我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“滿分炭火燒肉”
燒肉臻的評論

燒肉臻
餐廳訂位
香港排名第1,958 (共15,446家餐廳)
周圍地區: 尖沙咀
餐廳詳細資料
周圍地區: 尖沙咀
2021年6月1日

日式燒肉店就食得多啦,但係好少係真係擺個炭火爐係你面前燒,今次而家喺尖沙咀嘅燒肉瑧就真係真材實料咁樣用炭火燒烤啦。

一入到去就見到呢一部機,完全就係清酒放題嘅感覺,鍾意日本酒嘅人一定要試晒每一種味道啊。 日式燒肉嘅醬料都好重要,餐廳就提供左三種自家製嘅醬汁,第一格係食紅肉用嘅燒汁,第而家係柚子胡椒子醬,海鮮專用,第三格係自家製蕃茄汁,係用嚟食內臟嘅。

燒肉就食得多啦,但內臟就真係第一次食,佢嘅肉上面都加咗少少調味所以其實唔加醬汁都好食,所用嘅食材肉眼所見好新鮮,脂肪分布亦都好靚,普通部位譬如牛小排嗰啲可以自己燒,去到內臟或者特別雞肉師傅就會主動幫你燒㗎啦,始終佢哋係專業嘅,燒出嚟真係特別好食。 平時好驚食牛舌因為覺得有浸騷味,今次食呢個唔知係咪調味掩蓋左,定係其實關個肉嘅質素是,呢度完全食唔出嗰陣騷味,牛舌肌肉非常有彈性,一啲都唔銀。

牛腸平時真係完全唔會叫你食因為覺得好肥,但係呢度燒到個口感好特別,脂肪完全去走晒,食到牛腸本身嘅口感,肉質好軟又有彈性,因為係特製嘅醬料醃製過,所以燒完之後非常惹味香口。

呢個牛肉盛合真係一定要叫,成個盤托出嚟嗰一下真係好吸睛,完全係視覺嘅盛會,每一塊肉嘅雪花分布得都好靚,肉質嘅色澤都好靚好有光澤,感覺就好似啱啱切落嚟新鮮放到啲面前咁,我哋由最低開始食起,每食一塊肉都有新嘅驚喜,我最欣賞嘅就係和背峰同埋牛三角胸小排,牛背峰係精華嘅部位,數量比較少,油脂分布好均勻,入口瞬間溶化而且多汁,以牛三角胸小排都係極稀有嘅部位,佢雪花分布到好似大理石嘅花紋咁,入口順滑但又有口感,真係好特別。

呢度嘅柚子雞腿同炭火雞都令我留下深刻嘅印象,柚子嘅酸甜味道好清新開胃,同埋炭火雞係餐廳用炭粉加自家製調味料,喺外面都唔會食到,所以真係要叫泥試吓。

甲羅燒有大量嘅蟹膏同埋蟹肉,味道香濃而且唔會太咸,配上脆口嘅梳打餅好夾。

燒鰻鱺,亦姐係燒鰻魚,食埋鰻魚嘅幼骨都唔覺,肉質係非常彈牙,好有口感,而且鰻魚肉亦都好滑,外表燒到金黃色好香,餐廳會提供鰻魚汁同另外一種自家製嘅醬汁,個人覺得鰻魚汁就冇咁好食,餐廳嘅醬汁係帶有少少酸嘅味道,更加帶出到鰻魚嘅鮮味。

嘢飲方面試咗呢個嘅梅酒,非常香有果甜嘅味道,入口順滑,最後帶有少少苦澀嘅味道。 甜品我嗌左個焦糖布甸批,但原來係雪凍左㗎,我以為係熱食嘅,但說動左嘅焦糖又好似啫喱咁樣,口感好特別又唔太甜,如果雪糕應該係野莓雪糕,都好好食。

呢餐食咗好多高質素嘅燒肉,而且仲有師傅專人幫我燒,我哋係坐吧枱起先驚對住個爐會好大油煙,但個抽風系統真係做得好好,而且對住個爐都唔會覺得熱,餐廳嘅復位都好好,成日過嚟幫你添茶,另外餐廳仲提供QR code落單,其實真係方便好多,可以隨時check返自己張單。

