我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“驚喜西班牙菜🤩😍”
Tapa Room的評論

Tapa Room
香港排名第4,301 (共15,374家餐廳)
周圍地區: 尖沙咀
餐廳詳細資料
周圍地區: 尖沙咀
3 週前評論 透過行動裝置

Tapa Room由觀塘開到尖沙咀 尖沙咀店設計新潮型格 一開已經係打卡位,摸黑中吊起盞盞閃閃亮既水滴形吊燈 店內既高身吧台,可愛趣怪既食鬼霓虹燈 點杯酒叫啲Tapas小食,寫意輕鬆地渡過悠閒時光
·
凍切拼盤  HKD$88
好啱下酒既一款cold tapas 圓形擺盤分別盛載住 西班牙火腿、曼徹格芝士、紅酒燴梨,慢慢嘆慢慢食好relax~
·
薄切慢煮八爪魚配日本海葡萄  HKD$98
尖沙咀分店限定 新鮮軟彈既慢煮八爪魚口,配埋口感一流既日本沖繩海葡萄食落開胃又清新,食左佢即時胃口大增
·
西班牙黑毛豬肝醬配木梨果凍及法包脆片 HKD$98
擺盤好靚好吸引眼球 咸香既豬肝醬配上香甜既木梨果凍,味道鹹甜互相衝擊好特別 加上豬肝醬口感好延綿,當cream咁搽上脆片食,高級享受呢
·
西班牙薯仔蛋餅配日式明太子  HKD$88
尖沙咀分店限定 又係好特別既菜式之一,蛋餅裡面包裹住海量既薯粒同薯蓉,切開已經係咁湧出嚟,好流心 蛋餅皮薄薄一層,所以食落較重薯仔味道,配埋面頭既明太子蛋黃醬一齊食,口感更加creamy 食完好飽肚,同朋友一齊開心share適合不過
·
炸黑毛豬火腿球伴蘋果蜜糖蛋黃醬  HKD$78
火腿球外層炸得香脆可口 咬開入面係滿滿厚實既豬肉丸 配上蛋黃醬及茄汁食增加左濕潤感 得嗰幾粒唔係好夠喉呢。
·
烤煎慢煮西班牙黑毛豬鞍架配些厘醋燒汁伴炸薯粒  HKD$158
慢煮既黑毛豬鞍架7成熟原來係咁好食 裡面既肉7成熟啱啱好熟,微微粉紅色勁鮮嫩 口感又滑又軟,完全唔會有嚡既感覺,第一次食到咁高質既豬肉 豬鞍架仲要係厚切好有份量 底下既炸薯粒吸收哂些厘醋燒汁,又飽又滿足!
·
Red Sangria  HKD$60
White Sangria  HKD$60
·
Tapa Room
尖沙咀彌敦道176號The Nate 2樓B號舖

造訪日期: 2021年1月
感謝 foodie_anniechan
該評論乃TripAdvisor會員主觀個人意見,不代表TripAdvisor LLC公司。
發表評論評論 (5)
旅客評等
旅客類型
月份
語言

1 - 5 則評論,共 5

2021年1月26日 透過行動裝置

之前已經好鐘意去銅鑼灣分店食,知道尖沙咀新開了分店,就相約朋友來食下午茶。

Tapa room 主打多款特式西班牙小食,餐牌款式多,而且仲有尖沙咀限定食物,當然唔好錯過。

餐廳裝潢採用落地玻璃,而且用上吧枱設計,感覺更寬敞,環境舒服。

西班牙黑毛豬肉丸伴烤甜椒醬-黑毛豬肉丸第一次食,豬肉味特別濃郁,不柴口,肉質鬆軟,加上底下的甜椒醬,肉味更提升。

蕃茄脆包,醃白銀魚,蒜蓉蛋黃醬-麵包非常香脆,麵包上放了蕃茄蓉和白銀魚,味道醒胃,而白銀魚肉質幼細,而且帶出了鹹香的味道。

西班牙薯仔蛋餅配日式明太子-每次都會必點西班牙薯仔蛋餅,蛋餅好厚身,一切開仲要係流心,入面仲有一粒粒薯仔和幼滑薯蓉,配上日式明太子醬,口感更豐富。

蘋果汁&菠蘿汁

造訪日期: 2021年1月
感謝 lamlee89
該評論乃TripAdvisor會員主觀個人意見,不代表TripAdvisor LLC公司。
2021年1月23日

之前幫襯過觀塘嘅「Tapa Room」,對店舖嘅食物同服務,印象甚佳。最近從食評網得知,餐廳喺尖沙咀開咗新分店,趁今日假期,專登過嚟捧下場。

餐廳裝潢很有格調,門口走廊以水滴形燈泡作裝飾。入面地方頗大,空間感十足,用餐區寬敞闊落,店內設有吧檯座位,配上室內的霓虹燈,添上一絲浪漫氣氛。

店員好熱情,我哋一坐低就過嚟介紹店裡嘅食物。我哋點咗幾款 Tapas,另外再加咗客二人份量嘅西班牙海鮮鍋飯。

薄切慢煮八爪魚配日本海葡萄 ($98) 率先送上,八爪魚以慢煮方式烹調,鮮味完全被鎖住,肉質軟腍又不失韌性,入口鮮嫩彈牙。面頭的蕃茄紅椒蓉非常醒胃,酸甜冰涼,配埋富含維他命和鈣質嘅海葡萄吃,既 Fresh 又健康!

