我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“一碗回味的雞飯和肉骨茶”
蘇山雞飯的評論

蘇山雞飯
使用外送服務
香港排名第1,725 (共15,387家餐廳)
周圍地區: 深水埗區
餐廳詳細資料
周圍地區: 深水埗區
2021年5月12日 透過行動裝置

今日又要去長沙灣處理公司但可以去試「蘇山雞飯」,因為上次見人多排長隊所以沒有入去。所以今日試吓啦幸好今日排隊不多人,大約10分鐘就有位

辣蝦醬龍蝦海鮮炒粿條 ,原來是油麵跟幼河粉一齊炒,調味適中夠惹味,半邊龍蝦肉質彈牙又多膏海鮮配料也不少,有魚柳,魷魚,青口等

鮮油咖央多士,多士很香脆,咖央醬很香甜又不會太膩,跟半溶厚的牛油一齊食,今晚要跑番幾K才可以

海南雞飯配肉骨茶,油飯很香濃但不會太油,又惹味!雞件鮮嫩!肉骨茶充滿胡椒香味又帶點藥材味,一字正

特色小食拼盤,有香脆美味們的炸雞翼,惹味的泰色魚餅,脆卜卜的炸鳯尾蝦春卷,還有豬肉串和扎肉

恐龍美祿,甜度適中而且美祿粉夠多

造訪日期: 2021年5月
感謝 tsangV2004
該評論乃TripAdvisor會員主觀個人意見,不代表TripAdvisor LLC公司。
發表評論評論 (15)
旅客評等
旅客類型
月份
語言

2 - 6 則評論,共 15

2021年5月12日 透過行動裝置

長沙灣最近開左唔少食肆 有cafe又有茶餐廳
今次見到呢間新加坡既餐廳 又有我鐘意食既海南雞就去試下啦

✅蘇山雞飯
聽個名就知佢係馳名雞飯
呢間係專食新加坡菜 海南雞飯 肉骨茶係必點菜!
仲有喇沙摻摻
2點開始就係下午茶餐 啲份量輕盈又抵食
所以2點幾去到都好多人排隊

輕怡海南雞飯配輕怡新加坡白胡椒肉骨茶 $58
話明馳名雞飯又點可以唔試下個海南雞呢
雖然係輕怡 但份量都好足料
都有成碗飯㗎 想食少啲既都可以係落單既時候揀輕量 咁就唔怕浪費啦~
雞既烹調方式係用日本花菇,元貝等材料入味
雞件都有4-5件
飯吸收哂雞同其他配料既香味 好夠味
肉骨茶係新加坡式為主 所以味道都比坊間既較清淡
但清淡得黎都會有好香既白胡椒味 感覺較天然
亦都有肉骨同豆卜做配料

味道: 3.4/5
賣相: 3.2/5

星洲叻沙摻摻 $45
唔食飯都有麵可以選擇 叻沙都有摻摻或者米線揀
我就揀左摻摻 係油麵同米粉
個湯好香椰香 又唔會太濃
配料超多!有豆卜,蝦,魚蛋,魚片,青口,通菜
每款配料都有兩舊 好足料!
味道都好唔錯 唔太鐘意食麵既我都覺得好食!

味道: 3.8/5
賣相: 3.5/5

特色小食拼 $78
呢個小食拼盤超吸引 總共有5款唔同種類既小食
有炸雞翼,順化豬肉串,泰式魚餅,脆炸鳳尾蝦春卷,黑椒扎肉
每款小食都好夠熱 啱啱新鮮炸起
每款都好食 味道唔會太咸
點埋個酸汁 就好泰式既感覺!
5款入面 最鐘意鳳尾蝦春卷 佢係米紙春卷
熱辣辣炸起好脆!

