Giovanni Pina係一家過百年以烘焙聞名嘅意大利糕餅品牌，其第三代傳人亦係意大利烘焙界殿堂級大師，曾獲選全球 100 位最佳甜點大師，現駐港炮製Giovanni Pina的甜品。Giovanni Pina尖沙咀店位於K11 Musea 2樓，用餐區對正K11 Musea的「Gold Ball」，打卡一流。餐枱以二人圓桌為主，座位之間有足夠空間，加上可以向上直望到K11 Musea的拱頂天窗「Oculus」感覺非常舒適。我地點左兩款牛角包，一客即烤香草包三文治套餐同埋甜品share食，邊食邊享受呢個咁舒適嘅空間。

米蘭咖啡
三文治套餐配嘅呢款咖啡係採用意大利最著名咖啡品牌 Caffe Milani的咖啡，由意大利直送香港，咖啡馥郁芬芳，配上鮮奶，口感綿滑。

即烤煙三文魚燒茄子水牛芝士香草包三文治 $128
以烘焙聞名嘅老店做嘅香草包果然好出色，可能因為對酵母同麵粉比較講究，香草包嘅口感非常好，鬆軟之中帶有少少韌性，香草味亦好突出，配上煙三文魚同水牛芝士等配料，味道層次非常豐富，沙律配菜新鮮爽脆，加上脆甜薯，配搭得非常好。

伯爵茶 $38

提拉米蘇 $52
Giovannk Pina的Tiramisu有足足超過10層，咖啡味濃，蛋糕濕潤絲滑，蛋糕同咖啡味道層次分明，確實令人回味無窮。

牛角包 $26
我地點左兩款牛角包，同其他香港麵包店唔同，Giovanni Pina的牛角包比較鬆軟而且餡料飽滿，吉士醬唔會過甜，入口唔太膩。

聖安娜蛋糕 $52
除左Tiramisu外，原本仲點左餐廳另一款出名嘅甜品聖安娜蛋糕，不過由於已經食得太飽，最後都係改左外賣返屋企下午茶再食。蛋糕分有多層，每層都有忌廉配以橙酒，中間加左朱古力吉士，每層以橙酒塗抹，入口甜以不膩，下午茶兩個人share一件唔多夠食。

之前睇過一啲飲食指南，認識到Giovanni Pina 係一個意大利百年享譽盛名嘅烘焙品牌 ，其出品嘅蛋糕同麵包選料甚為嚴謹, 選用承傳百年嘅天然酵母做酸種，完全冇化學添加劑，既健康又容易消化，非常適合愛好健康人士的口胃。知道呢個品牌聯同米蘭咖啡係K11 Musea開咗全球第一間分店，仲由和品牌同名嘅第三代傳人Giovanni Pina 意大利殿堂級烘焙大師坐鎮，當然不能錯過，急不及待約咗友人去食吓。Giovanni Pina獲得國際糕點獎嘅金牌和甜點大師嘅稱譽， 也是全球100位甜點大師之一員。淨係以上種種就值得慕名而來朝聖一下,不能錯過。

K11 Musea 環境優雅，裝潢甚有格調，人流又吾多，Giovanni Pina 位於商場二樓中庭位置，係到嘆下咖啡食下嘢，非常輕鬆自在，悠然自得。

原來Giovanni Pina 吾單止有蛋糕和麵包，還有意粉和risotto 供應。

即烤藍芝士雅枝竹火腿香草包三文治配甜薯條

藍芝士特點係用青黴菌發酵，使其表面有些藍色斑紋，最初對其外表有d抗拒，味道比一般芝士鹹。第一次知道有雅枝竹呢種食材，好奇下就order 嚟試吓。原來雅枝竹係意大利常見嘅高纖食材，其營養價值非常高，能降低壊膽固醇，降血壓血脂、去水腫和延緩衰老等作用。香港比較少見，多數由歐洲進口。雅枝竹味道偏淡，配上偏鹹嘅藍芝士一齊食，就非常夾味。餡料中還有鹹香味極重的火腿片，令成個饀料錦上添花。除咗餡料了得外，香草包也做得非常出色，外脆內軟之餘，香草的氛芳味充滿著每一口， 齒頰留香。

意大利特色早餐

呢個特色早餐非常豐富，有卷成好靚花花型嘅油潤煙三文魚；有食落吾覺膩嘅煙肉蛋卷；有兩種不同口味嘅芝士腸；有兩大塊鬆脆嘅香草多士，貼心的是有牛油和果jam一併上碟給客人選擇；還有香脆薯仔粒、新鮮沙律菜和甜美鮮無花菓伴碟，食完真係覺得好滿足。

米蘭咖啡

咖啡一飲就知道是用上乘嘅咖啡豆調配，入口幼滑香醇，馥郁芬芳。

食完餐和飲完咖啡已經非常之飽，但見到啲甜品好精緻，好想食，於是就外賣返屋企慢慢嘆。

意式薩赫蛋糕

原來呢款係歐洲嘅經典貴族蛋糕，外型簡單但內裏層次分明，味道冇一般蛋糕咁甜，口感輕盈，一路食一路覺得有股冧酒香味漸漸滲出嚟，但之後又覺得好似係白蘭地嘅酒香味，食食吓仲有啲杏甫果醬係好濃郁嘅朱古力層中流出，非常香甜可口我好鍾意呢個蛋糕，難怪係經典貴族蛋糕啦！

