我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“旺角越南咖啡廳,見到食物嘩一聲”

南越南咖啡廳
餐廳訂位
使用外送服務
香港排名第2,502 (共15,451家餐廳)
周圍地區: 旺角
餐廳詳細資料
周圍地區: 旺角
2021年6月11日 透過行動裝置

餐廳:南越南咖啡廳 (旺角)
地址:旺角彌敦道726號1樓

無懼世事變改,還是越南越愛,最近去咗旺角726號1樓呢間南越南咖啡廳 @nvnhkg 食lunch,一打開門見到餐廳嘅裝修已經覺得好特別,喺天花板垂吊嘅霓虹燈牌展示咗餐廳名,同時帶出香港街頭特色,而餐廳仲播住好入耳嘅越南歌曲,勁有feel

✝️招牌金邊粉 $88
用牛骨同配料熬製嘅湯底,無加入任何味精,飲落順口唔涸喉;金邊粉較幼身爽滑,粉條呈半透明狀,出面比較少見;仲有牛肉片、牛面珠、牛筋、牛尾、牛肉丸同油炸鬼,啲牛肉都炆得好腍同入味

✝️脆米紙薄餅 $48
第一次見咁嘅紙薄餅,夠晒特別,加上越南香腸、醃製過嘅蘿蔔、蔬菜,類似蛋黃醬嘅酸甜醬汁,食落非常夾而且香脆可口,我同朋友都大讚好食

✝️南越蟹肉醬配脆球餅 $68
蟹肉碎同蟹籽加上醬汁製成蟹肉醬,另外附上5個拮咗個窿嘅脆球餅。將蟹肉醬滿滿咁裝入去脆球餅入面,一啖放入口咬爆脆球,蟹肉醬嘅味道就瞬間湧流出嚟,有得食又有得玩幾新奇

✝️Shake Shake雞軟骨 $48
香口嘅雞軟骨連埋炸蒜同金不換預先放入紙袋入面,另外按個人喜好加入辣椒粉同青檸汁,搖勻之後倒上碟再品嚐,本身鍾意食雞軟骨嘅我又點會唔鍾意咁惹味嘅小食呢?

✝️荔枝雲朵咖啡 $32
作為餐廳嘅招牌飲品,梗係唔可以錯過啦,淨喺賣相都夠晒吸引,最底層有荔枝汁,中間有越南咖啡豆磨製嘅咖啡☕️,面頭仲有一層雲朵泡沫☁️,職員仲教我唔好撈勻嚟飲,咁樣先至飲到唔同嘅層次同口味,I like it

✝️香茅青蘋果茶 $22
朋友就叫咗杯青蘋果茶,中間散發住隱隱約約嘅香茅同茶香,飲咗啖都幾清新舒服

造訪日期: 2021年5月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
發表評論評論 (12)
旅客評等
旅客類型
月份
語言

3 - 7 則評論,共 12

2021年6月11日 透過行動裝置

夏日炎炎,食越南菜就是最好的選擇,不過好味的越南菜非常罕有,為食姊妹話有好介紹,一定唔會令我失望

南越蛋啤酒,啤酒杯內掛上黃色的蛋黃,十分有趣,將啤酒倒入杯再呷一口,啤酒帶薇薇蛋香和甜味,值得一試

斑蘭龍眼茶,猶像威士忌包裝的龍眼茶,倒入充滿冰塊的杯子裏,喝一口,龍眼的清甜中帶點淡淡的班蘭氣味,甜度適中,十分惹人喜愛

扎肉心內美米紙卷,內有扎肉清爽的青瓜和菜,吃得健康又清新,最啱怕油膩感的人

另一特色小食 shake shake 雞軟骨,很新奇又有趣,就好像吃shake shake 薯條一樣,先將辣椒粉放入袋內shake 下, 炸得香脆的雞軟骨沾上惹味辣椒粉後,真是令人食不停口,灑上青檸汁,又帶一點清新

南越蟹肉醬配脆球餅,一梳梳的蟹肉甜美無比,加入脆球餅內一起吃、又有另一番滋味

主菜點了嫲嫲南越湯,招牌金邊,附上海鮮醬加辣醬,將牛丸牛肉點上醬汁,味道更惹味,牛尾大大嚿充滿濃郁牛尾,這碗湯粉居然用上牛面珠,入口非常軟熟,充滿牛香濃味道,牛筋彈牙,膠膠的感覺充滿口腔,好像皮膚吸收滿滿的骨膠原,金邊粉煮得軟硬適中,襯托濃厚的越南湯底,整個配搭非常美味

