我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“西式日式南美菜薈萃”
Eaaat.here的評論

Eaaat.here
餐廳訂位
使用外送服務
香港排名第3,691 (共15,446家餐廳)
餐廳詳細資料
2021年6月10日 透過行動裝置

大角嘴一帶近年大翻新,開了唔少特色餐廳,今次上網見呢間eaaat.here大受好評所以就前嚟一試,嚟到先知原來佢身處係一個叫利奧坊嘅住宅商場,商場相信係新落成,入面有一連幾間勁靚環境嘅cafe同bar and restaurant,已經bookmark定下次要嚟試埋其他食肆!Eaaat.here嘅食物種類好多,由西式嘅意粉/ 扒類,到日式串燒,甚至南美經典菜式ceviche都有。

刺身吞拿魚配柚子汁 ($108)
Ceviche其實係用檸檬汁醃製嘅魚生,香港唔多餐廳有做呢道南美菜,所以見到呢度有就必叫一試!我地揀選了呑拿魚刺身,雖然用清甜嘅柚子汁醃製,但都無掩蓋呑拿魚嘅鮮味,食落酸酸甜甜相當開胃。

牛油果蟹肉合桃石榴汁沙律 ($108)
呢道沙律配上出面少見嘅石榴汁,粉紅色嘅石榴汁為賣相加分之餘亦令味道更加清新,而且牛油果嘅熟度剛剛好,綿綿嘅果肉再加上鮮甜蟹肉係絕配。

鵝肝醬多士 ($58/ 2 pieces)
呢款一口size嘅多士我地揀了鵝肝醬,一啖食完嘅份量啱啱好唔會太膩,濃郁嘅鵝肝醬加上甜甜嘅果醬完全係滿足味蕾之選。

大葱雞脾肉 ($38)/ 雞膝軟骨 ($38)/ 免治雞肉棒 ($45) Drink.here ($88)
嚟到飲cocktails當然要揀幾款串燒送酒,我試了呢杯叫drink.here,主要係gin + lemon juice + cucumber juice 混成,聽個組合都想像到佢fresh嘅味道,最啱依家大熱天時飲。而係眾多串燒入面我一向獨愛免治雞肉串,因為最鍾意佢溝埋脆軟骨嘅口感,呢度嘅免治雞肉串亦無令我失望。

魚子醬蟹膏蟹肉意粉 ($158)
呢個組合聽落都已經覺得奢華,魚子醬加蟹肉蟹膏呢個配搭簡直無得輸,意粉吸收晒蟹肉鮮甜嘅精華,再撈埋魚子醬啖啖香濃。

士多啤梨蘋果金寶伴雪糕 ($108)
最後當然唔少得甜品,平日雪糕加apple crumble就食得多,成個甜筒插係上面嘅就真係未見過!店員仲俾我地相機打卡之後就即場打碎個甜筒撈落熱辣辣嘅apple crumble度,成件事邪惡到不得了但食左啖之後係會停唔到口!

造訪日期: 2021年4月
感謝 yantszch
該評論乃TripAdvisor會員主觀個人意見,不代表TripAdvisor LLC公司。
發表評論評論 (6)
旅客評等
旅客類型
月份
語言

3 - 6 則評論,共 6

2021年5月8日 透過行動裝置

餐廳:Eaaat.here (大角咀)
地址:大角咀嘉善街18號利奧坊地下G704號舖

喺大角咀捐完成份血,去咗呢間喺利奧坊開咗大半年,主打西班牙、墨西哥同日式菜嘅eaaat.here 食晚飯,同時提早慶祝終於出晒實習,正式同大學生涯講bye bye

餐廳佈置簡單而有feel,以黑白色為主,位置闊落,坐得都幾舒服,不過冷氣就有少少大❄️,怕凍嘅朋友仔記得帶多件褸喇

先叫咗幾款串燒,餐廳所有雞串燒都喺雞用日本嘅無激素雞,所以價錢相對貴少少;點咗個大蔥雞髀肉($38)、雞胸軟骨($38)同五花腩($35),一分錢一分貨,用靚嘅材料價錢就會貴啲,燒嘅火候掌握得非常好,唔會有燒到好燶或者唔熟,雞胸軟骨比較少見,相對較為特別,五花腩真係勁邪惡

✝️墨西哥風味糕烤雞(半隻) $198
呢隻雞製作需時大約15分鐘,因為喺即叫即整嘅,雞皮烤得金黃香脆,雞肉嫩口而且唔肥,肉質飽滿而惹味,蘸埋辣辣地嘅墨西哥醬嚟食零舍有風味

✝️魚子醬蟹膏蟹肉意粉 $158
意粉食落微微creamy,帶有濃郁嘅蟹肉香,一疏疏嘅蟹肉清晰可見,另外有一咬即爆嘅魚子,仲有增加色水同香味嘅雜菌,意粉比較煙韌爽口,個人幾鍾意呢個意粉嘅口感

✝️墨西哥炒椰菜仔 $108
椰菜仔用咗蒜粒同mozzarella cheese去炒,加咗焦糖同墨西哥醬汁,令椰菜仔簡單而唔單調,味道相對較濃,大概有廿幾粒,唔知你又鍾唔鍾意呢款菜呢?