造訪日期: 2021年4月
    • 划算度
    • 服務
    • 食物
感謝 lky212
該評論乃TripAdvisor會員主觀個人意見,不代表TripAdvisor LLC公司。
發表評論評論 (11)
旅客評等
旅客類型
月份
語言

3 - 7 則評論,共 11

2021年5月8日 透過行動裝置

香港竟然有炭火燒肉食❓❓

鍾情日本菜的朋友仔生日,指定要食炭火燒肉,大家七嘴八舌上網搵左一輪,選定尖沙咀萬事昌廣場『燒肉臻』同佢慶祝,邊飲威士忌邊燒肉,真係人生一大樂事!❣️

餐廳分吧枱同用餐區域,想自己試下燒,一定要坐吧枱,QR code 點餐,除主打和牛外,豬,羊,雞,刺身,內臟,沙律,湯飯都有,好豐富呀 !❣️

檸檬可樂割威士忌 ~
樣子似檸樂,味道都跟檸樂差不多,
好容易入口。❣️

油甘魚/三文魚刺身 ~
每份有5 件,每片都切得非常之厚,
油甘魚同三文魚刺身同樣新鮮又香滑。❣️

牛肉盛合 ~
超熱門菜式,基乎每枱都有一份,包括7個牛肉部位,每款2 件,貴精不貴多,有日本和牛腩,和牛背峰,和牛三角胸小排,美國翼板,牛小排,牛心和厚切牛舌。❣️

和牛胸小排~
和牛腩~
油脂超級豐富,睇見都流口水,
輕輕一燒就有入口即溶效果。

和牛背峰~
美國翼板~
牛小排~
脂肪無咁豐富,勝在肉味重,
3 款都有唔同質感。

厚切牛舌~
牛心~
厚切牛舌入口軟滑,而牛心燒出來非常香,煙煙靭靭,又帶點內臟味,好鐘意。

薄切美國牛舌~
好易熟,燒得香脆又爽口。❣️

日本雞頸~
朋友話呢度既雞頸好好味,
原來雞頸都有咁多肉, 口感爽滑,
似豬頸肉,有驚喜。❣️

伊比利亞豬肋條 ~
估唔到細細條的豬肋條肉味勁香濃,
有咬口,又多汁,好有水準。❣️

燒鰻鱺 ~
燒海鮮有師傅代勞,魚皮燒得香脆,
肉質爽口,沾上甜酸汁同食,很惹味 。❣️

甲羅燒 ~
滿滿的蟹膏,無論用匙直接食,
或配餅乾,同樣鮮味十足。❣️

羊排 ~
好厚肉,我們先把每面燒香封住肉汁,
再慢火細烤,切開肉汁豐富,
唯羊架有少少羊騷味。❣️

日本旋風豚肉腸 ~
堅抵,一大圈日本腸,剪開燒至脆皮,
熱辣辣,好厚肉,超飽肚。❣️

燒日式魚乾 ~
將圓形魚乾放在烤爐中間燒至兩面金黃,剪開就食得, 魚乾口感較硬,甜甜地,越嚼越香。❣️

酒盜薯仔沙律 ~
食完一堆燒肉,最後點左個沙律清腸胃,好大份,薯仔混合牛油,香滑身之餘帶少許海鮮發酵過的辣味, 送酒一流。❣️

食完燒肉大餐, 大家盡興之餘,都異口同聲話要下次再約,而我,最欣賞係餐廳用外面少見的炭火燒烤,味道有別於一般餐廳,令人食得更盡興。

造訪日期: 2021年4月
2  感謝 jessie_xxo
該評論乃TripAdvisor會員主觀個人意見,不代表TripAdvisor LLC公司。
2021年5月5日 透過行動裝置

最近迷上了食燒肉,而熟悉餐飲的朋友推薦這家日式燒肉店,看餐廳照片已覺吸引,所以便預約了晚餐

位置:
餐廳設於寶勒巷萬事昌廣場的一樓,距離尖東西鐵站出口步行只需5分鐘,附近有K11商場,逛完街前往也很方便

環境:
餐廳走日式炭火燒肉店路線,吧枱格局以黑色及石材為主,感覺很有格調。而卡位及大堂座位則充滿木元素,有中式的溫暖感覺當客人都在燒烤時,吧枱位置會佈滿油煙,但幸好沒有在燒烤時油煙很快會被抽走