意式開心果吉士牛角包

牛角包一啲都唔遜色，外皮不單脆而且夠鬆化，包面嘅開心果碎香味濃郁，切開包中間還有流心吉士開心果醬，同樣開心果味好出，這個包係我食咁多個牛角包之中最好食嘅一個

唔怪之得Giovanni Pina 係享譽盛名嘅烘焙品牌，佢嘅出品真係好好食我下次要買多幾款蛋糕和麵包返屋企逐一品嚐下至得！

屹立超過百年的意大利糕餅品牌Pasticceria Giovanni Pina，世代相傳百年手藝，其第三代傳人，曾獲選為全球100位最佳甜點大師。在疫情底下，發展意大利境外生意，選擇香港為第一站，其出品怎樣？

餐廳座落K11 Musea，一邊位於商場中庭，另一邊設有放滿麵包蛋糕的玻璃櫃，還提供VIP房，配上華麗水晶燈， 甚有氣派。

先到櫃面選擇食物，付款後，有專人送上。選擇咗坐中庭，在美麗嘅環境下，心情特別好。
·
一人一個吉士牛角包，外表香脆，裏面鬆軟，一咬落口，中間的吉士醬緩緩流出，好自愈。

開心果櫻桃mousse， 啖啖充滿開心果味，mousse幼滑可口， 當中還夾有櫻桃，多了一個層次。

米蘭芝士餅，濃濃的芝士味，味道濃郁。

Tiramisu，圓圓的外型很是吸引，蛋糕層次分明。咖啡的微微苦澀和酒的香醇，賦予幸福感覺。

唔少得嘆返杯咖啡，熱咖啡加上玫瑰，幼滑而香醇·，咖啡面的玫瑰花，增加視覺效果，還配有兩粒小泡芙，相當精緻。

朋友揀了凍咖啡加椰子，咖啡順幼加上椰香，非常滿意。

見到gelato很吸引，一杯兩球，選擇了tiramisu，野莓，牛奶，吉士。Gelato 脂肪含量比較低，口感綿密，層次豐富。個人最喜愛tiramisu，不但有淡淡的酒香，更有咖啡和朱古力組合，不錯。

其實餐廳有正餐鹹食供應，下次會試試。這裏部分食品和飲品外賣是有折扣，唔怪得都見到唔少人take away， 朋友還買了幾件蛋糕回家跟家人分享。

疫情己有一年多，鬱悶在家倒不如享受一下美食，間中一次豪華版又如何！
K11 Musea進駐了意大利名師的糕餅店，下午時段還有套餐。
三百元左右，以水凖而言是相當值得。

甘筍薑湯
姜味好搶，但並不嗆喉，飲后覺得好暖胃。

香草燒春雞伴黑松露汁
嘩！ 飄來陣陣香味！
雞皮燒得香脆惹味，內里保持肉汁，嫩滑。
黑松露汁的配搭，味道悠和，更顯高雅。

咖啡
濃厚味道帶甘香。 小巧玲瓏的提子餅伴咖啡，太完美！

糕餅如此大有名氣，買了回家與家人分享。
包裝得非常妥當精美。

朱古力金盒歡
看似甜膩，卻意外不是想像中的。
朱古力味道濃厚，中層會有朱古力夾心，每啖充滿着滋味。

一月份在如心廣場一期一樓一間意大利餐廳開張了！
看介紹餐廳的背景相當有份 量！是由意大利 首屈一指殿堂級烘焙大GIVANNI PINA
駐炮製的！
GIVANNI PINA 是一家跨越8年以烘焙為靈魂的意大利糕餅品牌非常美味！
Menu上意大利粉，pizza，海鮮等菜式做得很漂亮，都很想試。
於是點了兩份Set，可以試一下湯和蛋糕，法式咖啡等。
A.馬天尼忌廉青口意大利飯意228元
B. 蕃茄芝士雞肉伴炸甜薯燒波羅火箭菜車厘茄沙律
是日餐湯～
雜菜湯，味道甜美有滑滑口感還很夠熱！
經典米蘭咖啡醇滑香濃，上面浮著一層咖啡油，果然特別！
另一杯奶茶比較淡与港式的很大分別。
盡量不多的意大利飯忌廉醬汁香濃，口感不會太硬，小粒青口嫩滑，很美味！
蕃茄芝士雞肉炸甜樹脂波羅火箭菜車厘茄沙律， 芝士與雞肉嫩滑，包香脆，酸酸甜甜很惹味 ！餡料份量不少，伴碟蔬菜很新鮮爽脆配合意大利醋非常醒胃，很回味這份餐！
吃完美味的主餐，期待的甜品出場了！
聖安娜蛋糕～
看介紹這件多層經典的意大利蛋糕帶有忌廉的軟滑，中間有一層為朱古力吉士打，每層以橙酒塗抹，薄薄的蛋糕把每種味道緊鎖， 確保每一口食客都能感受到一種獨特輕盈，層次分明圓潤口感。
吃上如此復繁複工序的蛋糕，真是太幸福了！
臨離開再買另一款回家品嚐！