我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“百年經典意大利餐廳”
Giovanni Pina的評論

Giovanni Pina
香港排名第36 (共15,461家餐廳)
周圍地區: 尖沙咀
餐廳詳細資料
周圍地區: 尖沙咀
2021年6月9日 透過行動裝置

一個黎自意大利代代相傳既糕餅品牌,去到依代已經傳到第三代,依個品牌最近仲係K11 Musea開左餐廳。今次我特別慕名而來,餐廳景觀好開揚,座位之間又闊,坐得好舒服。

我地點左一個Fish Set ($288)同散叫幾碟食物。

黑松露野菌忌廉湯

個湯好濃郁,好重黑松露味,真材實料。

烤焗銀鱈魚柳 配地中海香草蕃茄

銀鱈魚柳好厚肉,多汁,調味好合適,好味。最驚喜係個地中海香草蕃茄汁,蕃茄汁好香甜,仲有少少酸味,好特別,好好味。

24-Month Parma Ham薄餅 ($158)

薄餅皮外脆內軟,好香麵粉味,Parma Ham同芝士配上薄餅依個配搭令人好滿足。

墨魚墨汁意大利飯 ($168)

意大利飯好彈牙,調味亦調得幾好。墨魚份量都好多,入口好彈牙,有好濃郁既墨魚味,好多汁,好味。

利古里亞海鮮大燴 配烤蒜香意大利包片 ($248)

海鮮大燴有龍蝦,蝦,蜆,青口等等。蝦有好重蝦味,唔會煮到過左火,蝦肉彈牙,好味。蜆同青口同樣好鮮甜,好少可以係西餐廳食到依個質素既海鮮。

La Sala Chianti 2013 ($568)
依款2013年既酒係餐廳老闆係意大利酒莊買,市面上無其他地方有得賣,入口帶有濃濃既黑莓既香味,飲完仍然有酒香留係口入面。今日可以一邊飲紅酒,一邊食海鮮,真係非常寫意。

First Love
有好香士多啤梨味,又唔會太甜,好好飲。

Giovanni Pina既甜品同樣好出色,下面係一d我覺得特別好味既甜品。

迷你酥皮吉士卷

有144層酥皮,非常酥脆,配上吉士,真係一試難忘。

開心果撻

開心果好香濃,入口好幼滑,好好味。

蛋白檸檬撻 ($52)

檸檬味幾清香,上面既蛋白唔會太甜,唔錯。

Gelato方面,餐廳保持意大利傳統整作方法,今次我就點左開心果,牛奶同提拉米蘇。

開心果Gelato非常好味,開心果味非常濃郁,每一啖都好似食緊開心果咁,依個真係大力推薦大家試試。

牛奶Gelato就有好香牛奶味,鐘意飲牛奶既朋友可以試試。

提拉米蘇Gelato就好特別,入面有蛋糕,配搭得幾好。

☕Cafe Milani 咖啡
依杯咖啡黎自意大利大品牌Cafe Milani,入口唔苦,唔酸,有濃濃咖啡香,唔洗加糖就咁飲已經好好飲,依杯咖啡都推薦大家黎到一定要試試。

可以係K11 Musea以依個價錢食到咁高質素既意大利餐真係超值,Giovanni Pina既Gelato,咖啡同海鮮都好出色,大家真係不妨試試。

造訪日期: 2021年6月
感謝 hkaftertaste
該評論乃TripAdvisor會員主觀個人意見,不代表TripAdvisor LLC公司。
發表評論評論 (70)
旅客評等
旅客類型
月份
語言

6 - 10 則評論,共 70

2021年6月3日 透過行動裝置

呢間餐廳可以坐餐廳入面或者餐廳出面,出面一啲位可以欣賞商場景。
我哋揀咗坐出面,仲可以影埋商場嘅熱門打卡位。

嚟呢度比較想食甜品及飲杯嘢。另外仲叫咗麵包輕食。

▶️棋盤蛋糕$52
朱古力及榛子吉士忌廉味嘅海綿蛋糕,我幾鍾意佢個味道☺️清清地但係有淡淡朱古力及榛子味道,唔會太甜,蛋糕軟綿綿又幾香

▶️朱古力金合歡$52
朱古力吉士忌廉海綿蛋糕,呢個口感較結實,朱古力味都幾香濃

蛋糕除咗堂食,仲可以外賣。

▶️巴馬火腿水牛芝士意大利包配甜薯條$138
巴馬火腿唔算太鹹,芝士夠多。甜薯條未到幾甜又香脆。配有沙律。

▶️一個西瓜汁一個橙汁
夠fresh , 幾好飲

造訪日期: 2021年5月
感謝 starrychow
該評論乃TripAdvisor會員主觀個人意見,不代表TripAdvisor LLC公司。
2021年6月1日 透過行動裝置

