我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“第二次食安平燒肉😎”

安平烧肉 (荃湾)
香港排名第1,832 (共15,374家餐廳)
周圍地區: 荃灣
餐廳詳細資料
周圍地區: 荃灣
4 週前評論 透過行動裝置

第二次食安平燒肉今次試吓佢荃灣分店
地方都幾大,今次都係有卡位坐,卡位真係舒服好多
.
今次都係食澳洲M5和牛餐
呢個餐重點嘅澳洲M5和牛肩胛肉我哋都叫咗兩次☺️兩款都係油脂豐富啲嘅
另外都有叫平少少少嘅SRF牛肉餐嘅肉,其實都唔錯。
另外跟M5和牛餐送每人兩條牛舌芯,牛舌芯係條狀,燒完之後食落好有口感。
不過都係每人淨係得兩條,想要多啲就要俾錢
不過好彩仲有薄牛舌可以任叫,所以鍾意食牛舌嘅人唔使驚
.
豬類依然係推薦原住民鹽燒肉!
五花肉燒完好好食,雖然真係好肥
跟嘅秘制醋汁好正!
.
今次叫咗上次冇食到嘅台灣小枕頭但原來入面係中空嘅,食落本身冇咩味,真係靠煉奶吊味
.
飲品方面,like佢哋ig就每人有一杯胚芽珍珠奶茶,不過我之前試過,今次都係叫返少糖冬瓜茶!
另外唔少得要出去拎無糖茶飲。
.
最尾仲有甜品揀咗雪糕

造訪日期: 2021年5月
感謝 eatying
該評論乃TripAdvisor會員主觀個人意見,不代表TripAdvisor LLC公司。
發表評論評論 (13)
旅客評等
旅客類型
月份
語言

4 - 8 則評論,共 13

4 週前評論 透過行動裝置

Hello我係Moon
雖然而家天時暑熱,但仍然無阻我好想燒嘢食嘅慾望,平時返工咁辛苦,當然要食返啲好嘢效勞下自己順便報答下家人。

作為奄尖嘅人,我越嚟越注重食物嘅質素,就算係放題都好都要揀上乘質素,咁就可以魚與熊掌兼得啦。

遊勻咗各區之後最後都決定去安平燒肉滿足下慾望,呢一間燒肉最吸引嘅地方當然就係有極黑牛,仲要係有唔同嘅部位可以瘋狂咁食,真係成隻牛都試勻晒都仲得

未燒嘢食之前當然要叫啲頭盤小食,當中就有我鍾意嘅鴨舌,當然配滷水汁就係最夾嘅配搭,從色澤上已經睇得到都滷咗好一段時間先可以令到鴨舌咁上色

極黑牛肩胛肉,有所不知,肩胛部位原來就係隻牛經常運動嘅部位,因此筋肉發達,肉質又結實,感覺就會同食西冷嘅肉質接近, 但因為偏向薄切,所以完美克服左肉會韌嘅問題

安格斯牛小排,驟眼一睇已經見到油花好多,肌肉亦厚實、感覺上越多油花會令肉口感食食吓變到甜甜地。另外仲有一個特點,就係燒嘅過程中油脂會滋滋聲好突出,呢啲就係令人食慾大增嘅原因

澳洲M5和牛: 輪到主角出場啦,鮮艷嘅肉紅色再配純白嘅油脂,未食先好好比眼睛享受,可以用鮮嫩形容味道,最好就燒到七成熟就足夠,用中至大火煎先可以鎖住肉汁。另外雖然餐桌旁邊有一樽油但係唔需要放油,因為和牛油花會受熱溶化,仲會越燒越香,食得到同事亦都聞得到,再加埋視覺嘅享受,對我嚟講真係夠晒難忘!

