我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“NMSL”

No Money So Lonely
香港排名第267 (共15,531家餐廳)
周圍地區: 旺角
餐廳詳細資料
周圍地區: 旺角
2021年3月24日 透過行動裝置

NMSLxNo money so loney
冇錢就窿
無錢呻吟,有錢身痕

記得抹咀墨汁卡邦尼配巴馬火腿 $118
有得揀意粉或者烏冬
意粉平時食得多,試吓墨魚汁嘅烏冬
除咗個名得意,味道都好好食
開頭第一下見到嘅時候諗,分量咁少
然後食下食下唔覺原來都幾飽
最緊要食完記得抹咀

話梅蜂蜜咖啡 $46
見到賣相有少少唔開心,因為覺得個拉花醜樣左,但係話梅加蜂蜜既咖啡從來都未飲過。咁特別嘅咖啡,第一啖飲落去唔覺話梅味,但飲到酸酸地,再飲落去就飲到蜂蜜味甜甜地,最後飲到真係話梅嘅味道,特別得來又唔會蓋過咗咖啡,10分推介

椰子香茅咖啡 $46
佢呢個得凍飲,嚟到嘅時候見到好多椰絲,飲落去係酸酸地嘅咖啡,但佢嘅酸味唔係話梅咖啡嗰啲酸,而真係咖啡酸味嘅酸,但飲咗好多啖都飲唔到佢有椰子嘅味道,香茅感覺都唔多覺,但個賣相都算正常

咖啡種類太多,下次要試埋其他味道。

甜品係我好大期望嘅一樣嘢
叫嘅時候店員話琴日太好賣,賣晒
得返cake, 我同佢講話我黎bookmark咗一定要食,過咗一陣佢同我講話有窩夫,再過多一陣又同我講話有心太軟,睇得到佢好努力幫我爭取
呢個店員唔係呢間鋪,佢都話想試吓心太軟,佢同我講話佢哋依家整可能要等耐啲,我專程為咗呢個黎,等一陣梗係冇問題。

辣的心太軟 $68
一上到黎就好吸引我,影咗一兩張相就要即刻切,因為我好怕裏面個朱古力凝固咗
切落去嘅時候係流心嘅,開頭都睇唔到上面有啲辣椒,食落去第一啖係辣嘅,第二啖加埋雪糕一齊放落口,辣到噴火,感覺好特別,而且啲辣唔會蓋過咗朱古力味,重點係個雪糕仲要係海鹽味
好驚喜,好好食

環境都算大,除咗啲食物名得意又好食之外,仲有好多打卡位,最緊要調過嚟嗰個員工真係好正,好傾得,好開朗,希望佢哋表揚一下呢位員工

#HKgirl #hkig #hkfoodie #influencer #hkblogger #香港美食指南 #吃貨 #美食

造訪日期: 2021年3月
感謝 fishtailyuen
該評論乃Tripadvisor會員主觀個人意見,不代表TripAdvisor LLC公司。
發表評論評論 (60)
旅客評等
旅客類型
月份
語言

50 - 54 則評論,共 60

2021年2月22日 透過行動裝置

最近見到好多人都no money so lonely, 睇到我都忍吾住去試下有幾lonely
特登來到呢間新開的西餐廳,讓我印入眼簾的係超級可愛有趣的裝潢同擺設,張台可以係地板的轉頭砌上去的,牆上還有很多漂亮的掛畫,還有每一桌的擺設,除左必做的打卡動作,就是欣賞這裡的裝潢,真係好有心思。
因為餐牌見到食物好吸引,我們二人點了好多野食,有香茅墨汁雞翼(避風塘),他他醬的地瓜條,胡椒大大隻蟹飯,一壺蘋果雪梨桂花茶。
香茅墨汁雞翼係避風塘口味,好香好脆口,而香脆的豈止雞翼,還有地瓜條,長長的地瓜沾上醬料,絕非普通薯條口感,是甜甜脆脆的很開胃。接下來主食胡椒大大隻蟹有賣相又有質素,這個蟹是軟殼蟹口味,可以整隻吃,撈飯也是一流的。最後食飽飽飲返杯蘋果雪梨桂花茶解解膩就最好不過,而且還能續水,一壺桂花茶可以從濃味飲到淡也是不錯的感覺,吃完我們還在這裡打卡打了好久,真係一個打卡聖地,大家真的要來一次試試。

造訪日期: 2021年1月
感謝 yauyau41
該評論乃Tripadvisor會員主觀個人意見,不代表TripAdvisor LLC公司。
2021年2月4日 透過行動裝置

今日去左間旺角T.O.P.新開既泰國Fusion菜 - No money so lonely ,相信餐廳名講出左唔少人嘅心聲! 呢間餐廳係Mamaday嘅姊妹店,無論裝修風格定係餐牌嘅設計都十分相似,風格別樹一格。

