我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“在長沙灣品嚐嫩滑的海南雞飯”
蘇山雞飯的評論

蘇山雞飯
使用外送服務
香港排名第1,795 (共15,301家餐廳)
周圍地區: 深水埗區
餐廳詳細資料
周圍地區: 深水埗區
4 週前評論 透過行動裝置

自從老爺奶奶搬新屋後,多了到長沙灣覓食的機會,之前到過有60多年歷史的雪山冰廳,今日就來到元州街的『蘇山雞飯』,一嚐聞名已久的海南雞飯。✨

一行四人晚上8 時多到達, 幸運地不用等位,餐廳裝修 簡約,很有家的感覺。打開餐牌,原來這裏主打的是星馬菜, 海南雞飯,肉骨茶, 炒粿條,連印尼菜也有, 讓我覺得非常有新意。✨

先來的是奶奶點的星加坡「肉骨茶飯配炸油條」, 湯頭偏淺色, 胡椒味道濃厚,湯內配有吸味的豆腐卜和煮得軟淋的排骨, 香脆的油條沾上肉骨茶同食,別有風味。✨

屬於必點菜色的「海南雞飯」雞皮色澤金黃,很是吸引,配有冬瓜湯和香料飯一碗,下單後姐姐說只餘下最後兩份, 認真搶手。✨

去骨的海南雞不肥不瘦,入口非常嫩滑, 生熟度剛剛好,蘸上薑蒜油來食最為可口, 配的香料飯超級香,帶有點切碎的冬菇,元貝粒,非常美味,一口飯,一口清熱解暑的冬瓜湯,讓人非常滿足。✨

老爺是印尼華僑,看到餐牌上有「巴東牛肉飯」, 顯得非常高興, 淋上椰奶的巴東牛肉 份量頗多,炆得入味,就是不夠軟淋,除牛肉外,配料還有鹵蛋和蝦片。✨

嘴上嚷著要減肥的先生點了 「鮮牛油咖央多士」, 烘得香脆熱辣的麵包內夾著鮮牛油和咖央醬,熱力讓牛油不斷溶化,所以上枱要盡快食,看著他食得滋味的樣子,就知道這份咖央多士有水準。✨

香口炸物是我的最愛, 可以品嘗到不同款式的「小食拼盤」,分別有炸得香脆的雞髀和雞翼,用筷子串起的越南順化豬肉串,香辣味濃的泰式魚餅, 炸得金香酥脆的鳳尾蝦春卷和微辣的黑椒札肉, 一次滿足多個願望。✨

鄰桌食客座下後, 聽到店員說海南雞飯已經售罄,非常失望,說他特地坐車來品嚐海南雞飯,幸好店內還有走地雞, 讓他不至白行一趟。 總體店內的食物選擇豐富且取價公道, 不失為晚餐的好選擇。✨

總體店內的食物選擇豐富且取價公道,尤其 欣賞餐廳主打的海南雞飯,食得出的用心製作,雞隻選用不太肥膩的文昌雞, 肉質香軟嫩滑,有點像臘味飯的香料飯用料豐富,真心味美,絕對會讓我再次回頭光顧。✨

造訪日期: 2021年4月
感謝 jessie_xxo
該評論乃TripAdvisor會員主觀個人意見,不代表TripAdvisor LLC公司。
發表評論評論 (14)
旅客評等
旅客類型
月份
語言