✝️Hot.here $88
餐廳自己調製嘅cocktail,亦係唯一一隻cocktail加咗薑汁嘅,飲落薑味同檸檬味取咗個平衡,薑味好純,同Gin酒配搭又幾夾

✝️Yuzushu Chu-hai $88
用咗初戀柑夏蜜柑酒、燒酌同梳打水去泡製,飲落有燒酌嘅香醇,加咗甜甜哋嘅蜜柑酒更易入口,建議愛品嚐燒酌嘅人可以叫呢個,唔太飲得好嗆嘅人就可以試吓其他加咗唔同味道嘅燒酌

✝️士多啤梨蘋果金寶伴雪糕 $108
最後點少得食個甜品,熱辣辣嘅香脆金寶有陣陣士多啤梨同蘋果香,將雲呢拿雪糕同脆筒敲碎再撈勻,冰凍同熱呼呼嘅感覺同時喺口同牙齒之間徘徊,好好食啊

造訪日期: 2021年5月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2021年3月30日

大角咀新開的fusion居酒屋,餐廳唔算好大但坐得闊落,啱一班朋友聚下餐。

話係fusion餐廳,因為佢地有西班牙菜亦有日式串燒食。酒類都係有西式liquor同cocktail亦有日式燒酒同梅酒。
刺身帶子配菠蘿酸汁
帶子約有6片,食落好嫩滑。可惜係菠蘿汁偏甜,而且帶子嘅鮮味較淡,整個感覺比較普通。

醬汁拼盤
平時係其他餐廳食嘅粟米脆片通常都係現成貨,但佢地係自家整嘅~食落有啲似春卷皮,不過就硬身同厚身啲。醬汁可以揀4款,我地揀左墨西哥莎莎酸辣蕃茄醬,墨西哥莎莎青醬,酸忌廉牛油果醬同酸忌廉燒烤醬。我個人就較鍾意牛油果醬同酸辣蕃茄醬。

烤豬頸肉墨西哥夾餅
一人分嘅份量,約4吋大。燒豬頸肉都幾彈牙同juicy,加埋蕃茄莎莎醬同椰菜絲,味道濃得黎又唔會太膩。

串燒
牛舌
一串有兩大塊牛舌,每塊都有成1cm厚,食落好彈牙又唔難咬,好有牛脂香
安格斯牛肉
4粒一串,覺得唔夠juicy,如果燒到半成熟會更好

大蔥雞脾肉
大蔥好香,雞脾肉又嫩,加埋燒口汁,簡單但好食

魚子醬蟹膏蟹肉意粉
佢地啲意粉係自家製嘅,好有al dente口感個忌廉sauce creamy同好有海鮮味,而且仲好掛麵。蟹肉同魚子醬都唔少,啖啖都食到,一份兩人share都食到好滿足

士多啤梨蘋果金寶伴雪糕
呢個甜品吸睛之處就係有一整條雪糕甜筒,店員會等客人打完卡後幫忙敲碎個甜筒,等雪糕半溶時就可能拌勻食。整個apple crumble都唔錯,加埋士多啤梨食落更有fresh嘅感覺~少少特別係佢個底係橙味海綿蛋糕,同平時食開嘅曲奇餅底好唔同。

蜜柑酒,薑汁,燒酎,soda
一開始會嚐到蜜柑嘅香甜,之後就有燒酒味,薑汁味就較為弱左啲。

Ka Shin Street
好清新的一杯cocktail。用elderflower syrup, cucumber, 檸檬汁配合gin調製成,聞落有elderflower 嘅清香,味道少少酸甜帶有青瓜味,非常之易入口。

造訪日期: 2021年3月
感謝 Ariesstar43
該評論乃TripAdvisor會員主觀個人意見,不代表TripAdvisor LLC公司。
2021年6月6日 透過行動裝置
Google 翻譯

造訪日期: 2021年5月
該評論乃TripAdvisor會員主觀個人意見,不代表TripAdvisor LLC公司。

去過Eaaat.here嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。