我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“精緻中菜”
顏府御膳的評論

顏府御膳
餐廳訂位
香港排名第5,337 (共15,233家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
4 週前評論 透過行動裝置

難得平日放假,來高級食廈Cubus 吃個高級午餐,好好放鬆一下。

位於5樓的中菜館顏府御膳,裝潢優雅,近入口位置的屏風富有中國古典韻味,紅色水晶吊燈奢華又別緻。

午市套餐每位$180 ,包括精選老火湯、頭盤、主菜和甜品。頭盤和主菜都各有六至七款選擇,每款都各有特色。

老火湯
是日湯品為西洋菜紅蘿蔔煲豬骨湯,原汁原味,非常足料鮮甜。西洋菜湯有清熱生津的功效,超合我需要。

頭盤

口水雞
製成雞絲的口水雞,方便入口。味道辣得夠惹味,爽脆的青瓜絲口味清新,剛好可平衡一下辛辣感。

紅椒汁蘆筍蝦餃
一打開蒸籠蓋,便傳來了一陣紅椒的香氣。蝦餃的外皮使用了紅椒汁來製作,不僅有紅椒的甜甜辣辣的味道,還帶上鮮艷的橙紅色, 十分吸晴。蝦仁十分爽脆,蘆筍更帶來了雙重的爽脆感,不能是視覺上還是味覺上都是上佳之作。

主菜

農家乳香黑豚肉
乳香,意指腐乳。菜式調味使用了腐乳和辣醬,帶來濃濃的雙重味道享受,誰也不蓋過誰的風頭。蓮藕爽脆,木耳跟爽脆,雙重爽脆配搭嫩嫩的黑豚肉,菜式剛柔並重,配搭得宜。

荷香鮮沙薑陳皮生煎雞焗飯

荷香滿滿的竹籠飯,上面是煎得金黃超香的雞腿肉,但是賣相已經奪得不少分數。雞腿肉相當滑溜,外皮煎得甘香,雞油香加上荷香滲透進白飯中,加上沙薑和陳皮的味道,帶來極致的味覺享受。

甜品
南北杏雪耳燉萬壽果
清甜的木瓜,融入冰糖燉制的南北杏雪耳,潤肺潤喉又養生,非常適合這乍暖還寒的天氣下享用。

造訪日期: 2021年3月
1  感謝 HongKong_KW
該評論乃TripAdvisor會員主觀個人意見,不代表TripAdvisor LLC公司。
發表評論評論 (4)
旅客評等
旅客類型
月份
語言
2020年12月8日 透過行動裝置

餐廳:顏府御膳 (銅鑼灣)
地址:銅鑼灣開平道1號Cubus 5樓

銅鑼灣嘅Cubus係一幢充滿食府嘅商業大廈,顏府御膳呢間高級fusion中菜廳係啱啱11月頭開業,依家仲係試業階段,既然係新餐廳梗係要幫大家試吓口味啦

佢哋嘅菜式精緻多變,以賣相同款色作為賣點,簡單一樣點心都包你滿有驚喜

叫咗個午餐set,每位承惠$150,另加$20茶水、$20餐前小食,同加一服務費‍♂️,順帶一提呢度嘅加一又真係值,服務幾好,員工夠主動又有禮貌,食都食得開心啲

頭盤揀咗個自選點心拼盤兩件,分別有紅椒汁蘆筍蝦餃,同埋脆皮麻辣燒賣。兩樣食落都係有少少辣,蝦餃用咗原隻鮮蝦,仲食到有唔少新鮮爽口嘅蘆筍,加埋晶凝通透、有接近10摺嘅橙色蝦餃皮,可見師傅嘅手工真係有一手;燒賣將外層炸至金黃香脆,咬開就食到多汁、輕輕微辣嘅燒賣肉,夠哂特別吸引

點心食過返尋味,所以額外叫咗個藥膳小籠包($44/2隻),第一次食小籠包喺用咗藥膳上湯,估唔到又幾夾

主菜就揀咗南乳溫公齋同鳳梨咕嚕肉伴炸雲吞,齋煲相比起其他菜式嚟講就平平無其,南乳香突出得嚟唔會好濃烈,裏面有粉絲、西蘭花、木耳、菇菌類等。鳳梨咕嚕肉伴炸雲吞喺我今餐另一個至愛,糖醋汁酸甜度啱啱好,雲吞酥脆惹味,咕嚕肉熱辣辣得嚟仲外脆內軟,可惜份量就比較少

是日老火湯喺猴頭菇眉豆雪耳燉豬腱,飲得出湯係冇加過任何味精,仲好足料添;甜品仲有南北杏雪耳燉萬壽菓同埋自選甜品——二鍋頭蛋散,蛋散鬆脆香口,加埋糖漿同埋淡淡二鍋頭嘅酒香,真係一個好創新嘅配搭

造訪日期: 2020年12月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年12月6日

銅鑼灣 Cubus 是著名食廈,入面有不少高級餐廳,最近從網評得知 5 樓新開咗間中菜館「顏府御膳」,見食物賣相精緻吸引,所以亦特意預訂了座,兩口子來嘗新。

餐廳嘅裝修果然好有格調,地方寬敞,裝潢時尚高雅,座位闊落,坐得十分舒服。除大堂用餐區外,最入面位置還有一間私隱度甚高的貴賓廂房,很適合商業宴請。

先睇下本餐牌,食物分門別類,有小食、湯•羹、山珍海味、魚翅、海鮮、肉類、家禽、佐酒小吃、天府美饌、時蔬、飯麵、甜點,另外亦有一款以位上嘅一人晚餐,至於茶水就每位收 $20。

點完餐後,趁餸菜未上,先吃點餐前小食。是晚嘅小食為琥珀合桃 ($20),合桃補腦又有益,每粒都沾滿一層薄薄的甜甜脆糖,食落好香口,令人吃不停口。

先嚟糯米釀雞翼 ($68),這一客絕對是工夫菜,因為要先把雞翼起骨吊乾,然後將糯米釀進雞翼內,再用油炸香。兩隻雞翼都非常飽滿,大大隻、外脆內粘,糯米口感煙韌,美味得很。

接著是一客花膠瑤柱羹 ($148/位),大大碟、分量十足,唔使撈起都可以清楚見到湯羹入面放了不少材料,每一啖都食到瑤柱絲、花膠、冬菇絲同肉絲,口感很豐富,喝罷滿嘴芳香,滋潤養顏。

野菌燒汁和牛粒 ($198) 平時自己喺屋企都鍾意炒下牛柳粒,不過當然唔及得呢度嘅大廚炒得咁有水準。和牛粒肉質很腍,配菜有雜菌、法邊豆、洋蔥和紅椒等,非常足料,加埋啲燒汁,入口甜甜地,好惹味。

跟住送上的陳皮鮮沙薑生煎斑球 ($268) 亦非常之有驚喜,斑片加咗新鮮沙薑和陳皮同煎,上桌時不但聞到濃濃的沙薑香,而且入口陳皮味亦非常突出,但又完全無蓋過魚肉嘅鮮味。菜式香噴噴,勁惹味,加上用煎鍋盛上,既能保持熱度,魚肉嘅熟度亦剛剛好。

壓尾的砂鍋大澳蝦醬唐生菜膽 ($138) 亦令人回味無窮。打開鍋蓋已看到醬汁及食材滋滋作響,極之誘人。菜膽熱燙燙,每棵都保留爽脆嘅口感,配上惹味的蝦膏和鹹香帶鮮的蝦乾吃,美味極了。

造訪日期: 2020年12月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過顏府御膳嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。