店舖雖不太大,但座位舒適,店舖裝修夠特色
餐牌超多選擇
前菜沙律,刺身
特色卷物,串燒
鍋物,小食炸物
飯麵類,清酒
沙冰特飲,果汁梳打及汽水 $18-42
鍾意嗒番杯 Chill 一 Chill 嘅....
仲有多款清酒選擇
$68/杯-$588/支
龍卷風沙律$76
新鮮蔬菜,海藻,蟹柳&脆片
撈拌沙律醬汁有少少辣味
口味清新開胃
宮崎黃金炸豆腐 $68 （6件）
醬汁甜甜地,外脆內軟,口感豐富
海老天婦羅 $88
炸皮薄身夠脆口, 蝦肉厚實
青龍卷 $98
牛油果,鰻魚,蟹柳
呢個嘅配搭, 原來係絕配
口味清新有嚼口感
彩虹卷 $116
刺身,牛油果,青瓜&蟹柳
呢款卷物好睇又好食
刺身下包著飯糰加蟹柳及
爽口青瓜,口感豐富

難得約到朋友出去尖沙咀食飯
揀間日本餐廳是必須的

位於方便The One嘅5樓人流唔算多
感覺舒服休閒
餐廳座位闊落坐得舒服
裝修彷彿去到以前嘅日本好正
最鍾意門口嗰個有特色嘅磚牆

前菜係龍捲風沙律 $76
最鍾意佢上面嘅生菜脆片！
撈埋重量嘅蟹柳蟹子
配上海量沙律醬非常誇張！

最有特色係呢度嘅壽司卷物
點咗部火山（卷物）$128
入面有帶子、青瓜、牛油果同埋蟹柳
上菜方式非常之有趣
似表演
會有真火，圍住火山爆發
好正，身為港女的我好buy呢啲

煙花 $78
要唔要辣味三文魚、辣味吞拿魚同埋芝士
發現咗好有趣嘅質感，原來係脆卜卜嘅薯片
好有驚喜！

櫻花蝦茄子燒 $68
完全改變左對茄子嘅睇法
原來櫻花蝦配茄子會咁夾
脆卜卜嘅櫻花蝦，配上淋芝芝茄子
溫馨提示，配搭埋佢嘅酸蘿蔔更加出色

秘製蒜香牛油燒帆立貝$38
上枱已經聞到濃濃嘅牛油香味
咬落蒜香更加明顯
好滿足❤️‍❤️‍❤️‍

餐廳侍應都非常幫到手！
好nice同埋勁有禮貌
鍾意佢哋嘅服務態度同埋留意客人需要

總括嚟講今晚餐好滿意
下次再黎

次次都係觀塘食古今二，第一次試荃灣分店，環境casual d, 食物一樣咁好食！！

❤蜘蛛 每次都必食!! 牛油果軟殼蟹卷真係無敵！！大大件軟殼蟹又香又脆，牛油果熟度岩岩好，夠晒creamy，青山好爽口，一啖咬落去有幾種texture層次好豐富
️火山 第一次試～大量蟹柳堆滿係面，好大座蟹柳卷山仔咁
雜錦天婦羅 天婦羅婦外面好脆，入面既蝦好彈牙，好味!! 仲有天婦羅mini 紫薯都好好味～
龍卷風沙津 蟹子x蟹柳x中華沙律mix沙津菜，好refresh好健康，回頭度好高，下次都應該會再叫！
埼玉網燒牛舌 牛舌超彈牙好有咬口，燒到好香

是日和朋友來到荃灣千色匯附近行街，遇見古今二居酒屋。
食了沙律、卷物、小食樣樣都好味，下次要帶媽媽來食一轉先。

日本温室南瓜沙律 $58
採用日本温室南瓜，瓜肉連皮食依亦安心，食落好有口感不會只有瓜蓉，沙律面再佈上杏仁片及蟹籽，伴有小蕃茄，好食。

蜘蛛 $88
卷物包住炸軟殼蟹身、青瓜絲、牛油果、蟹柳及蟹籽等餡料，爽脆中帶點柔軟，好味好味。

火焰金龍卷 $98
擺盤吸晴有威勢， 三文魚腩經輕微火炙過，帶來陣陣煙燻香味，餡料仲有芝士及炸蝦，口感層次豐富。

雜錦天婦羅 $88
三款天婦羅包括炸蝦、紫薯及秋葵蝦肉，炸粉薄薄，炸蝦大大條唔油膩，紫薯肥嘟嘟夠晒甜，秋葵蝦肉好搶分，食落無黏黏的感覺而且同蝦肉好夾。

三文魚頭湯鍋 $88
食住沙律同壽司凍凍地，呢個暖鍋來得合時，香濃胡椒味，湯底呈奶白色，有手掌般大的三文魚頭，仲有不少豆腐、菇菌同娃娃菜，食完暖胃又飽飽。

地理位置尚算容易找到，而且千色匯是荃灣行街必經之地，夠哂方便！
餐廳設計屬於開放式，同朋友一起吃飯傾偈感覺好輕鬆，讚！

由於平日晚上去，人流不算太多，加上有5,6個侍應，服務態度好友善，感覺良好！

炸三文魚魚頭
聞到味已經覺得好香，食落外皮好脆，加上淡燒汁，食落好香口！

柚子沙律
份量十足，適合3個人食，柚子甜甜酸酸加麻醬，啱晒做開胃菜！

蜘蛛(軟殼蟹壽司)+煙花(辣三文魚碎壽司)
一改傳統式擺設，加上醬汁拉花同少許脆口碎粟米片，創意滿分之餘，仲好好食！

櫻花蝦茄子燒
足足有成條手臂咁長！鋪上滿滿的微辣櫻花蝦，非常惹味！

每樣食物味道都好有質素，回頭率好高！

(5星為最高級)
味道:⭐️⭐️️️⭐️⭐️
環境:⭐️⭐️⭐️⭐️
服務:⭐️⭐️⭐️⭐️
衛生:⭐️⭐️⭐️⭐️
抵食:⭐️⭐️⭐️

荃灣眾安街68號荃灣千色匯1期3樓3013號舖