我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“性價比高的台灣餐廳”

桂花小幸 牛肉麵 茶飲 休閒餐廳 b+bc
香港排名第141 (共15,451家餐廳)
價位: US$6 - US$10
更多餐廳詳細資料
餐廳詳細資料
周圍地區: 元朗
描述: 桂花小幸是讓人放下生活壓力的休閒的聚腳點,設計以簡潔自然的格調、柔和的暖色調、原木的清新,讓你和你的朋友可以輕鬆愜意體會一個文青之旅,享受一趟寧靜的慵懶時刻。 桂花小幸在將軍澳開店,幾年內走到荃灣,2021年終於又走到香港美食集中地—— 元朗! 桂花小幸希望將台式地道風味帶到每個角落,讓香港人在忙碌的生活裡找到片刻愜意悠閒,好好休息再重新出發。 招牌紅燒腱心牛肉麵,牛肉香腍入味,麵條煙韌爽口
2021年6月9日 透過行動裝置

身為元朗人,放工嚟元朗廣場食飯,唔想食咁貴,就揀咗呢間有台灣特色, 而且價錢合理嘅餐廳

朋友叫咗三杯雞餐,有一個飯,同埋上湯浸白菜。同我以前食開嘅三杯雞唔同,佢嘅汁比較少,比較着重爆香嘅味道,配菜有薑,洋蔥等。味道係唔錯嘅,但就有少少油,好味嘅地方係佢真係有鑊氣!如果鍾意食大排檔感覺既三杯雞,就可以試吓

我就叫咗鹽酥雞扒加滷肉飯。鹽酥雞肉係鮮嫩,同埋炸粉唔算多,口感係脆加嫩嘅合體。鹽酥嘅味道比較少,但好處就係唔會太咸,配埋滷肉飯就啱啱好!

另外我地咗一個時菜,豆腐,同埋紫菜湯
其實每樣都係加多$8,真係好抵,好似食多咗好多唔同嘅餸咁。

飲品方面,我就叫咗熱嘅黑糖珍珠奶茶加蘆薈,甜度適中,珍珠彈牙;另外我叫咗杯熱嘅檸檬綠茶,食完啲熱氣野飲杯綠茶就啱啦!

整體環境係唔錯,佈置都幾文清,我哋坐係吧枱影得都幾靚,不過有時啲人經過就會望到我哋食嘢

我覺得呢間餐廳性價比係高嘅,飲品選擇都好多,而且唔算貴,啱晒街坊去

造訪日期: 2021年5月
感謝 shushu c
該評論乃TripAdvisor會員主觀個人意見,不代表TripAdvisor LLC公司。
發表評論評論 (62)
旅客評等
旅客類型
月份
語言

19 - 23 則評論,共 63

2021年6月9日

開店不久已經第三次黎食牛肉麵,每次黎到都人山人海排長龍,一家大細、朋友情侶客人都有,可謂人人食堂今次好彩等左十分鐘就入到! 之前試過最傳統既紅燒湯底,天氣熱今次嗌左個特濃之蕃茄湯底,三盛牛肉麵!湯既茄味香濃,配埋另加既青瓜前菜十分開胃!腱心牛肉、牛腩燉到好淋,好厚好大塊份量非常之多,啖啖肉好滿足!而牛丸咬落去雖然未到爆汁,但都算juicy同埋無粉味~麵條偏幼但有咬口,慢慢食好快啪晒成碗!!

至於男朋友嗌左雞扒魯肉飯,個人覺得雞扒係全餐最好食嘅野,我比較鐘意香口野,雞扒炸得好香口但一啲都唔油!忍唔住搶左佢半塊黎食!而魯肉做到肥瘦適中,有肥肉嘅香油味但又唔會太膩,成碗飯唔會太乾,好味!

大食嘅我地仲嗌左碟滷水拼盤,蛋,牛展,牛肚,雞翼全部都好入味!平時出街唔食雞翼嘅我都忍唔住食晒!不過兩個人食真係稍為多咗啲,比較適合幾位朋友一齊黎食!

我地叫左兩杯台式飲品,夏日水漾鮮果茶同埋芝士奶蓋玄米茶。水果茶百香果味好出眾,唔會過甜或者假得過份嘅糖漿味!而奶蓋有幾香既牛奶味,如果多返啲咸味就更好!