服務:
侍應有禮貌,就座會奉上熱茶及醬汁,亦會不時加菜。下單是掃QR碼,飲品可選一段時間任飲,很受歡迎另外,餐廳設有清酒自動售賣機,很先進及前所未見

食物:
餐廳主打高級燒肉食材,包括鳥取縣和牛,價格屬中等,勝在品質較高❤️

三文魚(五切) $58 及油甘魚(五切) $68
先來兩款刺身,厚切而質素頗高,三文魚鮮甜而油甘魚油脂豐富,兩款因厚身而口感不錯

酒盜薯仔沙律 $48
用上酒盜伴薯仔沙律,鹹中帶少許腥味,更出奇增添了些辣味,薯仔沙律鮮甜,加上薯片多了一些口感

炭火雞 $98
這款侍應會親自幫忙燒,燒出來像宮崎地雞的外表,雖不是日本雞,但亦算嫩滑,而且炭火味香

牛肉盛合 $330
牛肉套餐種類繁多,同時有一些蔬菜做伴菜:
牛心~相當香及嫩,香濃帶一丁點血味
牛舌~厚切的牛舌燒出來很香亦有口感
美國翼板~油花多,軟嫩適中
美國牛小排~壺漬過的牛仔骨,肉質結實,燒出來很香
日本和牛腩~和牛燒出來就是入口即溶,油脂香
日本和牛背峰~即是肉眼上蓋,油脂均勻,肉汁滿溢☺️
日本和牛三角胸小排~順滑有嚼勁且香嫩多汁✨

薄切美國牛舌 $98
薄切的美國牛舌以鹽調味,香而嫩

伊比利亞豬肋條 $88
西班牙豬肋很重豬肉香,燒香很有咬勁

日本雞頸 $38
想不到雞頸這麼嫩滑多肉,燒起非常香

日本雞心 $34
日本雞心更勝美國雞心,很新鮮,燒出香而嫩

燒鰻鱺 $168
侍應會主動幫忙燒,很專業的燒至金黃色,肉質實而香口

甲羅燒 $98
這裡的甲羅燒用上大量的蟹膏及醬料,香濃鮮甜,配合餅乾食有更高享受

羊排 $68/支
羊排大件,燒出來很有羊香,怕羊羶味的朋友要注意

日本旋風豚肉腸 $88
非常長身的豚肉腸,份量多而且燒出來很香豚肉味,外皮亦香脆

燒日式魚乾 $78
即是平時食的燒魚刺,整條上供客人燒,燒出來香滑鮮甜,配美乃滋食是一流的小食

檸檬可樂割威士忌 $68
選了可樂割威士忌,要配合日式燒烤及小食又怎能不帶一些酒類呢

整體感覺這家日式燒肉店各方面均出色,而用上炭烤燒才是日本燒肉的真正靈魂所在,如果抽風可以再做好一些,相信此店會更受歡迎呢☺️

燒肉臻 @yakinikushintst
地址:尖沙咀寶勒巷3-7A號萬事昌廣場1樓102號舖

造訪日期: 2021年5月
1  感謝 moshui
該評論乃TripAdvisor會員主觀個人意見,不代表TripAdvisor LLC公司。
2021年4月29日

同事升職,有好機會要請一餐勁嘅,很久沒有吃燒肉了,今次一定走唔甩。
這麼高興的事情,當然要喝些清酒,剛好有清酒放題1.5小時,我們便買了代幣。裏面有一部清酒放題機,有10多款清酒,可以隨意選擇,每一杯大概30毫升,可以試多幾款呢。15號比較甜一點, 8號醇厚, 10號易入口,都是熱門的選擇。
這間店子,用炭燒烤很有特色。
我們點了蒜香牛鍵薄燒,燒的時候用牛腱包着蒜片,葱粒吊起牛肉味,牛的油脂香,值得一試!
伊比利亞梅頭,原本以為厚的豬肉會韌,燒好之後,令我眼前一亮,沒有騷味,又香又彈牙。
炭火雞,這個雞肉原本已經佈滿,食用炭粉,灰灰黑黑的,很特別,雞肉燒完也很嫩滑。
甲羅燒,是蟹蓋裝著蟹膏,上面加上蛋一隻,一邊燒一邊攪拌蛋和蟹膏,放在梳打餅上拌著吃,非常濃郁。
燒鰻鱺,魚肉厚而無骨,魚味非常重不腥,入口也快要溶化了,十分之高質。

造訪日期: 2021年4月
感謝 fittuntun
該評論乃TripAdvisor會員主觀個人意見,不代表TripAdvisor LLC公司。
2021年4月28日

已經有多年沒有吃日式燒肉,今晚受到朋友邀請來到尖沙咀寶勒巷這一家日式燒肉店!