味道: 3.7/5
賣相: 3.5/5

冰凍椰青 (跟餐+$18)
呢個真係十級推介!!!!
而家咁熱既天氣 飲椰青真係最適合不過!消暑又解渴!
唔係間間餐廳都有得叫 所以一見到就即刻叫左!
一飲超冰涼 又好清甜 好正
飲完仲可以食埋入面既椰子肉添

味道: 4.3/5
賣相: 3.2/5

樽仔奶茶 $25
呢個就冇跟餐優惠啦 要另外散叫
呢個樽仔奶茶好特別 細細支
飲落好濃茶味 但稍為有啲偏甜
就幾啱我口味啦

味道: 3.1/5
賣相: 3/5

地址: 長沙灣元州街411號義華大廈地下

Follow for more food news!

造訪日期: 2021年5月
感謝 foodiesdeviljan
該評論乃TripAdvisor會員主觀個人意見,不代表TripAdvisor LLC公司。
2021年5月9日

聽朋友介紹,長沙灣那邊有一間值得去的新加坡、馬來西亞餐廳。一向支持開本土小店的我,襯着週末有空就去支持一下。餐廳叫「蘇山雞飯」,行到去附近街道打算開地圖找一找,離遠見到有不少人在一間餐廳門外排隊,望真啲發現原來就是我的目的地。看來餐廳已經廣為人知,排隊時察覺到大概一半人為街坊,一半為街外食客,可見蘇山能夠鎖着街坊的心又能吸引到其他食客。

排隊時,我們已經計劃好晚餐。其實本身不算非常肚餓,但在等待途中,看到蘇山裡面的食物,就令我們愈來愈餓。

★ 1. 特色小食拼
小食拼盤最好就是可以一次過食蘇山五款小食,包括雞翼、順化豬肉串、泰式魚餅、脫炸鳳尾蝦春卷及黑椒札肉。拼盤非常豐厚,不用再想要另點什麼小食,而且份量充足。五款小食裡面,最出色的是順化豬肉串,原因是豬肉串肉質非常順滑,又可以保持到其香口,不像一般豬肉串燒的那種粗糙感。

★ 2. 獅城芽菜走地雞飯配輕怡新加坡白胡椒肉骨茶
雞飯配肉骨茶,絕對體現出新加坡的風情,餐廳以這個套餐配搭實在出色。雞肉非常稔軟滑口,但又保留到雞肉的彈牙肉質,控制得恰到好處。雞飯的飯底就用上了黃澄澄的雞油飯,食得出有香茅、薑及斑蘭葉的香味,單食油飯都味道十足。
至於白胡椒肉骨茶,蘇山確係落足料,即使是配餐的肉骨茶,餐廳仍然會撈起兩條大豬骨,畢竟肉骨菜的精髓之處在於豬骨當中,顯示蘇山並不吝嗇。

★ 3. 星洲龍蝦叻沙摻摻配鮮油咖央多士
繼雞飯後,叻沙就是星馬菜緊隨其後的招牌菜。蘇山的叻沙偏向XO醬味道,湯底相對惹味。之前去新加坡時,聽到朋友說地道的喇沙小店,會有「摻摻」提供,摻摻其實就是油麵和米粉兩溝,那我在蘇山亦當然要試一下。兩種粉麵在喇沙上各有特色,我就兩款都可以,重點都是可以吸收湯底的香味。龍蝦就絕對足料,半邊龍蝦加蝦鉗,啖啖肉超級滿足。

還有一份星洲小食,鮮油咖央多士。極度邪惡的重牛油,加上甜甜的咖央醬,要食就要食這種感覺的。

★ 4. 烤餅
心思思,還想叫多份烤餅。想不到一份烤餅原來有這麼多,油香味十足,如果食唔晒的話亦建議大家外賣拎走,抵食之選。

★ 5. 冰凍椰青
配一個大大冰凍椰青,飲椰汁,食椰肉作為甜點亦是一個好選擇。值得一提的是,椰子內的椰肉非常豐厚。

我食完之後,確實想說一聲,要食好食的雞飯,不一定要去「海南島」的。

造訪日期: 2021年4月
    • 划算度
    • 服務
    • 食物
感謝 Food4HK
該評論乃TripAdvisor會員主觀個人意見,不代表TripAdvisor LLC公司。
2021年5月2日