最後MoonMoon真係好滿意依間燒肉吃到飽呀

造訪日期: 2021年5月
感謝 m00nhalf
該評論乃TripAdvisor會員主觀個人意見,不代表TripAdvisor LLC公司。
2021年5月8日 透過行動裝置

母親節將近,特地放半日大假陪媽媽食燒肉放題,首選近期大熱的『安平燒肉』,相比熱鬧的晚市,午市相對悠閒,用餐時間有 2 小時,足夠我和媽媽開懷大食了。

餐廳環境舒服寬敞,共有4種套餐可以選擇,包括原住民鹽燒豬肉,安格斯嫩牛,SRF極黑牛和最頂級的澳洲M5和牛套餐。‍♀️

甫坐下,店員就有禮地介紹枱上的5款醬汁,令人印象良好。

✨✨✨澳洲M5和牛套餐✨✨✨

先由最最最吸引人的牛肉開始食~

牛舌芯 (M5 和牛套餐 贈送)
每人有 2 條,燒好的牛舌芯口感煙韌有牛肉味,沾上岩鹽和黃金醬同食,更美味。❣️

澳洲M5和牛
十級推介,M5 和牛肉質柔軟且油脂豐富,入口超軟滑。❣️

極黑牛肩胛肉
脂肪雖不及M5和牛豐富,卻同樣軟淋,肉味極濃。❣️

安格斯牛小排
好吸引,有齊脂肪重,肉味濃的優點,唯不及 M5 和牛軟滑。❣️

三角牛肩肉
牛肩經常運動,肉質較有咬口,肉味香濃。❣️

海鮮~~

帆立貝
帆立貝都幾大隻,加入牛油和黑胡椒,
燒好香滑,好鮮味。❣️

虎蝦
虎蝦同樣非常有質素,填4 ,真的送來4 隻大虎蝦, 肉質爽口彈牙,連媽媽都讚好。❣️

小食~~✨✨

烤豬肉乾
非常特別,豬肉乾放在爐邊慢烤,果香味道突出。❣️

烤雞泡魚乾
一條條已剪好,極乾身,有魚的香甜味,
唯很易燶,需放爐邊慢烤。❣️

鹽酥雞
鹽酥雞趁熱食,口感酥脆香口。

櫻花蝦乾拌手工麵
撈麵內有青瓜絲,蔥粒,豬肉碎櫻花蝦乾,
拌入 撈麵,口感豐富。❣️

特別推介:
櫻花蝦+滷水汁拌飯
餐廳附有櫻花蝦區域,可以取到炸得香噴噴的油浸櫻花蝦,還有台式滷水汁,簡單配白飯, 已經非常滋味,連同 M5 和牛同食, 味道非常出眾 !!❣️

食完一輪燒肉,還有Haagen Dazs 雪糕作結,
媽媽和我都非常滿足。

餐廳環境舒適,店員有禮,主打的M5 和牛,SRF 極黑牛及櫻花蝦拌飯,更是讓人一試難忘,難怪人氣持續高企呢 !

造訪日期: 2021年5月
1  感謝 jessie_xxo
該評論乃TripAdvisor會員主觀個人意見,不代表TripAdvisor LLC公司。
2021年5月3日 透過行動裝置


熟我嘅朋友知我平時好少食任食,除非質素好好,如果唔係真係比錢買難受。見好多人介紹《安平燒肉》,話質素好好,咁啱荃灣有分店就試吓

要食就緊係要食好啲,叫左《澳洲M5和牛吃到飽套餐》,真心如果你鐘意食牛一定唔會後悔!除咗好多高質牛仲有勁多其他唔同肉類配料,甚至蝦同帶子任燒❤️

套餐贈送嘅牛舌芯好正,有口感但又嫰滑❤️

咁多款牛,最正係澳洲M5和牛同安格斯牛小排 兩者嘅油脂分布都好平均,佢嘅雪花紋牛味重,就算燒得熟都好嫩滑,encore 左好多次☺️其他肉款平均都好味,每樣試吓都飽到上心口

另外雞泡魚干都好推介,因為比較特別,出邊好少地方可以自己燒,自己燒幾脆都得,同出邊日料食一樣咁正

海鮮類不多,但蝦同帶子都好新鮮同大隻,蝦肉超彈口❤️另外多春魚勁肥美!

有好多台式小食,比較特別竟然有鴨舌

蔬菜同飲品就係自助,好喜歡有幾款泡茶飲品,好fresh,剛好中和燒肉的油膩☺️

其他食物及小食都係用QR code 落單,上菜速度好快 店員好有禮貌,仲定時主動換燒網

造訪日期: 2021年5月
感謝 eatwithpat
該評論乃TripAdvisor會員主觀個人意見,不代表TripAdvisor LLC公司。
2021年5月2日 透過行動裝置