啖啖蟹肉擔擔飯:依個擔擔飯嘅賣相好靚,而且蟹肉份量超多,啖啖都係鮮甜蟹肉!一入口成口都充滿住香濃嘅四川麻辣味。比起一般嘅意大利飯,呢一個又香又辣嘅意大利飯夠晒創意而且風味十足。

朱古力燒牛肉沙律:牛肉味香濃,惟牛肉得過咸,如果調味料輕手啲會好啲!沙律菜非常新鮮食落索索聲,但沙律醬汁偏甜,搶咗牛肉嘅味道。

山楂蘋果茶:清香嘅茶味中和左餸菜嘅濃味,飲落有消濟之效。

造訪日期: 2021年2月
感謝 gigingan
該評論乃Tripadvisor會員主觀個人意見,不代表TripAdvisor LLC公司。
2021年1月31日 透過行動裝置

餐廳係由人氣店MAMADAY Cafe創辦人之一開設嘅另一品牌,單憑餐廳名「No Money So Lonely」以至縮寫「NMSL」就知餐廳充滿玩味另餐廳不但有好多搶眼嘅打卡位,就連部分菜式名稱都既爆笑又搞鬼

冬蔭功大蝦比薩($136)
Pizza係薄脆餅底,餡料有車厘茄、大蝦及紫洋蔥等,冬蔭功味幾香但唔算好濃,味道有少少辣,幾開胃惹味大蝦都幾大隻,仲堅係爽口彈牙,好好食呢道fusion菜真係食得過

貧窮是寂寞拼盤($96)
拼盤有薯條、冬蔭功炸飯波、腐皮扎肉及秋葵蝦,份量都幾多,全部都係新鮮熱辣炸起,所以勁香口冬蔭功炸飯波好味又特別,食落辣辣地,有好香濃嘅冬蔭功味,口感外脆內軟秋葵蝦嘅蝦膠又夠彈牙薯條仲要係粗身薯條,未食已經心心眼最終多到食唔晒!

士多啤梨玫瑰梳打($42)
飲落有士多啤梨味及玫瑰花香,味道酸甜,好啱邊食辣嘢邊飲,夠解渴

番石榴檸檬熱情果沙冰($48)
番石榴及熱情果味突出,飲到有檸檬皮、番石榴及熱情果核,所以好肯定係用新鮮生果打成顏色好搶眼,味道比較酸飲落好fresh!

餐廳不論環境及主打嘅東南亞fusion菜都好有特色,相信好快會成為另一間人氣餐廳

造訪日期: 2021年1月
感謝 dyiongw
該評論乃Tripadvisor會員主觀個人意見,不代表TripAdvisor LLC公司。
2021年1月27日 透過行動裝置

餐廳:No Money So Lonely (旺角)
地址:旺角彌敦道700號T.O.P This is Our Place 4樓406-408號舖

趁住假期去咗T.O.P This is Our Place 4樓嘅No Money So Lonely食lunch,去到就好有一種熟悉嘅感覺:吸引眼球嘅鬼馬擺設、五顏色顏嘅色彩配搭、諷刺盞鬼嘅格言句子。原來呢間NMSL喺MAMADAY其中一個台北設計師創辦人開嘅東南亞fusion菜餐廳,一間餐廳就有4個唔同主題嘅dining areas,果然設計師喺唔同啲

無乜芫茜味的西檸芫茜飯配燒星鰻魚骨 $128
呢碟飯有一條長星鰻,星鰻喺鰻魚嘅一種,多數喺近海或者河海交界附近捕捉,相對起係河入面捉嘅鰻魚無咁腥,味道較淡,唔洗用濃醬汁都已經好好食,另外仲有兩塊晒乾嘅星鰻魚骨,有啲似我地平時食開嘅魷魚乾;配埋充滿芫茜、其實都幾香芫茜味嘅炒飯,我就覺得幾好食,加啲西檸汁味道就更加清新,鍾意食芫茜嘅朋友就要試吓喇

生舊素叉燒好過生你比薩配秘製麥芽糖醬 $108
用咗100%素肉去仿製叉燒,食落又真係幾有叉燒香,同埋叉燒嘅texture,再加上洋蔥、草菇等配料都算幾豐富,整體味道有濃郁嘅麥芽糖醬同叉燒醬汁,個人就覺得有少少過多醬汁太濃味,不過鍾意濃味嘅人應該會食得幾開心

食完濃味嘅食物,飲返杯清新蘋果雪梨桂花茶($42),再欣賞吓呢個藝術小世界,都幾賞心樂意,唔知你又搵到個啱你嘅打卡位未呢?

造訪日期: 2021年1月
1  感謝 hinsonfoodhk
該評論乃Tripadvisor會員主觀個人意見,不代表TripAdvisor LLC公司。

去過No Money So Lonely嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。