造訪日期: 2021年5月
    • 划算度
    • 服務
    • 食物
感謝 Tracie_CSHI
該評論乃TripAdvisor會員主觀個人意見,不代表TripAdvisor LLC公司。
2021年6月9日 透過行動裝置

真係忍唔住要去食台灣野止下癮
每次去夜市除咗滷肉飯,雞肉飯都係必食。
滷肉飯比較多地方食到,所以今次食返碗雞肉飯。
仲有紫菜魚丸湯,滷水豆腐。

都有八成台灣風味,質素唔錯,各樣都幾好食。
仲非常抵食,免收加一!
仲有其他套餐都想試下,牛肉麵好似唔錯
下次再同朋友黎試多幾樣野食。

黑糖珍珠奶茶,珍珠軟熟好食。

造訪日期: 2021年6月
感謝 137syl
該評論乃TripAdvisor會員主觀個人意見,不代表TripAdvisor LLC公司。
2021年6月9日 透過行動裝置

其味無窮的「桂花小幸」
很久沒有到元朗逛街買東西,順道到元朗廣場「桂花小幸」吃一些台式小食,那裏地方雅緻,設有卡位,坐得舒服,食物味道及價錢亦很合適。

滷水豬手米缐
滷水豬手非一般傳統有好重的花椒八角味,味道較一般清淡,但豬手脂肪比例較少又較淋,份量也算多,底下還有牙菜作配搭,非常好

鹽酥雞排滷肉飯
雞排皮脆肉嫩,口感像吃燒豬般,滷肉飯如多點滷汁會更好。

桂花雞翼
雞翼炸得香口,肉質細嫩,配上它的桂花香味蜜糖,味香帶甜,非常好味

涼拌貓耳朵及涼拌黑醋茄子
黑醋味很香純,不論配搭爽脆的雲耳或淋淋的茄子,都非常惹味開胃。

仙氣火龍果茶及魔力水晶可可
這兩杯飲品味道各具特色,「火龍果茶」入口茶香味清香,是夏天必選的消暑飲品「魔力水晶可可」其實是朱古力飲品,有非常香濃嘅朱古力味,還有滑柔柔煙煙韌韌像似的啫喱條,富雙重口感,好好飲啊!

另外還有酸味味的手拍小黃瓜和多汁的台南手工餡餅。

這間餐廳的食物和飲品其味無窮,是我日後午餐的好選擇之一

造訪日期: 2021年4月
1  感謝 GaileLee
該評論乃TripAdvisor會員主觀個人意見,不代表TripAdvisor LLC公司。
2021年6月9日 透過行動裝置

今晚放工去左食台灣野,呢間餐廳有好多唔同款既台灣美食。而且都仲幾抵食。
今日第一次黎幫襯,其實見到咁多款唔同野食,都真系攪到我諗左好耐,又有炸豬扒、炸雞扒、鹵肉飯、餃子、台式面線、牛肉面等等,超多唔同選擇。諗完幾諗,再睇睇,又有晚餐餐牌,咁樣又收窄左範圍了。
晚餐餐牌款式都唔少,總有一款岩自己。而且每款晚餐都仲可以以優惠價加配台灣小食。
最後我們點了兩份晚餐,再加配了兩款小食。
先講一下呢款鹽酥雞排鹵肉飯。
成份晚餐好豐盛,好大份,好滿足,價錢仲要唔貴,唔錯。
份鹽酥雞扒好正,好黃金外皮,脆卜卜,又大份又厚肉,肉汁好多好正,雞肉仲超嫩滑,啖啖肉,好滋味。
另外鹵肉飯都好正,上面鋪了好多粒粒鹵肉,肉汁,肉粒都好惹味,配白飯來吃,味道一流。正呀
仲有個清菜,都好清甜。唔錯唔錯,好健康。
再講一講加了個兩款小食,小食加配一款$8,如加配兩款就是$15兩款了。
加了一款鹵豆腐,正。鹵水味完全入了豆腐當中,好好味。
另外是鹵水蛋。正
仲有,每款晚餐都會配上一壺靚湯。
蓮藕豬骨湯,熱辣辣的,好保溫,就算食曬成個飯再慢慢飲湯,個湯都仲系熱呼呼。正呀,入面仲要都多料,好好味好滋潤。
呢份晚餐真系大滿足又夠營養。又有菜又有湯水,又有大大份既餸同飯。勁飽肚。
另一款晚餐點了三杯雞定食,熱鍋盛著三杯雞,熱辣辣的。雞件好惹味,啖啖肉,而且份量都系不少,不錯呀。依然都是配上菜及湯。我仲點了加埋鹵肉,咁樣就可以配落白飯落,自家變成鹵肉飯了,因為我都好愛食鹵肉飯,食台式野,點少得食返幾啖鹵肉飯。
飲品方面點了豆漿及黃金麥茶,不錯不錯。

造訪日期: 2021年4月
1  感謝 939sandyf
該評論乃TripAdvisor會員主觀個人意見,不代表TripAdvisor LLC公司。

查看過桂花小幸 牛肉麵 茶飲 休閒餐廳 b+bc的旅客也查看過

 
中國香港
 

去過桂花小幸 牛肉麵 茶飲 休閒餐廳 b+bc嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。