長沙灣食街最近好熱鬧!
上個月食過有間叫港口味既冰室
隔離今期最紅!係專賣海南雞飯既
叫蘇山雞飯!飲食雜誌都介紹佢自然就爆場
好難得見到有餐廳9點仍然有客入黎食飯!
當晚我地8點入座!
咁就先講下餐牌有咩好食啦

最招牌就係海南雞飯餐跟埋叻沙
另一款就係走地雞海南雞飯配肉骨茶
都係跟油飯,熱飲加6蚊,凍飲加9蚊,特飲15蚊
跟餐可加配小吃,春卷加魚餅或雞翼三隻$22

海南雞飯先上!份量勁爆,一碗油飯加叻沙
叻沙有大蝦,豆卜,米粉油麵,大約有3-4口份量
個湯微辣仲有少少椰香,味道好豐富
油飯係偏爽身既,食落唔膩,好大碗!
沾上黑醬油跟蒜蓉食味道更突出

三黃雞,傳統黃皮白肉做法

皮滑肉嫩 帶少少脂香就咁食都好滋味

另一款係走雞地加白胡椒肉骨茶
走地雞皮爽肉有彈性,食落雞肉鮮味

個人更偏愛走地雞肉,連皮都爽身少少
食落三黃雞脂香重少少,走地肉鮮嫩彈一些

你睇到個分別三黃係肉多D,帶少少油
兩者分別也幾明顯的

叻沙豆卜,魚蛋魚片,大蝦
由於海南雞太出色,令配角無乜存在感

走地雞肉明顯少油脂,但肉味鮮D重D
想食肉多食三黃,食鮮味食走地

肉骨茶,同樣都係有豆卜同排骨
淡淡白胡椒香,但同樣作為配角可有可無
主角雞飯實在太搶眼

小吃配了兩款
魚餅香口,蝦卷香脆
雞翼炸得脆身,掛上濃濃既醃料
稍稍偏咸,但配埋油飯食剛好
或加少少青檸汁配埋夠曬風味

餐廳可填紙仔唔洗打卡
等位約20分鐘
想食平D,下午茶平20蚊~

蘇山雞飯
地址: 長沙灣元州街411號義華大廈地下
電話: 5648 8622
營業時間:11am-10pm

造訪日期: 2021年4月
    • 划算度
    • 服務
    • 食物
感謝 alex lam 林
該評論乃TripAdvisor會員主觀個人意見,不代表TripAdvisor LLC公司。
2021年4月25日

本來想在元州邨的花隧道,怎知花已謝得差不多。

位置:在美食街元州街一帶

環境:餐廳面積不大,呈長條形,兩邊牆色不同,一邊是粉紅色,另一邊是白色大理石,牆上鑲嵌兩幅金光閃閃的飾品。雖然座位夠多,但枱與枱之間距離短,兩人桌較小。

服務:上菜速度快。

下午茶:
鮮油咖央多士$28
多士烘得微微焦香,口感香脆,夾滿厚切牛油。一口咬下,濃稠咖央醬和牛油就爆出來,入口順滑帶有甜香,雖然是邪惡,卻是必吃推介。

輕怡海南雞飯配白胡椒肉骨茶$58+鮮檸檬薏米水
這個下午茶餐可以一試兩個招牌菜,有海南雞、油飯、肉骨茶和三種醬料!雞肉嫩滑,沾上甜甜的黑醬油或泰式辣醬,會更加惹味;肉骨茶湯內配有吸湯的豆腐卜和煮得軟腍的排骨,輕輕一咬便骨肉分離,只可惜湯的胡椒味不濃。

娘惹咖喱牛筋腩烤餅$70
牛腩和牛筋的份量非常慷慨,而且炆得軟腍,咖哩汁濃稠,帶有椰香,只可惜烤餅過油,沒有印度烤餅薄脆口感。

造訪日期: 2021年4月
感謝 ying0564335
該評論乃TripAdvisor會員主觀個人意見,不代表TripAdvisor LLC公司。

去過蘇山雞飯嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。