即下單了。
賣相很討好，有聖誕節般開心氣氛，入口是酸酸甜甜的，脆餅及乳酪多重口感，咀嚼多兩下即感到甜中帶辣，而且是越來越辣

［皇室烤餅 Sunhari Lachha Naan ］
無想像中咁冧咁松，軟硬兼備，朋友說有少少似中式蔥油餅 當中用了番紅花、罌粟籽、杏仁去調味，幾特別。

［海得拉巴雞肉香飯 Hyderabadi Murgh Dum Biryani ］

白咖喱：薄荷青瓜，好Fresh，但三秒後就知—— 都幾辣架！ 立即噴火
黃咖喱：正常口味，好大陣香茅味～

而個飯（米粒）唔似平時米飯嘅口感，反而似碎碎的媽咪面浸冧咗再炒翻乾嘅口感 各花入各眼啦，我朋友勁中意食～
雞肉全熟，所以一絲絲的，不過勝在夠香，濃濃醬汁縮在肉里

［西印信德省慢煮羊肉咖喱 Sindhi Gosht ］
店員話驚我齋食Naan會dry，建議我嗌個咖喱一齊食。
香料用了藏茴香籽、小豆蔻、香葉，做成特濃咖喱，配合飄香的羊騷味，勁合襯。重口味人士必選。

Dessert

［玫瑰糖蜜餞球 Gulab Jamun ］
甜到入心，有淡淡的玫瑰香，好特別

［秘制印度甜奶球 Homemade Rasmalai ］
類似豆卜咁網狀球形，但裡邊系豐富的奶汁，香濃甜蜜

餐廳最注目的是一大個酒櫃及吧台，還有一個種滿綠色植物的戶外露天茶座，佈置得如同一個小型花園，Chill 得來充滿格調
在香港要同時具備地中海及印度菜式的餐廳不多，而餐廳裡最有名的是 Tandoori 及烤餅，自家設有 Tandoor 窯爐，慢慢用炭火把食材烤熟，令食物帶一點焦香的香氣
Roasted New Zealand Lamb Shank $168
都幾大隻羊膝，好淋好入味，底部仲有好多蔬菜及薯蓉，不錯不錯
Chicken Lovers Pizza $148
勁多芝士，芝士迷大愛，如果佢個牛油果再Creamy D就Perfect
Carat Butter chicken $138
印度菜必叫當然係咖喱啦，好香好濃郁，配上一塊即烤的香脆薄餅，令人回味無窮。Garlic Naan $38
Gosht Biryani $158
蕃紅花薄荷羊肉飯，味濃又多羊肉，米飯煮得岩岩好，唔會太硬或太淋，出色
飲品叫了Mango Lassi $68及Ginger Beer $38
前者都幾驚喜，芒果味濃
後者就正正常常，薑啤一杯

▫️Old Delhi Chaat Platter
係黎自新德里既懷舊拼盤，呢個頭盤建議盡快食，唔係脆餅就會淋哂，無哂口感
1. 乳酪扁豆蓉脆餅 : 微辣，粟米片上面甜中帶點酸既乳酪，好開胃
2. 脆炸扁豆小餅：好清新，甜而不膩
3. 印度特色鷹咀豆空心脆：呢件好驚喜，一咬落去，醬料湧流入口，好豐富的口感，再食完再食

▫️Veg Awadhi Rolls
係印度既小食，雜菜果仁芝士餅卷，有濃郁的芝士味，一咬俾佢玩左，以為脆既，點知成舊係林既，相信係豆蓉配合果仁、青椒、香草等碎碎搓成一團，再好似壽司咁捲埋

▫️Roasted New Zealand Lamb Shank
烤羊膝配合地中海特色醬料，一d都唔羶，肉質好林，可見烤既時間好長，好入味，加埋外面既肉汁加薯蓉，混在一起好juicy，加上伴碟好多蔬菜，好開心

▫️Murgh Saag & Sunhari Lachha Naam
傳統印度菠菜蓉咖喱雞配合皇室烤餅，烤餅同平時烤既方式有點不一樣，平時都係平面一塊，佢係一團咁，開花咁，所以有好多脆邊，又軟熟又脆，加上番紅花、罌粟籽、杏仁黎整，好特別，好好味呀，加埋菠菜蓉既咖喱雞，一d都唔油膩

CARAT Fine Indian and Mediterranean Cuisine
朋友介紹的好味又正宗的印度菜，菜式包羅萬有，價錢親民之餘，餐廳環境亦甚為舒服，另設户外露天座位

Old Delhi Chaat Platter分別包括甜辣粟米脆餅、脆炸小扁豆餅及印度特色鷹嘴豆圓脆餅，非常有印度風味嘅小食，脆餅以不同形態加配醬料，形成各有特色的前菜。特別喜歡脆炸小扁豆餅，賣相十分精緻，格外醒胃

CARAT Butter Chicken + Plain Naan
離遠已經聞到香味撲鼻，奶油令到雞肉的味道更加豐富，吃起嚟唔會覺得肥膩。香料惹味帶微辣，用非常鬆軟的Plain Naan嚟點牛油雞，簡單又匹配的組合。

同男朋友去咗尖沙咀staycation，晏晝見冇乜嘢做就出咗去搵吓有啲咩食。一直都想試印度咖喱，就遲遲都未試到。咁啱經過，見到呢間餐廳嘅人叫我哋上去試吓。見係食印度野嗰啲，就走咗上去食。

一入到去，環境好企理，而且空間好闊落，絕對唔會迫。我哋一坐低侍應就問我哋飲啲咩，我哋就揀咗sparkling water，侍應仲幫我哋喺sparkling water度加塊青檸，好清新。

我哋因為唔係好肚餓，所以就嗌咗一個沙律、一個咖喱、一份烤餅再加多杯嘢飲。

點知個沙律一嚟到，原來係超級大碗，我同男朋友嚇咗一跳，超級抵食。入面嘅配料都有好多，有雞肉、芝士、牛油果等等嘅配料。
而佢哋嘅咖喱都冇令我哋失望，同我哋喺平時出面食嘅咖喱完全唔一樣。呢一度嘅咖喱香料味真係好香好重，而且有夠辣，啱晒啲鍾意食咖喱嘅人。☺️☺️再配埋佢哋嘅牛油烤餅，兩個簡直係絕配。食食吓咖喱因為覺得有啲辣，所以就嗌咗杯mango lassi飲。杯嘢飲好重芒果味，酸酸甜甜咁，啱晒啲鍾意飲芒果嘢飲嘅人。
下次想再食印度咖喱嘅時候，一定會再嚟呢一度食。