最後來個人甜品,就選了香蕉班cake,這個小吃泰國街邊經常吃的,這個就有點不同,用的是酥皮,熱呼呼的酥皮,加上切片的香蕉和朱古力醬的甜味,食得零舍開心

還有很多有趣新奇的菜式,下次一定拉埋朋友一齊來試多些款式

造訪日期: 2021年6月
感謝 SisiSiu
該評論乃TripAdvisor會員主觀個人意見,不代表TripAdvisor LLC公司。
2021年6月8日 透過行動裝置

又黎到有眾多美食既旺角,最近聽到有間好有趣既越南餐廳,今次一於約埋朋友係度食晚餐。

南越蟹肉醬配脆球餅

首先放d蟹肉醬落個脆卜卜既脆球餅入面,咬落去有2種口感,先係香脆既餅,再黎係食落好fresh既啖啖蟹肉。

脆米紙薄餅

Pizza底變左用薄米紙做個底。上面有蘿蔔絲,青瓜絲,腸仔,同甜甜地既千島醬汁,我地cut開4份再捲埋咁食,各種材料mix埋好豐富既口感,都幾有趣。

嫲嫲南越湯招牌金邊粉

有好多款餸菜,包括牛肉片,牛面珠,大大件牛尾,牛筋,牛肉丸,仲有件油炸鬼個湯牛味濃郁又香甜,金邊粉係幼身既,口感又滑又煙韌。

SHAKE SHAKE雞軟骨

連埋個紙袋上,可以自己放d辣椒粉落去,連埋入面原本有既香料呀香茅呀紫蘇葉呀一齊shake。粒粒雞軟骨都炸到好香脆,仲可以加埋青檸汁增加風味。

飲品方面我同朋友分別叫左杯咖啡同檸檬薑茶。

柚子雲朵咖啡

去越南餐廳梗係要飲越南咖啡。雲朵咖啡又有漸變色又有泡泡係面個賣相好靚咖啡都幾香。

微藻檸檬薑茶

杯飲品原本係冇顏色,一將d藻mix埋就變左好靚既藍色。微藻係好有營養既食品,加埋又有檸檬又有薑,感覺好養生。


南越南咖啡廳
旺角彌敦道726號1樓

造訪日期: 2021年6月
3  感謝 delish_hk
該評論乃TripAdvisor會員主觀個人意見,不代表TripAdvisor LLC公司。
2021年5月28日 透過行動裝置

南越蟹肉醬配脆球餅~很得意,有幾個空心的波波脆球,一入口就像遇上風塵暴一樣,不用力,就脆得像粉塵般破碎,而蟹肉醬啖啖也是蟹肉,有著香草及蟹肉的鮮甜味~

Shake shake 雞軟骨~相比平日吃到的大粒,很脆身,上枱熱辣辣~辣粉跟西檸汁,可自己決定加唔加入去shake~

脆米紙薄餅~很愛吃這個,米紙很薄很脆,沒有芝士的,但就有青瓜,蘿蔔絲及蠟腸,醬汁是千島醬加了辣醬去調制的,醬汁很惹味~

招牌金邊粉~不愧是招牌麵,湯底很濃郁,餸料也很足,牛筋腩位很軟滑

南越滴漏熱咖啡~濃濃的咖啡香味,Ok~

微藻檸檬薑茶~有兩大片薑,數片檸檬,感覺特別健康還挺好喂~

造訪日期: 2021年5月
感謝 angelkwok911
該評論乃TripAdvisor會員主觀個人意見,不代表TripAdvisor LLC公司。
2021年5月27日 透過行動裝置

創新越南菜,另人眼前一亮。
友人最近發現呢間越南菜餐廳,約我出嚟試吓, 果然有驚喜。
天氣炎熱,點了一杯茘枝雲朵咖啡,賣相不錯,帶有咖啡的苦澀,又有果香。
友人那杯是南越蛋咖啡,下層是咖啡,上層是蛋泡,表面有一層焦糖。
焦糖味香濃,好特別。
傳統薄餅食得多,將米紙炸起來成為餅底,再放肉粒,青瓜絲,洋蔥絲和沙律醬,咬落索索聲,好脆口,好好味!
另一款是脆球餅,一個圓轆轆的小球,趣緻!餡料是蟹肉醬,放入小球內,滿滿的,一口放入,口感非常豐富,得意之作。
Shake shake 雞軟骨造型有點似shake shake 薯條。將七味粉放入搖勻,倒出來,一粒粒又香又脆的雞軟骨,滋味無窮。
招牌金邊粉也有特色,湯底呈深啡,有肉的鮮香。滑溜的金邊粉吸引到湯的精華,正!
配料有牛腩,牛筋,牛尾,牛丸,相當豐富。

造訪日期: 2021年4月
1  感謝 Polly C
該評論乃TripAdvisor會員主觀個人意見,不代表TripAdvisor LLC公司。

去過南越南咖啡廳嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。