接著送上的棒棒鵝肝配日本清酒 ($98) 賣相非常吸引,鵝肝搓成圓形嘅小球狀,表面撒上開心果碎,用中間的竹籤拮住細嚐;鵝肝很幼滑,入口即溶。再喝一口清酒,酒香醇和自然,帶出鵝肝綿密的口感。

跟著是一客薄切炙燒吞拿魚腩 ($88),吞拿魚腩薄切,微微炙過,逼出油份,入口甘腴 Melty。墊底的沙律菜,口感亦唔錯,新鮮爽脆。

之後係一客西班牙黑毛豬肉丸伴烤甜椒醬 ($78),肉丸做得很有水準,肉質鬆化軟熟,豬味香濃,入口汁豐味美,蘸底下嘅甜椒醬吃,清甜醒胃。

壓尾出場的西班牙薯仔蛋餅配日式明太子 ($98) 亦非常之有驚喜,外層香脆金黃,入面塞滿了薯仔粒及明太子蛋漿,食落外香內熱,鹹香中又帶陣陣薯香,滋味滿溢。

食完 Tapas 就輪到吃主菜西班牙海鮮鍋飯 ($188),海鮮飯配料非常豐富,除了彈牙味鮮嘅蝦隻外,還有青口、蜆、魷魚等。墊底的飯粒,色澤橘紅,入口分明煙韌,濕潤得嚟又唔會太腍身,好味。

飲品點咗 Red Sangria ($60) 同 White Sangria ($60) 各一,前者入口帶淡淡肉桂香氣,酒體圓潤不澀,而後者則以白酒取代紅酒,再加入青蘋果和荔枝汁,入口果香濃郁,好啱女仕飲。

造訪日期: 2021年1月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2021年1月5日 透過行動裝置

餐廳:Tapa Room (尖沙咀)
地址:尖沙咀彌敦道176號The Nate 2樓B號舖

之前去過Tapa Room觀塘嘅分店,佢哋嘅西班牙菜真係做得非常出色。最近見到佢哋推出咗西班牙x日本嘅fusion菜式,所以就急不及待同朋友去咗尖沙咀嘅新店試試佢地嘅新菜式

同我想像中一樣,佢哋尖沙咀嘅分店一樣係打卡指數爆燈,等緊嘢食嘅同時影吓相就啱晒

薄切慢煮八爪魚配日本海葡萄 $98
先將八爪魚慢煮後切片,加入日式明太子醬同海葡萄,海葡萄經處理過劈走咗海水味,所以食落唔會好腥,而明太子嘅鹹香襯托八爪魚同海葡萄嘅鮮香就啱啱好

棒棒鵝肝配日本清酒 $98
平時就咁食鵝肝會非常膩,餐廳試話用唔同材料做配搭,結果最後用上開心果碎同日本清酒去中和鵝肝膩嘅感覺。先將鵝肝蘸滿開心果碎,放入口,再即刻飲埋杯清酒先開始咬,估唔到成個味就會咁match,鵝肝同清酒嘅相輔相成,同時令清酒嗆喉嘅感覺都消失咗,必試!

西班牙黑毛豬火腿及柚子蜜茄子卷配日本柚子醋汁 $68
薄薄一層嘅黑毛豬火腿包住茄子,裡面再夾雜住充滿柚子醋汁嘅蔬菜,連埋面頭嘅檸檬一齊食,酸酸甜甜嘅味道幾特別

西班牙薯仔蛋餅配日式明太子 $88
切開熱辣辣嘅蛋餅,入面有豐富嘅薯仔粒同埋蛋漿,面頭嘅忌廉同明太子慢慢滲入去內層,放入口暖笠笠口感豐富,雖然材料看似簡單,但係味道相當好食,要注意嘅係記得撈勻入面啲明太子,如果唔係會有少少咸

甜品拼盤 $108
呢個拼盤有西班牙菓茶水信玄餅、西班牙炸油條同肉桂多士,初嚐水信玄餅,用寒天粉製造,屬於大菜嘅一種,口感似啫喱,仲有各款水果係入面;炸油條就比較多糖,另外加上朱古力醬,味道較為甜少少,作為飯後甜品就啱晒

難得嚟到又點可以唔飲返杯,我揀咗個white sangria($60),而朋友就揀咗red sangria($60)。白酒加咗青蘋果、荔枝同埋熱情果;而紅酒就加咗蘋果、桃、橙同肉桂,飲落充滿果香,好易入口,難怪咁多人都鍾意叫佢地啦

我嚟緊嘅目標喺去埋Tapa Room嘅銅鑼灣店打卡,唔知有無人想一齊去呢

造訪日期: 2021年1月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2021年2月25日 透過行動裝置
Google 翻譯

造訪日期: 2021年2月
該評論乃TripAdvisor會員主觀個人意見,不代表TripAdvisor LLC公司。

去過Tapa Room嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。