我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“美味和食料理”
Kokonoi Shokudo的評論

Kokonoi Shokudo
香港排名第6,703 (共15,301家餐廳)
餐廳詳細資料
4 週前評論

今日天氣唔錯,加上又係星期日,本來打算去睇場戲再 Shopping,點知有人興致勃勃,話要帶我去行山。

原來有人一早已經擬定好路線,由灣仔峽公園行去香港仔水塘,好彩都唔算太辛苦,行畢全程都只係用咗兩個多小時,連我這個行山初哥都能輕鬆駕馭。

行完山有點攰,又肚餓,最方便就是去香港仔中心搵食!估唔到有人連午餐都已經安排好,預早喺「九井食堂」訂咗位,認真細心。

餐廳午市有定食供應,我哋點咗九州牛肉拉麵 ($82) 同 蒲燒原條鰻魚 ($98) 各一客,另外再加咗刺身、壽司、天婦羅同小食。

無諗過佢哋嘅午餐咁抵食,除咗主菜外,仲可以任食沙律、麵豉湯同飲品,全部都唔需要額外加錢。

碗拉麵係豬骨湯底,湯頭濃而不鹹,入口滲出淡淡醬油香,好夠味,唔錯。牛肉份量頗多,肉質嫩滑,一點也不嚡口。至於其他配料就仲有粟米、鳴門卷、溏心蛋、紫菜同木耳等,非常足料。

鰻魚定食配有白飯,如果想轉鏗魚飯素、烏冬、拉麵、 紫菜溫泉蛋丼或鰻魚炒飯,就要另 +$5-$20 不等。鰻魚肉質好滑溜,食落帶點焦香,加上肉身夠厚,醬汁甜蜜味美,絕對是水準之作。

碟三文魚刺身 ($45) 亦唔失禮,件件都好肥美,新鮮油潤,而且色澤亮麗又夠厚切,味道鮮甜。

另外碟火炙三文魚腩壽司 ($30) 口感都唔錯,魚腩經火炙後逼出魚油,令魚香味更加突出,食落甘香可口。

壓尾送上的海老天婦羅 ($45) 同 炸墨魚咀 ($35) 也不輸蝕,蝦天婦羅外面炸至金香薄脆,內裡爽滑彈牙;墨魚咀外層脆身、內裡軟熟,香口非常!

食完飯梗係要食返啲甜品先夠完美,點定食套餐,加 $12 就可以換購 Mövenpick 雪糕一杯,咁筍,當然唔可以錯過, 一人一盒唔使爭。

造訪日期: 2021年4月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
發表評論評論 (2)
旅客評等
旅客類型
月份
語言

去過Kokonoi Shokudo嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。