由於很早就到嚟所以沒太多人客,但多坐一陣便全院滿座,在 weekday 晚上也有很多人來餐廳實屬難得!

十分貼心的是餐廳內原來有locker,估計燒肉過程擔心客人隨身物件及衣服會有燒肉味,所以提供 locker!

之前在其他餐廳看過這部清酒機器,在這家餐廳原來只需花一百三十八元便可以90分鐘放題清酒及啤酒!二話不說便決定再等朋友過程中先點上飲品!

看見海報啤酒有白啤黑啤 mix,所以便點上來試試!二合一的黑白啤,感覺沒有黑啤那麼濃,混合了麥美及辛味,據為特別!

坐在吧檯好處是可以看見餐廳員工將炭爐燒熱,同燒肉過程觀感好好!來餐廳必要坐呢d 位!

前菜我們點了酒盜薯仔沙律,燒雞泡魚乾!雞泡魚乾即場燒,而我們在等雞配魚乾過程中便先品嚐酒盜薯仔沙律!

薯仔沙律十分新鮮,魚仔亦有很重牛油味配上特式醬汁均勻攪拌後來吃鹹香味十足!而且也很開胃!

過後我們便吃剛剛燒長的雞泡魚乾,這個雞泡魚乾乾燒出來溫度帶有熱度,而且從沒有試過這麼香脆可口又不咸的魚乾!

店員在我們吃前菜是用兩個炭爐一邊燒炭火雞另一邊燒甲羅燒,專業十足!

甲羅燒燒後配上梳打餅味道出奇地梳打餅的芝麻香及餅香帶出,而甲羅燒需要趁熱盡快吃掉否則涼了後味道會有少少差距!

店員再燒炭火雞過程十分吸引,因為不知何解在燒雞肉過程中的煙十分濃烈,而且又深色!後來一問店員說由於雞有雞油所以令到煙相對多,不過我估是因為炭火雞在雞上塗上食用碳粉,在燒的過程中燒到碳粉和雞油才令白煙濃郁!

成品出來後炭火雞份量十足,98元一份不算貴,又有店員幫忙燒,值回票價,這炭火雞需要配上 wasabi 來吃,味道很不一般,值得一嘗!

燒肉過程便我們自己親自操刀,我們點了牛肉盛合,因為可以嘗試不同品種肉類及內臟,提一提記得燒的過程是從高燒到低,當然不一定要這麼講究,喜歡吃什麼便燒什麼!

自己燒還是有不一樣的感覺,熊熊烈火,自己控制火候,如燒的太過火並不能怨天尤人了!所以店員會向我們說,燒20秒再翻身燒20秒便差不多!

其實我想說每一款在這個牛肉盛盒都很嫩很香,輕輕燒上一分鐘以內吃落後的感覺回味無窮,新鮮至極!

喜歡吃豬的朋友不能錯過伊比利亞豬肋條,肉質鮮甜韌度十足咬落去豬油香口!

而喜歡吃明太子的朋友可以試試這個,明太子紫蘇豚肉卷,我個人覺得沒有太大驚喜,但我朋友喜歡至極!她說是因為明太子,不過本人不太喜好!

海鮮我們選了帆立貝和鰻魚,這兩樣便留給店員幫我們處理,始終我們沒有他們燒得這麼好吃,及控制火候還是比較生疏!

最後我們兩個點上甜品作為今晚 happy ending。我選的是熱食蘋果批配士多啤梨雪糕,而朋友選的是芒果雪葩!本來我不太知道什麼是雪葩,後來上碟後才發覺原來就是將生果冰凍,但朋友說這就是燒肉後冰涼一翻,反而我還是對我的蘋果批有點興趣!熱蘋果批,配上冰凍士多啤梨雪糕,冰火交融,十分滋味!

造訪日期: 2021年4月
    • 划算度
    • 服務
    • 食物
感謝 Jay H
該評論乃TripAdvisor會員主觀個人意見,不代表TripAdvisor LLC公司。

去過燒肉臻嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。