今天下午經過荃灣大鴻輝中心正門,在派傳單姐姐手中接過安平燒肉的傳單,之前已一直想試,於是會毅然和太太上了17樓

位置:
又是荃灣大鴻輝中心這幢飲食地標,相信大家都懂怎樣前去,港鐵荃灣或荃灣西站過去約15分鐘,旁邊的沙咀道及附近的德華街有不少巴士及小巴線,算是很方便

環境:
餐廳面積很大,紅磚牆配合黃色的燈光,有點澳洲扒房的感覺,卻掛上台式的天燈餐廳有不少卡位,座位感覺舒適,空間感大✨

服務:
入座後侍應會細心介紹每一種醬料,並會遞上裝口罩的紙袋,相當貼心點菜需要掃QR碼,上菜準確而不算慢

澳洲M5和牛吃到飽套餐 ~ $358/位
選了最貴的套餐,可點所有套餐的食物,價格是按7時半前結帳計算。
由於是放題,不可能全部食物都試過,所以就簡單介紹一下每個系列我們吃過的食物

澳洲M5和牛系列
澳洲M5和牛肩胛肉~油脂分佈平均,燒後很很滑很易入口
安格斯牛小排~牛肋骨部分,所以牛味香又有咬口
護心肉~即是橫隔肌,牛肉最香最美味的部分
屏東燒魚腹~用錫紙盤裝著的魚肉,配合台式燒汁燒出來很入味,魚肉亦嫩滑
爽彈虎蝦~虎蝦大隻,啖啖肉又多膏,喜歡海鮮的必點
雞泡魚干~雞泡魚干本身就是鮮甜,稍為燒過後會軟身一點,更為美味


SRF極黑牛系列
三角牛肩肉~貴為牛五花最稀有的部位,牛肉夾雜雪花的脂肪,鮮甜美味
極黑牛肩胛肉~牛肩唯一較軟的部位,既香亦滑
極黑一口牛~牛柳粒本身嫩口,切出來大小適中,很有口感
炸豬肉乾~一片片長條型的豬肉乾,經炸過再燒非常香脆及充滿豬肉香味
滷水涼拌鴨舌~即食小食,滷水味香不過鴨舌不算入味
烤中卷~即是魷魚筒,燒香後很香很好入口

安格斯燉牛系列
安平私房牛腹肉~很鬆軟的肉質,不比高級牛差太多
鹽選牛舌~牛舌用來燒真的很香,且不會太騷
咖哩味西班牙豬五花~咖哩味很香,五花肉亦厚身,燒香美味很好
絲瓜煮蜆~清清甜甜,蜆肉算是鮮味
墨魚香腸~墨汁香腸,燒出來香脆肉香,追加了一次

原住民鹽燒豬肉系列
原味民鹽燒肉~普通的鹽燒腩肉,燒香的腩肉根本沒可能不好食☺️
豬大腸~燒大腸和想像中一樣,皮脆大腸味香
起司鵪鶉蛋~芝士混合打散的鵪鶉蛋去燒,很重芝士及蛋香
台灣小枕頭~即是條狀的麻糬,燒時會發漲,燒香後香脆軟滑

台灣夜市小食
除了燒烤類外,餐廳亦提供台灣地道熟食,其中我們最喜歡是外脆內嫩的安平炸柯卷及炸得酥脆的懷念鹽酥雞

台式飲品
菜單提供3款台式飲品,我跟太太點了其中兩款。百香果綠茶很清新而且不會太甜,冬瓜茶則香甜順口,都是可以點的飲品

自取區
自取區有各式罐裝或紙包飲品,種類算很多,較特別是自家制的幾款茶飲,大部份不會太甜,味道不錯。另外也提供熱的冬瓜茶及無糖綠茶,適合不愛凍飲的朋友及長者

自助區亦有提供蛤蜊湯及米飯配滷肉、蝦花蝦及紫菜等,能照顧到無飯不歡的人

甜品
結帳時侍應會遞上一張甜品紙,除了檸檬愛玉之外,就是任選一款口款的Häagen-Dazs雪糕,當然要以雪糕來作收尾吧

總括而言,安平燒肉食物質素比較高,價格合理,地點亦方便,以外想食燒肉,這裡會是其中一個好選擇

安平燒肉 @anpinggrill.hk
地址:荃灣眾安街55號大鴻輝中心17樓

造訪日期: 2021年5月
2  感謝 moshui
該評論乃TripAdvisor會員主觀個人意見,不代表TripAdvisor LLC公司。

去過安平烧肉 (荃湾)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。