店鋪：茶星人 (旺角)
地址：旺角花園街2-16號好景商業中心地下18號舖

由茶星人喺美孚得一間店鋪，到依家有十幾間分店，真係可以話見證住茶星人走遍全香港九港新界，茶星人嘅老世真係唔話得，除咗一直同香港人同行，亦都睇住Hinson我由啱啱開始呢個foodie page到今時今日，相信我地都一樣會繼續陪伴住香港人走過每一個秋與冬

今次去咗旺角好景商業中心嘅茶星人基地，一去到就比佢地嘅本土擺設吸引咗，呢間茶飲店真係黃到金，喺香港嚟講都可以話喺數一數二，香港人緊係要大大力撐啦！

手工芋泥鮮奶 (700mL) $38
係超足料嘅芋泥特飲！由頭飲到落尾都有源源不絕嘅芋泥，綿滑香濃嘅鮮奶做個mix and match簡直喺絕配，飲到底打開個蓋再食埋啲芋泥真係超飽肚，果然喺勁爆足料，抵飲

水果大爆炸 (700mL) $33
呢個水果茶係集合左唔同嘅新鮮水果同埋四季茶而成，見佢橙橙地紅紅地嘅顏色，你又估唔估到入邊有咩水果呢？以我見到嘅話：火龍果、蘋果、橙、青檸、菠蘿、紅柚等走唔甩，飲落唔會好甜，以清新果香為主，非常解渴夠哂fresh

逢星期一至五出示學生證或者着住校服仲有$5折扣㗎