9 - 13 則評論,共 14

5 週前評論 透過行動裝置

上個月我們去過港口味冰室後,對旁邊的這家主打海南雞飯的餐廳已很感興趣,今天一行三個人來到附近當然要試試

位置:
餐廳位於元州街近長沙灣體育館,位置較偏,所以顧客以附近居民為主,但附近也有多條青山道小巴線,要前往也不算難

環境:
餐廳裝修有點像歐式的家居裝修,有家的感覺。餐廳面積不大,但座位夠多而且算是舒適

服務:
下單準上菜快,侍應會主動裝上熱水。而我們下單時點得較多菜,侍應也會貼心問是否有其他人來,食到差不多時亦會詢問是否需要打包

食物:
餐廳以東南亞菜式為主,聽旁邊兩枱食客說特意過來食海南雞飯,而且看上去食物份量大部份也較大碟,應該頗受街坊歡迎

海南雞飯($68)
食客熱烈推薦,沒理由不點。果然去骨的海南雞很滑很鮮嫩,味道不會太鹹。而雞油飯濃味吸引,配合海南雞食很出色。跟餐連一碗冬瓜湯,整個餐很豐富

白胡椒肉骨茶配白飯及炸油條($68)
充滿新加坡口味的白胡椒肉骨茶胡椒味香濃,排骨煮得淋及很有肉香,還有幾塊豆腐卜吸湯。另外,跟餐除白飯外還有油條,沾湯食一流

巴東牛肉飯($65)
印尼口味的巴東牛肉汁味道香濃,沒想到牛肉切得頗大塊,啖啖肉但可惜煮得不夠淋。跟餐有一隻雞蛋、幾片炸蝦片及青瓜,很豐富

鮮油咖央多士($22)
多士夾住滿滿熔化的牛油,加上多士內塗上甜甜的咖央醬,非常邪惡同時亦非常美味,水準比我以往食過所有的咖央多士更高

特色小食拼盤($78)
加點了一份小食拼盤,有兩隻炸得香脆的切件雞全翼、兩條越南順化風味軟滑的燒豬肉串、兩塊香辣刺激的泰式魚餅、兩件外脆內嫩的脆炸鳳尾蝦春卷及兩片香滑味濃的黑椒札肉,份量足夠多

輕怡肉骨茶($48)
朋友見我點了白胡椒肉骨茶,亦想點一碗肉骨茶湯試試,大致跟白胡椒肉骨茶一樣

凍柑桔蜜($15)
杯內有好幾粒柑桔,配合香甜的蜜糖,既鮮甜又解渴

香茅薄荷特飲($15)
薄荷味很香濃及清新,配上香茅味令飲品很香很順口

總結來說,這家餐廳很有家的感覺,食物充滿東南亞特色而且都不錯,難怪聽到不少食客因為她們的美食而特意重來呢

造訪日期: 2021年4月
感謝 moshui
該評論乃TripAdvisor會員主觀個人意見,不代表TripAdvisor LLC公司。
2021年3月10日 透過行動裝置

上次食港口味冰室時見到隔離都新開左呢間食海南雞飯,所以今日放假就黎嘆返個下午茶!

·招牌海南雞飯配輕怡新加坡白胡椒肉骨茶 (HKD 58)
據說呢間餐廳嘅雞飯係用電飯煲煮成,可以令到雞油索哂落飯粒到食落仲有好香嘅斑蘭味!雞肉去骨,口感嫩滑不韌,也不油膩。最特別都係肉骨茶,新加坡口味嘅肉骨茶同平時我地飲開嘅唔同,佢唔會好重藥材味,以胡椒味為主打,清淡易入口

·龍蝦叻沙摻摻 (HKD 88)
隻龍蝦大隻到好多膏,而且肉質好彈牙!叻沙係屬於椰香味濃個種,湯底加入左豆卜、魚片、魚蛋等配料,非常惹味摻摻亦即是米粉加油麵作麵底,係非常正宗嘅做法!

·鮮油咖央多士 (HKD 28)
第一次食咖央多士,原來係咁好味!咖央醬香濃幼滑,多士烘得岩岩好,好脆!厚厚嘅半溶牛油令咖央醬味道更立體

·青檸菠蘿梳打水 (跟餐+ HKD 9)
呢杯野飲超岩夏天飲!甜甜地又有氣,簡直透心涼呀❤️個賣相仲好夏日

·椰青 (跟餐+ HKD 18)
朋友見到有椰青飲超興奮!清新香甜超解渴,朋友連椰青肉都食得一乾二淨椰肉係超多好嘅功效架!大家平時飲都唔好曬左佢呀~

長沙灣最近新開嘅餐廳都好有質素,係附近返工嘅人有口福了
-

造訪日期: 2021年3月
1  感謝 foodieshirleyc
該評論乃TripAdvisor會員主觀個人意見,不代表TripAdvisor LLC公司。
2021年3月5日 透過行動裝置

