自助餐環境優美，應該算係香港數一數二坐得濶落的自助餐，食物不算很多，但單是牛扒及燒龍蝦，已經值得回頭，雪糕是Movenpick ，但朱古力味比人食哂後轉咗普通朱古力雪糕。最美中不足的，是明明已告知職員加38元任飲果汁，仍有3位職員“提醒“果汁需額外收費，讓人感到有點煩，酒店既然有人手提醒客人，為何不直接讓職員落單送上橙汁？那便不用出現三次尷尬情況。 結帳時和餐廳內最親切的外籍職員談起海岸扒房好食，醒起他們剛推出假日自助午餐，決定過兩個月去試試，包酒任飲應該無人會提我果汁要收費。

住東涌近近地就去試試cafe Lantau ，估唔到
平日夜晚都咁熱鬧，坐滿哂！
坐低每人有鮑魚仔冬菇。
熱食選擇多，烤龍蝦大大隻，出色！仲有個鵝肝漢堡仔都唔錯～8.5/10
凍食都正常質素 7.5/10
甜品好多都樣靚⋯⋯ 6/10
廚師同server 都好主動幫手，態度好好啊
值得一讚餐廳經理 Cyrus，態度100分又勤快，個日本身帶左生日蛋糕去切，但太飽話拎走，佢好主動話不如拎出黎影張相先再包返☺️

2021年3月6日
東涌世茂喜來登酒店只是開左幾個月，在2020年12月1號正式投入服務。酒店位於東涌市中心，不過距離東涌地鐵站比較遠左少少，步行應該要十五分鐘左右。
當日Book左呢度自助晚餐，同表姐慶祝生日。餐廳位於1樓，餐廳名為＂嶼坊＂。食物種類都算多，有日式丶中式丶西式丶印度菜⋯⋯ 應有盡有。凍海鮮方面有龍蝦丶蟹腳丶即開生蠔丶蝦丶螺丶藍青口。日式方面有肥美嘅三文魚刺身丶壽司卷丶蝦天婦羅丶番薯天婦羅丶南瓜天婦羅丶炸魚丶鰻魚等等。中式方面有點心，蝦餃丶牛肉燒賣丶小籠包丶叉燒包。仲有咕嚕魚柳丶鮮蝦炒西蘭花丶春卷丶鮑汁炒麵丶菠蘿雞粒炒飯等等。有印度咖哩。有巴馬臣芝士意大利飯丶粟米湯。甜品方面有即叫即整嘅pancake，可以自己加配料。仲有六款Mövenpick雪糕。基本上全部野都好味，天婦羅炸漿唔會太厚。唯一覺得蝦餃就麻麻地，蝦餃皮太厚，有待改善。環境舒適，坐位闊落。服務態度方面非常好，主動收碟丶添水。想讚揚一下帶位姐姐 Yan丶經理 Leslie丶Waitress Sadiksha，非常有禮貌丶親切丶細心。今晚覺得非常感意，個個都食得好滿足。