我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“樣樣都必食!真係好正🤩”

安平烧肉 (荃湾)
香港排名第1,657 (共15,387家餐廳)
周圍地區: 荃灣
餐廳詳細資料
周圍地區: 荃灣
2021年5月19日 透過行動裝置

想試這間來自台灣過江龍燒肉店很久了,終於上網book到枱,食早段七點半前離座仲優惠

揀咗m5澳洲和牛餐 $358假期前夕加20蚊吃到飽

地方超好坐,座位超大很舒服,就算一次過嚟好多嘢都唔會逼呀

店員服務好周到,一坐低已經講解同介紹食物
有自助區蔬菜和飲品類仲有一個櫻花滷肉飯,正呀!

每人送一份精選牛舌心,真係超級爽口高貭!脆口得嚟又有牛香

like and share facebook每人送一杯胚芽珍珠奶茶,比其他茶飲店都好飲仲好健康添

燒肉質素很高,澳洲和牛,很濃郁入口軟香,佢哋配製嘅醬汁唔會太鹹,加上少少檸檬汁解膩真係唔錯!

牛小排-油脂分佈均勻真係去到入口即溶,要不停追加

有很多海鮮類
牛油帶子-超大隻新鮮,很鮮甜加上牛油香可以食咗好幾隻呢

牛仔骨,牛肋條,非常入味,肉質鬆軟

牛種類和個位實在太多,每樣都叫一碟試下先

仲有豬和雞都係唔錯,特別喜歡豬頸肉,你點解上海鹽已經非常之香

雖然已經超飽但係忍唔住要再試櫻花滷肉飯
果然名不虛傳,櫻花蝦配上紫菜和蔥花,加上櫻花滷肉,好香好香,配一口燒肉真係更加正

仲有甜品呀
檸檬愛玉-很正宗台灣嘅味道,夏天食很適合,愛玉清涼又夠凍,仲可以揀哈記嘅雪糕添

好滿足!一定值回票價,400蚊左右可以試齊曬咁多高質食物,兩個鐘夠曬時間啦!重點係地方舒服、服務好、質素高

造訪日期: 2021年5月
感謝 MandyMak0904
該評論乃TripAdvisor會員主觀個人意見,不代表TripAdvisor LLC公司。
發表評論評論 (14)
旅客評等
旅客類型
月份
語言

4 - 8 則評論,共 14

2021年5月19日 透過行動裝置

第二次食安平燒肉今次試吓佢荃灣分店
地方都幾大,今次都係有卡位坐,卡位真係舒服好多
.
今次都係食澳洲M5和牛餐
呢個餐重點嘅澳洲M5和牛肩胛肉我哋都叫咗兩次☺️兩款都係油脂豐富啲嘅
另外都有叫平少少少嘅SRF牛肉餐嘅肉,其實都唔錯。
另外跟M5和牛餐送每人兩條牛舌芯,牛舌芯係條狀,燒完之後食落好有口感。
不過都係每人淨係得兩條,想要多啲就要俾錢
不過好彩仲有薄牛舌可以任叫,所以鍾意食牛舌嘅人唔使驚
.
豬類依然係推薦原住民鹽燒肉!
五花肉燒完好好食,雖然真係好肥
跟嘅秘制醋汁好正!
.
今次叫咗上次冇食到嘅台灣小枕頭但原來入面係中空嘅,食落本身冇咩味,真係靠煉奶吊味
.
飲品方面,like佢哋ig就每人有一杯胚芽珍珠奶茶,不過我之前試過,今次都係叫返少糖冬瓜茶!
另外唔少得要出去拎無糖茶飲。
.
最尾仲有甜品揀咗雪糕

造訪日期: 2021年5月
感謝 eatying
該評論乃TripAdvisor會員主觀個人意見,不代表TripAdvisor LLC公司。
2021年5月18日 透過行動裝置

Hello我係Moon
雖然而家天時暑熱,但仍然無阻我好想燒嘢食嘅慾望,平時返工咁辛苦,當然要食返啲好嘢效勞下自己順便報答下家人。

作為奄尖嘅人,我越嚟越注重食物嘅質素,就算係放題都好都要揀上乘質素,咁就可以魚與熊掌兼得啦。

遊勻咗各區之後最後都決定去安平燒肉滿足下慾望,呢一間燒肉最吸引嘅地方當然就係有極黑牛,仲要係有唔同嘅部位可以瘋狂咁食,真係成隻牛都試勻晒都仲得

未燒嘢食之前當然要叫啲頭盤小食,當中就有我鍾意嘅鴨舌,當然配滷水汁就係最夾嘅配搭,從色澤上已經睇得到都滷咗好一段時間先可以令到鴨舌咁上色

極黑牛肩胛肉,有所不知,肩胛部位原來就係隻牛經常運動嘅部位,因此筋肉發達,肉質又結實,感覺就會同食西冷嘅肉質接近, 但因為偏向薄切,所以完美克服左肉會韌嘅問題

安格斯牛小排,驟眼一睇已經見到油花好多,肌肉亦厚實、感覺上越多油花會令肉口感食食吓變到甜甜地。另外仲有一個特點,就係燒嘅過程中油脂會滋滋聲好突出,呢啲就係令人食慾大增嘅原因

澳洲M5和牛: 輪到主角出場啦,鮮艷嘅肉紅色再配純白嘅油脂,未食先好好比眼睛享受,可以用鮮嫩形容味道,最好就燒到七成熟就足夠,用中至大火煎先可以鎖住肉汁。另外雖然餐桌旁邊有一樽油但係唔需要放油,因為和牛油花會受熱溶化,仲會越燒越香,食得到同事亦都聞得到,再加埋視覺嘅享受,對我嚟講真係夠晒難忘!