屋企附近又開新餐廳啦!我梗係唔執輸,又去試新嘢啦!呢間餐廳叫「蘇山雞飯」,淨係睇個名就知應該係出名食雞,一於去試一試!
.
晚市套餐,都真係幾平,我地叫咗個套餐「獅城芽菜走地雞飯」配「輕怡新加坡白胡椒肉骨茶」,都只係$78,絕對係街坊價!
.
味道方面,隻雞的確係幾好食!入口好滑溜,肉質夠晒幼嫩!估唔到走地雞完來可以咁好食!仲有看似係配角嘅芽菜,其實最有驚喜,超級爽甜多汁,餸飯真係一流!同埋大家一定要食油飯,佢碗油飯真係粒粒都充滿油香!好夠味,好正!
.
至於跟餐配嘅「輕怡新加坡白胡椒肉骨茶」,味道都好有驚喜!唔會好似平時飲開的只有藥材味,你會飲到白胡椒味道中帶點藥材味,兩者嘅味道估唔到又幾夾,幾新穎!
.
一個飯又點夠滿足我地兩個,食星馬菜一定要食咖央多,兩個字形容「邪惡」!滿滿既咖央醬,大大塊鮮牛油,仲有烘到好香脆既麵包,好滿足啊!
.
繼續食,唔好比佢停!仲有小食孖寶,春卷+魚餅!跟餐加$22就有啦!之後我地仲叫埋「馬拉盞炒椰菜苗」,呢個馬拉盞勁惹味!就算唔食得辣都食到,又唔會過鹹,咁搞法真係整多碗飯都得!
.
最後整埋枝樽仔奶茶,真係滿足到極點!
呢間我絕對會再Encore,因為我仲想試埋海南雞,任務未完成
.
蘇山雞飯 
長沙灣元州街411號義華大廈地下


造訪日期: 2021年3月
1  感謝 mrs_ng_c9
該評論乃TripAdvisor會員主觀個人意見,不代表TripAdvisor LLC公司。
2021年3月1日

上個月去左老公嘅飯堂「港口味冰室」食晏,見到餐廳隔離新開左間星馬菜館,看過門外餐牌,見啲嘢食都幾吸引,價錢又經濟,一於搵晚去幫襯下。

餐廳環境走懷舊茶室風格,黑白地板、啡木椅桌,再配上牆身上嘅壁畫作點綴,裝潢古樸,帶南洋風味。

先細心研究一下餐牌,食物選項非常豐富,除了招牌雞飯、肉骨茶等之外,仲有炒粿條、叻沙、蝦麵、咖央多士、小食、飲品,甚至連糖水都有供應。

我哋揀左招牌海南雞飯、肉骨茶配白飯,另外再加左一客小食同一碟炒椰菜苗。

先試下佢哋嘅招牌海南雞飯 ($68),雞件鮮嫩肥美,滑溜不韌,入口啖啖肉。油飯相當美味,每粒飯都充滿雞油同班蘭嘅香味,而三款醬汁亦與雞飯很夾。連隨飯奉送的冬瓜雞湯亦絕不馬虎,原汁原味,清甜開胃,用料又足!

另外呢客配上白飯嘅新加坡白胡椒肉骨茶 ($62) 味道亦很討人歡喜。肉骨茶大大碗,沒有苦澀嘅藥材味,入口清淡,帶陣陣迷人嘅白胡椒香氣,很合我倆心意,鮮甜肉骨加上香口油條,真係令人一食難停。

小食點左脆炸鳳尾蝦春卷 ($32) 一客有 4 件,絲網般嘅春卷皮做得很透薄,入口超級鬆脆,炸到連蝦尾都食得。入面嘅蝦肉好新鮮,爽口彈牙,吃時可沾少許酸辣醬,能解炸物油膩感。

食完咁多肉,當然要吃點蔬菜來中和一下,選了一客馬拉盞炒椰菜苗 ($45),菜苗新鮮嫩綠,加上香口惹味嘅馬拉盞,味道濃郁,口感爽脆,非常好吃。

飲品點左恐龍美祿 (+$19) 同 雪山樽仔咖啡 (+$15),恐龍美祿面頭鋪左層厚厚嘅美祿粉,入口有好 Rich 嘅朱古力味,絕對唔會越飲越淡。樽仔咖啡濃香中又帶點甘苦,甜度剛好。

意猶未盡,決定再點多客鮮油咖央多士 ($22) 同 摩摩喳喳 ($25)。多士外層烘得金黃酥脆,咖央醬很 Runny,富椰香和班蘭香,夾上冰凍的厚切牛油,真係夠晒邪惡。

摩摩喳喳味道亦無得輸,廚師喺椰汁和花奶中混入了芋頭、黃番薯、紫薯、涼粉、西米等,碗邊仲圍咗一片片香蕉,用料超豐富,食落仲有好濃嘅椰奶香味,口感一流,為晚餐完美作結。

造訪日期: 2021年3月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過蘇山雞飯嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。