外遊還要等一段時間，但思念各國美食卻是無時無刻，唯有找一些過江龍，享受美食解一解相思之苦。
Chatterbox 是星加坡頗有名氣食海南雞飯的專門店。港島區進駐太古城，地鐵出口附近，非常方便。
文華海南雞飯
加$10轉雞脾。
金黃色潭的海南雞好吸引。皮下脂肪不多，肉質嫰滑，皮脆肉嫰。
三款醬汁任意蘸食，各有特色。
雞油飯粒粒甘香，不會有油膩感。
清雞湯鮮甜。

凍美祿哥斯拉
拍照扼like最啱feel。味道濃郁，撈混雪糕更加滑溜細緻。粒粒脆脆增添口感。

文華海南雞飯 (升級雞髀)
去骨海南雞髀，約有十件肉，油飯丶湯丶有齊三款醬料，雞肉肉質嫩滑，雞皮下無乜脂肪層，食落唔會覺得油膩。

新加坡肉骨茶麵線
新加坡肉骨茶比馬來西亞嘅較重胡椒味，湯底顏色比較清；肉質軟腍，點黑醬油食，可將肉味提升；而油炸鬼好脆，只係油咗少少，依家呢個天氣食就啱哂喇～可以驅寒暖胃。

雞肉沙嗲 4串
雖然雞肉串份量比較小，但沙嗲醬好味！！配埋青瓜丶紫洋蔥，惹味

凍Cappuccino
只記得要少冰，唔記得嗌少甜，但出嚟個甜度適中，奶味濃滑，唔錯！

凍美禄哥斯拉
美祿恐龍即美祿朱古力，加上未溶嘅美祿粉＆朱古力脆脆波，美祿哥斯拉其實係美祿恐龍嘅進化版，多咗一球雲呢拿雪糕，估唔到個雪糕，向我食晒成餐飯都未溶哂，好滿足！

今日去華蘭中心地下間「Food Le Parc」購物，發現原來超市對面新開咗間「Chatterbox Express」，嘩！ 咁近城隍廟，無理由唔幫襯下。

據說餐廳係「Chatterbox」開設嘅全新品牌，以快餐概念為主題。門面以檸檬黃和墨綠色為主調，色澤鮮明奪目，感覺既年輕又富活力。

店內繪有形象活潑的卡通吉祥物作插畫，再配以玩味十足嘅幽默英文語句作裝飾，裝潢既簡潔又明快。

先睇下午餐嘅選擇，除了招牌菜文華海南雞飯外，還有喇沙系列、肉骨茶系列、炒飯、星洲炒貴刁、撈麵系列、小食、甜品及飲品等。

點咗兩個午餐：文華海南雞飯 ($108) 和炒貴刁，另外再配咗小食同甜品各一客。加咗
$10 將海南雞升級轉做雞髀，雞肉以慢煮方法烹調，肉質鮮嫩滑溜，品嘗時可按個人喜好沾上秘製的辣椒醬、黑醬油和薑蓉伴吃。

米飯以南薑、斑蘭葉、香茅、雞油等炒過，然後加雞湯煮成，入口粒粒分明，有雞香又不油膩。跟餐嘅豆腐生菜湯，味道亦唔錯，滑溜的豆腐配上脆嫩的生菜絲，美味可口。

星洲海鮮炒貴刁 ($98) 貴刁用深色的甜豉油爆炒過，上桌時傳來陣陣濃郁的醬油香，香味撲鼻。配料除咗大蝦外，還加入了新加坡臘腸、白飯魚仔及魷魚等，配醬汁香濃而味道偏甜的貴刁吃，別有一番風味。

兩份套餐都包飲品，另外亦可以加錢將餐飲升級轉做特飲。我哋點咗凍美祿哥斯拉 (+$16) 同 凍豆漿 (+$10)，美祿恐龍面頭鋪咗層厚厚的美祿粉，上面放咗球雪糕並圍上美祿波波。可可球入口脆卜卜，配軟滑嘅雲呢拿雪糕吃，香甜味美！豆漿豆味香濃，甜度啱啱好。

馬來特色香煎辣魚餅配多士包 (+$28)，魚餅薄薄一片，煎至焦香脆口，味道微辣，頗惹味，配青瓜和鬆脆的多士包吃，層次豐富。

甜品點了椰子雪糕咖央三文治 (+$28) 三文治中間夾入了 Chatterbox 的招牌椰子雪糕及咖央作餡料。椰子雪糕椰香味甚濃，麵包入面塗滿濃香幼滑嘅咖央醬，夾埋一齊食，完美帶出地道新加坡滋味。