最後MoonMoon真係好滿意依間燒肉吃到飽呀

造訪日期: 2021年5月
感謝 m00nhalf
該評論乃TripAdvisor會員主觀個人意見,不代表TripAdvisor LLC公司。
2021年5月8日 透過行動裝置

母親節將近,特地放半日大假陪媽媽食燒肉放題,首選近期大熱的『安平燒肉』,相比熱鬧的晚市,午市相對悠閒,用餐時間有 2 小時,足夠我和媽媽開懷大食了。

餐廳環境舒服寬敞,共有4種套餐可以選擇,包括原住民鹽燒豬肉,安格斯嫩牛,SRF極黑牛和最頂級的澳洲M5和牛套餐。‍♀️

甫坐下,店員就有禮地介紹枱上的5款醬汁,令人印象良好。

✨✨✨澳洲M5和牛套餐✨✨✨

先由最最最吸引人的牛肉開始食~

牛舌芯 (M5 和牛套餐 贈送)
每人有 2 條,燒好的牛舌芯口感煙韌有牛肉味,沾上岩鹽和黃金醬同食,更美味。❣️

澳洲M5和牛
十級推介,M5 和牛肉質柔軟且油脂豐富,入口超軟滑。❣️

極黑牛肩胛肉
脂肪雖不及M5和牛豐富,卻同樣軟淋,肉味極濃。❣️

安格斯牛小排
好吸引,有齊脂肪重,肉味濃的優點,唯不及 M5 和牛軟滑。❣️

三角牛肩肉
牛肩經常運動,肉質較有咬口,肉味香濃。❣️

海鮮~~

帆立貝
帆立貝都幾大隻,加入牛油和黑胡椒,
燒好香滑,好鮮味。❣️

虎蝦
虎蝦同樣非常有質素,填4 ,真的送來4 隻大虎蝦, 肉質爽口彈牙,連媽媽都讚好。❣️

小食~~✨✨

烤豬肉乾
非常特別,豬肉乾放在爐邊慢烤,果香味道突出。❣️

烤雞泡魚乾
一條條已剪好,極乾身,有魚的香甜味,
唯很易燶,需放爐邊慢烤。❣️

鹽酥雞
鹽酥雞趁熱食,口感酥脆香口。

櫻花蝦乾拌手工麵
撈麵內有青瓜絲,蔥粒,豬肉碎櫻花蝦乾,
拌入 撈麵,口感豐富。❣️

特別推介:
櫻花蝦+滷水汁拌飯
餐廳附有櫻花蝦區域,可以取到炸得香噴噴的油浸櫻花蝦,還有台式滷水汁,簡單配白飯, 已經非常滋味,連同 M5 和牛同食, 味道非常出眾 !!❣️

食完一輪燒肉,還有Haagen Dazs 雪糕作結,
媽媽和我都非常滿足。

餐廳環境舒適,店員有禮,主打的M5 和牛,SRF 極黑牛及櫻花蝦拌飯,更是讓人一試難忘,難怪人氣持續高企呢 !

造訪日期: 2021年5月
1  感謝 jessie_xxo
該評論乃TripAdvisor會員主觀個人意見,不代表TripAdvisor LLC公司。
2021年5月3日 透過行動裝置


熟我嘅朋友知我平時好少食任食,除非質素好好,如果唔係真係比錢買難受。見好多人介紹《安平燒肉》,話質素好好,咁啱荃灣有分店就試吓

要食就緊係要食好啲,叫左《澳洲M5和牛吃到飽套餐》,真心如果你鐘意食牛一定唔會後悔!除咗好多高質牛仲有勁多其他唔同肉類配料,甚至蝦同帶子任燒❤️

套餐贈送嘅牛舌芯好正,有口感但又嫰滑❤️

咁多款牛,最正係澳洲M5和牛同安格斯牛小排 兩者嘅油脂分布都好平均,佢嘅雪花紋牛味重,就算燒得熟都好嫩滑,encore 左好多次☺️其他肉款平均都好味,每樣試吓都飽到上心口

另外雞泡魚干都好推介,因為比較特別,出邊好少地方可以自己燒,自己燒幾脆都得,同出邊日料食一樣咁正

海鮮類不多,但蝦同帶子都好新鮮同大隻,蝦肉超彈口❤️另外多春魚勁肥美!

有好多台式小食,比較特別竟然有鴨舌

蔬菜同飲品就係自助,好喜歡有幾款泡茶飲品,好fresh,剛好中和燒肉的油膩☺️

其他食物及小食都係用QR code 落單,上菜速度好快 店員好有禮貌,仲定時主動換燒網

造訪日期: 2021年5月
感謝 eatwithpat
該評論乃TripAdvisor會員主觀個人意見,不代表TripAdvisor LLC公司。

去過安平烧肉 (荃湾)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。