唔食唔知道,Giovanni Pina 不只是甜品大師,麵包、薄餅及意大利飯皆非常出色,選材自意大利優質麵粉,口感棉密,外脆內鬆軟,與坊間的柔韌不同,

從前鐘情 Sacher 及 Gelato,今晚之後,亦愛上了各款 risotto,汁豐富嚼勁; 海鮮蕃茄湯頭美味,安格斯西蘭性價比高,若然喜歡意大利食品,絕對值得一試!

造訪日期: 2021年4月
感謝 gourmet_ivy
該評論乃TripAdvisor會員主觀個人意見,不代表TripAdvisor LLC公司。
2021年5月22日 透過行動裝置

好享受放假的日子,除咗可以停曬手頭上工作,最開心就係可以周圍行街食野,呢日去左K11 Musea, 見到呢間餐廳名好熟口熟面,記起之前去過佢地荃灣分店,高質素意大利餐廳一定要再來

餐廳配合商場創意格調,令人有種優雅高貴,就好似置身於意大利小鎮一樣,侍應安排我地坐在梳化枱,寫意又舒服餐牌款式多,咁就各人揀一款share食啦

屋企人點左意大利特色早午餐成個餐好豐富,食材上盛又真材實料,賣相又吸引,鹹香parma ham,配上脆lock lock多士,仲有我好欣賞既蛋白蘑菇煙肉卷,我曾經在家試過整,但係有d難度,以後都係來呢度食好過mad套餐仲配上經典米蘭咖啡,自己就完全唔落奶,因為可以飲到咖啡既香濃

另外點左Scrocchiarella Parma Ham Pizza,來到意大利餐廳,一定要點個意大利長形Pizza,麵皮香氣十足,而且帶有獨特的柔韌香脆口感,仲好有咬感,Pizza面鋪滿Parma Ham、水牛芝士、火箭菜和番茄醬,餅底非常香脆,口感有d似梳打餅,Parma Ham每件都大大塊,每一口都吃到帶鹹香味的Parma ham和軟滑的水牛芝士,做得非常出色

造訪日期: 2021年4月
感謝 jc120906
該評論乃TripAdvisor會員主觀個人意見,不代表TripAdvisor LLC公司。
2021年5月17日 透過行動裝置

一陣子沒有逛這商場了,這次來到一個很專屬的corner,是商場地標大球體隔鄰的意大利餐廳,門口放滿了色彩繽紛的甜點,雪糕及牛角飽,這次選擇了室外半露天的座位,優雅高貴靚人靚景,真是打卡勝地呀!餐廳用料上乘品質有保證。

前菜威尼斯式比目魚醬配意大利脆包片非常有驚喜,賣相精緻味道一流,白色的比目魚以圓柱體呈現,入口有著啖啖香草清香,而頂部放滿彩色食用花作點綴,旁邊的脆包片是極級脆身,與比目魚醬是完美配搭。

Scrocchiarella 黑松露薄餅,是一款在意大利羅馬地區常見的長形薄餅,餅底是薄脆款質感較煙韌,面料有數不盡的芝士、香草及大大片的黑松露片,一上枱已散發出濃烈的松香,入口清新不膩,再加$38配一杯Friuli Collezione Privata Extra Brut DOC汽泡酒,絕對是味蕾的享受。

米蘭芝士蛋糕質感較鬆軟,比一般蛋糕較大件而且甜度適中,更帶有陣陣檸檬香。特濃朱古力醇度較高,質感濃厚綿滑易入口,再伴以多條朱古力脆片,真是全方位邊飲邊食朱古力呀!

造訪日期: 2021年5月
感謝 Hitormiyu
該評論乃TripAdvisor會員主觀個人意見,不代表TripAdvisor LLC公司。

去過Giovanni Pina嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。