我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“食肉獸大發作”
金記冰室的評論

金記冰室
香港排名第7,496 (共15,374家餐廳)
周圍地區: 香港仔
餐廳詳細資料
周圍地區: 香港仔
3 週前評論 透過行動裝置

近排與友人行完山,她們提議去香港仔金記冰室;我才知道佢地又開多一分店。食肆燈火通明;佈置簡潔,令人有一種休閒舒適感覺。
冰室的食物方面由於走大衆化線路,價錢相宜而食物份量十足;味道整體都唔錯。正如今次我們所點的扒餐為例,一百元嘅鐵板餐有餐湯和飲品,主菜可配飯、意粉或薯菜,算係經濟實惠 。
羅宋湯
熱騰騰的濃湯內有很多蔬菜,甜甜酸酸甚為醒胃。
西冷牛扒配薯菜配黑椒汁 $102
兩件厚切牛扒足足有8安士,真材實料。廚師火喉控制得宜,約七成熟;因我不太喜歡血淋淋 ,牛味濃郁。
美式雜扒配薯菜配燒汁  $98
有簿牛扒、雞扒、豬扒、腸仔和煙肉,全部大大件;肉質淋滑和味道恰到好處。值得一提的薯條是剛剛炸完,所以外脆內軟;食到停唔到口。
最后便是餐飲,我們叫左熱檸檬茶和熱檸水,貪佢能去膩和健康些。豈料當飲品送到我地眼前時竟然見到D檸檬每杯有五片之多,真係貨真價實。

造訪日期: 2021年5月
感謝 shirleymonmon
該評論乃TripAdvisor會員主觀個人意見,不代表TripAdvisor LLC公司。
發表評論評論 (2)
旅客評等
旅客類型
月份
語言
2021年4月26日

早排去咗行香港仔水塘,沿途風景非常優美,加上涼風送爽,令人心曠神怡。有人意猶未盡,話要再接再厲,決定趁盛夏來臨之前,再嚟多次。

感受完大自然的氣息,又係時候去搵食。上網 search 下附近有乜嘢新餐廳,原來香港仔中心 3 期新開咗間「金記冰室」,兩口子一向對冰室都有情意結,今次就一於嚟呢度開餐。

店舖嘅面積都幾大,座位闊落舒服,加上裝修摩登新潮,所以都吸引咗唔少附近嘅街坊同上班族捧場。

因為剛才行了兩個幾鐘,大家都覺得很肚餓,所以食物一送上,就率先食咗兩份下午茶餐。碟乾炒牛河 ($50) 鑊氣甚佳,雖然啲河粉炒得唔算好乾身,但夠味又條條分明,內有很多芽菜和牛肉,用料十足。

至於碟星洲炒米 ($48) 亦似模似樣,雖然係下午茶餐,但完全無將貨就價。米粉炒得油亮均勻,金黃咖喱及特配香料濃香撲鼻,混上港式叉燒、蝦仁、火腿、洋蔥和蛋花等,入口香辣有鑊氣,刺激味蕾。

+$16 仲可以配碟白灼菜心,菜心很鮮甜,入口幼嫩又無渣。

金記三文治 ($44) 賣相不俗,麵包烘得色澤金黃,甚為誘人。睇下幾足料,除了雞蛋、火腿和蕃茄之外,仲有餐肉、生菜同芝士等,加埋層層夾住嘅烘底麵包, 無論味道同口感都好豐富好滿足!

另外點咗已經好耐無食過嘅雞批 ($14@) 同酥皮蛋撻 ($7@),雞批餅皮酥鬆略甜,入面的餡料有濃濃的奶油和雞肉香味。

至於個蛋撻水準亦唔錯,酥皮厚薄平均,蛋香突出,甜得來不膩,吃完也不覺得滯。

一場嚟到,梗係要食埋甜品先走,點咗客金粒西多配雪糕 ($40),麵包切到像麻將大小,再沾蛋漿去炸,蘸點糖漿趁熱食,外脆內軟,非常滋味。

跟餐飲品點咗凍奶茶 (+$3) 同 凍檸樂 (+$3),玻璃杯的凍奶茶,入口奶滑茶香,夠晒風味。

造訪日期: 2021年4月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過金記冰室嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。